1 Corinthians 4:19 - Patamuna New Testament Revised

¹⁹ Itepulu Jesus yeselu pe iwechi yau, uyàpù màlà apyakù'nokon tachin pe kulu tùpo pùla, molopai nen uchi yà'là kupù pùsamlo tùutapulàsan kappon yamùk uya yene uya màlà uyiwalà, molopai yà'là yekkwa meluntà wechi tok piyau tok uselupatok yau neken pùla!

1 Corinthians 4:19 ပူးပေါင်းရင်းမြစ်များ

Yeunossak kon Wotokoyi 18:21

Tùse tok pàk yekamappù ya tùutài'ma, “Katù iwalok pe iwechi yau wennapo tu'ma màlà apyakù'nokon,” teppù ya. Molopai iitàppù Ephesus poi tuna po.

Yeunossak kon Wotokoyi 19:21

Sàlà wekkupù tùpo Paul wekkupùppù tùutà pàk Wakù Akkwalù yau Macedonia molopai Achaia polo molopai miya Jerusalem pona. “Màlà motak utà tùpo Rome yense nàlà utà màlà,” teppù ya.

Yeunossak kon Wotokoyi 20:2

Iitàppù, màlà yawolon kon nà pata yamùk yawàlà molopai kappon yamùk meluntàpappù ya kulu. Molopai iitàppù Greece pona.

Romans 15:32

Katù yeselu yawàlà welepantoppe apyakù'nokon tùutauchinpaik kulu, molopai uyakwalù tùkà'maik àkklottau'nokon wettoppe.

1 Corinthians 11:34

Molopai ànù'là wapàkkassak yau, tàwà nùta'lettài tùpata po, Katù uya atalumattà kon tukaik ewepilipù kon tamùkke pàk. Tùulon kon upàk enekamappoppù kon yeleutanùpù uya màlà uyàssak yau suwa mettàik tetoppe uya.

1 Corinthians 14:5

Tamù'nàwàlà messatài'nùk yawà euselupa kon tùulon mayin yau iche kasa wessaik, tùse làkku Katù Maimu yenpoika auya'nokon iche wessaik. Masapùla mùkkàlà Katù Maimu yenpoikanài wechi màlà eke peiwa, tùulon mayin yau tùuselupasen yentai lùiwa ànù'là wechi neken molo yà'là te ya yekamanài pe yau, tamù'nawàlà sochi tawon kon wepùikattà màlà.

1 Corinthians 16:5

Uyàpù màlà apyakù'nokon Macedonia yawà utà tùpo, masapùla utà sàlà Macedonia yawà.

1 Corinthians 16:7

Utà pe neken nà asse'ne eyenpai'nokon pùla wessaik. Tachinpe lùiwa nen uko'mamù apyau'nokon pàk enpen wessaik, Itepulu Jesus yeselu pe iwechi yau.

1 Corinthians 2:6

Walà tùse, ina uselupa, pukkeppe we'nà yekale pàk ichemokkasak kon kùlottau. Tuse, sàlà wolù winàpaino pukkek pàk pùla wapùla sàlà wolù yepulu ton pàk pùla. Pùsamlo mùkyamlo yà'là pùla nenayai'nannùk.

1 Corinthians 4:18

Tùulon kon nùtapulàyan àkklottau'nokon, apyakù'nokon uyàpù pen kasa tùttuik.

1 Corinthians 4:6

Utonpa yamùk, sàlà yamùk tesak uya màlà Iulà molopai Apollos tawonnan pàk ittutok auya'nokon ipàkàlà pe. Ina winà eusenupa kon pa, yà'là te là “Imenukasak yawàlà neken ekkà itentak pùla” tawon uya ittu kon pa. Molopai nen uchi ànùk yekkwa kappon wechi tùulon yentai te auya'nokon tukaik.

2 Corinthians 1:23

Katù tekamappoyaik uyekamanài pe, uyewan ittunài mùkkàlà. Usentuppa àpàkù'nokon pàk “Corinth pona utà pen” teppù uya.

2 Corinthians 10:9

Atalipaiche'nokon wechi pen ukaletayi yamù ke.

Hebrews 6:3

Sàlà yamùk pàk uselupan yeleutanùppai'nokon. Usemokkanpai'nokon man. Ewaik, ikupù màlà. Katù uya ikuttoppe kùkupù yawàlà.

James 4:15

Sàlàichi màlà wa tetok auya'nokon: “Itepulu yeselu pe iwechi yau, wema'nà màlà molopai sàlà wapùla màlà kupù'nokon màlà,” tawon.