1 Corinthians 4:17 - Patamuna New Testament Revised

¹⁷ Sàlà kasa iwechi pàk Timothy teunossaik apyakù'nokon, umu u'nùn pe unkupù, ailon pe tùwessen mùkkàlà Itepulu yau. Christ Jesus yau wemattok yekama tukka ya màlà àpàkù'nokon, enupantok uya tamù'nawàlà i'nailàlà sochi yamùk tau kasa iwechi ittu kon pa.

1 Corinthians 4:17 ပူးပေါင်းရင်းမြစ်များ

Matthew 24:45

“Ànùk ken uchi mùkkàlà ailon molopai pukkek apyoto itepulu nùtùlùppù tùwùk tawon kon yepoi, tok yeipattàtoppe ya iwalai iweyu yattai?

Matthew 25:21

‘Wakù kussak auya man, wakù molopai ailon uyapyoto! Ailon pe ewessak man malalon nùkkwà pùlayatta pilipù pàk, màlàpàk àtùlù uya màlà eke yesappe ewechi pa. Àikkà utauchinpa tonpa pe ewechi pa!’ teppù itepulu uya.

Matthew 25:23

‘Wakù kussak auya man! Wakù molopai ailon uyapyoto, ailon pe ewessak man malalon nùkkwà pùlayatta pilipù pàk. Màlàpàk àtùlù uya màlà eke mainanpa pa. Àikkà molopai utauchinpa tonpa pe ewechi pa,’ teppù itepulu uya.

Yeunossak kon Wotokoyi 16:1

Paul utàppù màlà miya Derbe molopai Lystra pona. Jesus ya'lon wemapùppù màlà molo itesek Timothy. Ichan ailon tawon nàlà Jesus pàk wechippù Jew pe, tùse ikàipùnù wechippù Greek pe.

1 Corinthians 11:16

Anù'là wechi sàlà pàk e'naikapai yau, sàlà kasa neken màlà tamù'nawàlà Katù sochiyi yamùk tau màlà yamùk wekkupù, tùpatalon eselu woton pùla iwechi màlà.

1 Corinthians 11:2

Ayapulàyatàu Iulà masapùla tamù'nawolon yau uyittu auya'nokon pàk molopai enupantok unepoloppù lùppù ke eyenupasak kon uya kupù auya'nokon pàk.

1 Corinthians 11:34

Molopai ànù'là wapàkkassak yau, tàwà nùta'lettài tùpata po, Katù uya atalumattà kon tukaik ewepilipù kon tamùkke pàk. Tùulon kon upàk enekamappoppù kon yeleutanùpù uya màlà uyàssak yau suwa mettàik tetoppe uya.

1 Corinthians 14:33

Masapùla Katù mùkkàlà utaimelunpantok Katùyi pen tùse tùwanmùla we'nàtok Katùyi. Tamù'nawàlà sochi tawon kon kùlottau nossan yamùk eppana tùwessan.

1 Corinthians 16:1

Masa uchi pùlayatta Katù ponalok kon kappon yamùk pùikattàtoppe tanùnsen pàk uselupai'che. Unekamappù Galatia pon sochi yamùk pàk ikuttàk kon.

1 Corinthians 16:10

Timothy uyàssak apyakù'nokon yau, manùntàik ichenalippa tukaik àkklottakù'nokon, masapùla iwe'wotokoma màlà nai'nùk ukasa làma Itepulu Jesus ponaloppe.

1 Corinthians 4:14

Sàlà menuka uya nai'nùk àkuli'mapai'nokon wechi pàk pùla, tùse eyekamappo kon pe u'nùn ton kulu umunkà yamùk kasa.

1 Corinthians 4:15

Masapùla 10,000 pe lànen eyenupannan Christ pàk yesappe ewechi kon, tùse tukke àkàipùnù kon wechi pen. Masapùla àkàipùnù kon pe wenasak màlà itekale winà.

1 Corinthians 4:2

Màlàpàk mùkyamlo iwotokoyittàsak kon wechi màlà ailon pe tok wechi tùttusan pe.

1 Corinthians 7:17

Tàwà tamù'nawolon kon nemapùi Itepulu uya tùlepatok kon lepantok yawàlà, Katù uya tùkà'mappù kon kasa. Sàlàichi màlà unekama tamù'nawàlà sochi yamùk tau.

