1 Corinthians 4:10 - Patamuna New Testament Revised

¹⁰ Christ pàkànsau pakko ton pe ina kupù nai'nùk, tùse pukkek ton pe ewechi kon màlà Christ yau. Attu'mùnon ina molopai teya'nomasan tùse meluntà ton amyamlo. Tùnamasan amyamlo, molopai ina tùnamasan pen.

1 Corinthians 4:10 ပူးပေါင်းရင်းမြစ်များ

Matthew 24:9

Màlàyau nen uchi kappon yamùk uya ayachi kon màlà molopai àtùlù kon atalumattà tok kon pe, molopai àwànà kon màlà. Tamù'nawolon kon kappon yamùk uya eyeya'noma kon màlà upàkànsau.

Matthew 5:11

“Tùutauchinpasan amyamlo, kappon yamùk uya àmottùnpa kon yau, atalumattà kon yau molopai yà'là kasa là akaseipa kon yau, masapùla uya'lon kon pe ewechi kon pàk.

Luke 10:16

Ta'lon kon pàk, “Ànù'là eyetanài'nokon uya uyeta màlà. Ànù'là ànulunpanài'nokon uya unulunpa màlà. Ànù'là unulunpanài uya uyeuno'nàippù nulunpa màlà,” teppù ya.

Luke 18:9

Jesus uya tu'ma sàlà panton yekamappù màlà kappon yamùk wakù pe tùuchittusan tùyiwalà'nokon, tùse tamù'nawolon kon iche pùla tùwessan pàk.

Luke 6:22

“Tùutauchinpasan amyamlo kappon yamùk uya eyeya'noma kon yau, ànulunpa kon yau, àmottùnpa kon yau, molopai àli ton amyamlo te, Kàyik Mumu pàkànsau yau!

Yeunossak kon Wotokoyi 17:18

Mùkyamlo Epicurean yamùk molopai Stoic yamùk enupan nan yeippàtùppù ya nàlà màlà. Tùulon kon uya, “Yà'là teiche ken uchi pùsàlà ittunài pen wechi màlà?” teppù. Tùulon kon uya tu'ma, “Katù yamùk tùulon pata yawon kon pàk ichelupa kasa man,” teppù. Tok uya wa teppù màlà masapùla Paul uselupa Jesus pàk molopai iwe'wuluukappù weli'nàtok yapai pàk, pàk.

Yeunossak kon Wotokoyi 17:32

Paul uselupa we'wuluukantok weli'nàtok yapai pàk yeta tùuya'nokon yau, tùulon kon uya imottùnpappù, tùse tùulon kon uya, “Ina sàlà pàk euselupa tu'ma enetapai man,” teppù.

Yeunossak kon Wotokoyi 26:24

Paul uselupa tùwenai sàlà kasa tùse, Festus wentaimeppù iwinàkàik, “Autayaupasak man Paul! Eke pe eusenupatok uya màlà ayayaupa,” tukaik.

Yeunossak kon Wotokoyi 9:16

Molopai Iulà uya nàlà yekama màlà ipàk tamù'nawolon iwettalumattàtok uponaloppe,” teppù.

1 Corinthians 1:21

Masapùla Katù uya tùpukketù yai kappon yamùk kupùppù wolù pukketù yau tùttutok tok uya pùla. Tùse làkku Katù wekkupùppù “Mùkyamlo ailon tawonnan ‘wo'mattantok’ itekale pàk pùikattà uya màlà,” tukaik.

1 Corinthians 1:23

Tùse ina mùkyamlo Christ welikùppù pulusuk po yekale yekamannan, Jew yamùk wettatai'matok ipona, molopai wo'mattantok Jew yamùk pen pona;

1 Corinthians 1:25

Masapùla Katù wo'mattatok wechi màlà pukkeppeiwa kappon pukketù yentai, molopai Katù wettok attu'mùla wechi màlà meluntà peiwa kappon yamùk meluntàlù yentaino.

1 Corinthians 10:12

Màlàpàk meluntàk àwà'mùssakkasappe ittu auya yau, tùttuik mechiik ewekkawai'ma tukaik.

1 Corinthians 2:14

Akkwalù pùn kappon mùkkàlà lepantok kon yamùk Katù Yakkwalù winàpaino yanùnnài pen, masapùla yà'là pe pùla màlà yamùk wechi tùpona pàk. Molopai màlà yamùk ittu ya pùla iwechi màlà masapùla Akkwalù winà neken tùttusan pe iwechi pàk.

1 Corinthians 2:3

Màlàpàk uyàssak apyakù'nokon yau, attu'mùla wechippù molopai upplànài'nùmùppù kulu wettalipa ke.

1 Corinthians 3:18

Eyiwalà'nokon kesennakatau. Anù'là àkklottau'nokon nai'nùk uchittu pukkeppe sàlà wolù yeselu nùkupù winà yau, tàwà “pakko pe” nenai pukkeppe tùwenatoppe.

1 Corinthians 3:2

Manak ke elepatantàu Iulà, sa'man kùyali ke pùla, masapùla yanùmù auya'nokon yeselùkeppùla ewechi kon pàk. Walà tùse yanùmù auya'nokon yeselùkeppùla lùppù messatàik.

1 Corinthians 4:8

Tamù'nawolon iche ewettok kon yesappe mekkassatàik. Temamin ke ewenakassak kon man! Ina pùla echii'ma Kin yamùk pe ewenasak kon man! Kin pe kulu là ewechi kon iche wessaik, kin pe nàlà ina wettoppe àpokonpe'nokon!

2 Corinthians 10:10

Tùulon kon uya, “Paul kaletayi màlà àsà molopai meluntà, tùse kùpyau'nokon iwechi kappon pe yau, atu'mùn mùkkàlà molopai imaimu màlà yà'là pen!” te.

2 Corinthians 11:19

Pukkek pe kulu ewechi kon pàk pakko ton pàlikannan amyamlo.

2 Corinthians 11:29

Atu'mùla ànù'là wechi yau atu'mùla nàlà tùuchittusen Iulà, ànù'là wenapposak àli pe we'nàtok yak yau, tùutaimelunpasen Iulà.

2 Corinthians 13:9

Ina nùtauchinpayan atu'mùla ina wechi tùse meluntà pe ewechi kon pàk. Molopai ina wàpùlematok wechi màlà wakù pe tamù'nawàlà ewenatok kon pe iku'nài pe.

2 Corinthians 4:12

Sàlà uya weli'nàtok wechi tùwe'wotokoma pàk ina yau tepe iwechi màlà, tùse wema'nàtok wechi tùwe'wotokoma pàk ayau'nokon.

2 Corinthians 6:8

Namantok yau molopai kuli'mantok yau; àli pe uselupantok tùpàkù'nokon yau molopai wakù pe tapulàtok kon yau. Kasei ton tukaik tesattok kon yau, tùse ailon pe ina wechi.

1 Thessalonians 4:8

Màlàpàk uchi ànù'là sàlà enupantok nulunpanài uya, kappon pen nulunpa màlà, tùse Katù nulunpa ya, mùkkàlà elepanài'nokon Wakù Akkwalù ke.

1 Peter 4:14

Tùutauchinpasan pe ewechi kon màlà, àmottùnpasak kon yau Christ ponalok kon pe ewechi kon pàk; masapùla sàlà uya yekama màlà, màlà tùnamasen Akkwalù Katù winàpaino uttàsak àpona'nokon.