1 Corinthians 4:12 - Patamuna New Testament Revised

¹² Temyatù kon ke sa'man pe tùwe'wotokomasan ina. Tùpa'nùssak kon yau wakù pe tùwessan ina tùpa'nùnàippù kon pàk. Tùwettalumattà kon yau, ina ipàlikannan.

1 Corinthians 4:12 ပူးပေါင်းရင်းမြစ်များ

Matthew 5:11

“Tùutauchinpasan amyamlo, kappon yamùk uya àmottùnpa kon yau, atalumattà kon yau molopai yà'là kasa là akaseipa kon yau, masapùla uya'lon kon pe ewechi kon pàk.

Matthew 5:44

Tùse tekamayaik àpàkù'nokon, eyeyaton kon i'nùnmatàk kon, molopai atalumattànnan pona màpùlematàik.

Luke 23:34

Jesus uya, “Tok pàk esentuppakà, Ukàippùnù. Yà'là kupù tùuya'nokon ittu tok uya pùla man,” teppù. Tok uya ipon pantakappù màlà tùklottau'nokon elekkwà lùkkwà tàk walai tenu'mapàsse.

Luke 6:28

Wakù ikuttàk kon apa'nùssatài'nùk winàkàik molopai àli pe tùuselupasen ewinàkàik nokon pona àpùlematàk.

John 15:20

Ittutàk kon àpàkù'nokon ‘Apyoto mùkkàlà tepotolù yentaino pen,’ ” teppù uya. “Utalumattàsak tùuya'nokon yau, tok uya nàlà atalumattà kon màlà. Tenupatok kon uya yawàlà tùwechi kon yau, tok wechi nàlà màlà tenupatok auya'nokon yawàlà.

Yeunossak kon Wotokoyi 18:3

Molopai molo iwechippù, iwe'wotokomappù tok pokonpe, masapùla tùwemattok yepoloppù ya màlà tapulin koneka tùuya winà, tok kasa nàlà.

Yeunossak kon Wotokoyi 20:34

Amyamlo nùttuyan we'wotokomappù sà yamùk uyemyatù ke, molopai tamù'nawàlà iche kulu wettok molopai upyawon kon wettok iche yepotoppe uya.

Yeunossak kon Wotokoyi 7:60

Tese'muyok iwenappù molopai iwentaimeppù eke pe, “Itepulu! Sàlà àli kuttok tok uya kùchittui molopai kù'nepùi tok winàkàik!” tukaik. Wa te tùpo iwelikùppù.

Romans 12:14

Atalumattànnan mùpùlematàik wakù ke tok mùpùlematàik tok kùppa'nùttàu.

Romans 12:20

Tùse làkku Katù Maimu uya, “Eyeyaton kon wechi iwan pe yau, mewettàik, iwe'nakklipasak yau mùwoppatàik. Masapùla sàlà kupù auya'nokon winà enkek apok yalàn pilipù auya'nokon màlà ippai pona,” te kasa. {Pro 25.21,22}

Romans 8:35

Ànùk uya ken uchi kùpantaka kon Christ uya pùnùnmantok winàpai? Utaimelunpatok uya ka' ikupù lù, wapùla yà'làlà sa'man, wapùla talumattàntok, wapùla iwan pe we'nàtok, wapùla italumayippù pe we'nàtok, ipon pùla we'nàtok, wapùla yà'làlà àsà pe nai'nùk, wapùla weli'nàtok?

1 Corinthians 9:6

Wapùla Barnabas molopai Iulà tawonnan neken ka' wechi màlà tùwe'wotokomasan pe lù tùwemattok kon yepotoppe tùuya'nokon?

2 Corinthians 11:8

Tùulon kon sochi yamùk lapumappù uya màlà uye'matok tok uya yekkwatù ke tok winàpai àpùikattàtok kon uya ike pe.

Ephesians 4:28

Amappe tùwessen pe ewechi yau amappe ewettok yeleutanùkkà. Ailon pe ekkà molopai sa'man pe e'wotokomakà yà'là pùnon kappon yamùk yemyak àntùlù woton wettoppe molo.

1 Thessalonians 2:9

Ewaik, mùttuyatàik, ina tonpa yamùk, sa'man pe ina we’wotokomappù. Ina we'wotokomappù wei kaichalà molopai ewalupàttawàlà, awanittàpa kon nà ina uya tukaik Wakù Itekale Katù winàpaino yekama tùuya’nokon yawàlà.

2 Thessalonians 3:8

Ànù'là winàpai te'maik pùla là kùyali yekkwatù ina uya pùn. Tùse ina we'wotokomappù sa'man pe; wei nai molopai ewalupàttawàlà. Ànù'là wotokoma ina uya tukaik.

1 Timothy 4:10

Màlàpàk uchi sàlà wakù pe wema'nà'nokon molopai sa'man pe we'wotokoman nokon iche we'nà, masapùla enpen we'nàtok kon nonkasak nulànan Katù pàk tamù'nawolon kappon yamùk Pùikattànài, molopai mùkyamlo kulu ailon tawonnan pe nai'nannùk pàk pàk.

1 Peter 2:23

Tùmottùnpa yau, mottùnpan pe yeikuppù ya pen, tùwettalumattà yau, “Atalumattà kon uya,” te ya pùn, tùse enpen tùwettok tùlùppù ya Katù ikasa Ittunài winàkàik.

1 Peter 3:14

Tùse ewettalumattà kon iwalai kupù lànen auya'nokon yau, atauchinpatàk kon! Kappon yamùk pàk kesenalippatàu, molopai kataimelunpatàu.

1 Peter 3:9

Àli kùsentakanmatàu àli ke, wapùla pa'nù'nàtok pa'nù'nàtok ke; tùse wakù ke làkku yentakanmatàk kon, masapùla wakù pe we'nàtok màlà Katù uya elepa kon tùuya tetok lùppù àkà'masak kon tùuya yau.

1 Peter 4:19

Màlàpàk uchi tàwà nettalumattà yai'nannùk Katù yeselu yawàlà ikasa nai'nùk kupùi molopai takkwalù kon tùlùi Mùkkàlà tùkonekanàippù kon yemyak, masapùla ikupù tùuya teppù tùuya lùppù ku'nài mùkkàlà tàwàlà.

Jude 1:9

Inchelù yamùk yepulu, Michael uya sàlà kussak pùla iwechi màlà. Tepùlù pokonpe tùusàulàma kon pe tùuselupa kon Moses yàkàpù pàk yau, Michael usenalippappù màlà. Tepùlù mottùnpappù ya pen, tùse, “Itepulu uya àyàulàma màlà,” teppù ya.