1 Corinthians 7:25

Walawok ittunnannùssan pen yelupatok uya woton Itepulu winàpaino pùla lànen man. Tùse usenumenkatok yekama uya sàlà Itepulu Katù usentupatok yai, ewaik ken ko tetok ipàppe.

2 Corinthians 8:18

Ya'là tùwe'wotokoma kon tonpa yeunossan ina. Mùkkàlà tùnamasen tamù'nawolon sochi yamùk tau iwotokoyi Wakù Itekale yekama ya winà.

Ephesians 6:21

Tychicus, kù'nùn, kùtonpa kon molopai ailon kulu apyoto Itepulu wotokoyi yau uya, elepa kon màlà tamù'nawolon uyekale ke, atta wechi molopai yà'là kupù uya ittu kon pa.

Philippians 2:19

Ailon ukayaik Itepulu Jesus pàk sàlà pe'ne là Timothy yeunoko uya apyakù'nokon pe iwechi pàk, umeluntàtatoppe eyekale kon winà.

Philippians 2:22

Tùse Timothy mùttuyatàik. Tùwe'wotokoma pàk iwessak man upokon pe, tùkàipùnù pokonpe imu we'wotokoma kasa. Ina we'wotokomasak man tamùkke, Wakù Itekale pàkànsau.

Colossians 1:7

Sàlà ittuppù auya'nokon Epaphras ina tonpa, ina pùnùn kulu, ina we'wotokoma Christ ponaloppe tonpa winàpai, ailon pe kulu tùusetakkaik pùla tùwe'wotokomasen àpàkànsau'nokon.

Colossians 4:9

Ya'là Onesimus nùtàyan, wakù tùusetakkasen pen tonpa wannà kù'nùn molopai ailon, àtonpa kon. Tok uya tamù'nawolon talà nekussai'nùk yekama màlà àpàkù'nokon.

1 Timothy 1:18

Umu Timothy, sàlà enupantok tùlù uya sàlà eyemyak. Katù Maimu uya Wakù Akkwalù yai yekamappù àpàk tùuselupa yau lùppù yawàlà iwechi màlà. Tàwà màlà mayin ewepanta'matok ike pe nechii, wakù ponaloppe ewepanta'ma yawà,

1 Timothy 1:2

Timothy, ailon tetok yau umu kulu kasa tùwessen piyak unmenukappù. Katù Kùkàipùnù molopai Jesus Christ Kùyepulu uya elepatoppe wakù pe we'nàtok ke, usentupantok ke, molopai echitonpa pe we'nàtok ke wàpùlemayaik.

2 Timothy 1:2

Timothy, u'nùn umu piyak unmenukappù. Tàwà Katù Kùkàipùnù molopai Christ Jesus Kùyepulu elepai wakù pe we'nàtok, usentupantok, molopai echitonpa pe we'nàtok.

2 Timothy 2:2

Enupan uya yawàlà uyetappù auya tukkan kon yemloto po. Sàlà lùssan uchi yekama auya iche wessaik ailon tawonnan pàk, mùkyamlo, tùulon kon yenupannan yek pàk.

2 Timothy 3:10

Eyenupappù uya lùssan mùttuyaik, wemapùppù mùttuyaik. Tùse enupantok uya là mùttuyaik, wemapù yeselu molopai iponaloppe wemattok ailon tetok uya, pàlikantok uya, pùnùnmantok uya molopai tùusetakkaik pùla wettok tachin pe.

Titus 1:5

Ànàmàppù uya Crete po yà'làlà kupù pa ikasa màlà yamùk tùkussen pe lùppù nai'nùk, molopai sochi yennài nan woton kon yanùmù pa tamù'nawolon patassek yamùk yau. Enupantok uya lùppù kan mùttuik tà:

Revelation 2:10

“Yà'làlà ewettalumattàtok ike woton pàk kesenalippai! Masa yetakà! Makui uya eyittu màlà àtonpa yamùk tùlù tùuya patikichi tak winà 10 pe wei màlà ewettalumattà. Ailon pe mechiik, ewelikù ponalà, molopai wema'nàtok yalùko ke elepa uya màlà.

Revelation 2:13

“Ewemattok yau tùttuyaik, molo Settan yapon wettok imotau. Ailon pe lùppù messaik uyesek pàk, molopai ailon tetok auya upàk nonka auya pùn, Antipas yattai, ailon kulu upàk tùuselupasen iwàsak lùppù apata yau, molo Settan wemattok motau.