1 Corinthians 3:5 - Patamuna New Testament Revised

⁵ Ànùk ken uchi mùkkàlà Apollos? Molopai ànùk ken mùkkàlà Paul? Katù yapyoto ton neken nen mùkyamlo, ene'nàippù kon iwinàkàik ailon te kon pa. Itepulu nùtùlùssan mùkyamlo iponalà iwotokoyi.

1 Corinthians 3:5 ပူးပေါင်းရင်းမြစ်များ

Matthew 25:15

Tewin pàk tok lepappù ya màlà, ikupù tok tok uya kaichalà. Tewinan yemyak 5 pe kolù pun tùlùppù ya, tùulon yemyak asa'là, molopai tùulon yemyak tewin. Molopai nen uchi itàppù màlà mei.

Luke 1:2

Tok uya yekamasak lùppù ina pàk menukappù màlà mùkyamlo sàlà yamùk yennài nan nùssan iweppyattà motapai molopai itekale yekaman nan nùssan uya.

John 3:27

John uya tok maimu yeikuppù, “Kappon uya yà'làlà yepotok pùla man, tùse epùn poi neken Katù uya ilepasak yau.

Yeunossak kon Wotokoyi 18:24

Màlà yattai Jew, Apollos itesek iwentusak lùppù Alexandria po uyàpùppù màlà Ephesus pona. Wakù pe tùuselupasen pe iwechippù màlà molopai wakù pe Katù Maimu ittunài pe.

Yeunossak kon Wotokoyi 19:1

Apollos wechi Corinth po tùse, Paul utàppù màlà pata yamùk yawàlà palau yena winàpai molopai iwelepamùppù Ephesus pona. Molo Jesus ya'lon kon yepoloppù ya màlà.

Romans 15:16

Màlàpàk Jesus Christ yapyoto pe tùwe'wotokomasen pe wenasak man Jew yamùk pen ponaloppe. Patele pe wechi kasa tùwe'wotokomasen Iulà, Wakù Itekale Katù winàpaino yekama pàk, Jew yamùk pen tùtoppe tùtùsen pe Katù nanùmù yeppe, itùsappe Katù yemyak tok wettoppe Wakù Akkwalù winà.

1 Corinthians 12:28

Molopai sochi tau màlà, Katù uya tamù'nawolon kon wotokoyittàsak, wapiya kulu, yeunossak kon, yakon pe, Katù Maimu yenpoikannan, icholùwano pe, enupannan, molopai nen uchi mùkyamlo tensan pen ku'nài nan. Ite'mappù pàk, ipittàntok yamùk meluntàlù ke, tùulon kon pùikattànnan pe, tùulon kon ennàinan pe we'nàtok ke molopai tùulon mayin yau uselupantok ke.

1 Corinthians 16:12

Apollos utàtoppe apyakù'nokon tekamappotai, molopai imeluntàpappù uya akakklanpa tok kon pe ya tùulon kon tonpa wannà yamùk pokonpe, tùse iità yeselùkek pùla man sàlà pe. Tùutàtok yattai yeposak tùuya yau iità màlà.

1 Corinthians 3:10

Wakù pe Katù wettok uya ulepappù lùppù ike yapulà pe, ittunài kasa tamùsen yapon tùkonekatai molopai tùulon nen uchi màlà pona namùyan. Tùse yamùnnan tàwà tùttuik nechii yà'là kasa yamù tùuya'nokon yau.

1 Corinthians 3:22

Paul wapùla Apollos wapùla Cephas, Peter tukaik tesassen wapùla sàlà wolù wapùla wema'nàtok wapùla weli'nàtok wapùla sàlà pe nai'nùk wapùla ewanawà nai'nùk, tamù'nawàlà sàlà yamùk màlà àponalok kon.

1 Corinthians 3:7

Ipànnài molopai iki'nài tawonnan mùkyamlo yà'là ton kulu pen. Tùse Katù neken, mùkkàlà yà'làlà yek wattatoppe iku'nài.

1 Corinthians 9:17

Uwotokoyi kussak uya uyiwalà alikyeppe yau, uyepeppù wechi màlà molo. Tùse uyiwalà pùla iwechi yau, uwotokoyi unkupù pe itùsak lùppù kupù uya pe iwechi màlà.

2 Corinthians 11:23

Christ yapyoto yamùk ken na' mùkyamlo? Itayaupasak kappon kasa uselupayaik, tùse wakùiwa nen apyoto Iulà! Sa'man peiwa nen we'wotokomasak màlà, patikichi tau wessak tukkeiwa itekkwa. Uyippoppàssak màlà tukke itekkwa. Molopai weli'nàtok piyau mei pùla wessak màlà echipalà'ne.

2 Corinthians 3:3

Yenpoikasak auya'nokon man kaleta Christ winàpaino pe ewechi kon, ina wotokoyi yepeppù pe. Imenukappù màlà kaleta menukatok palu ke pùla molopai tàk pàk pùla, tùse kappon yewan yamùk pàk Wakù Akkwalù tàwàlà tùwemassen Katù winàpaino ke.

2 Corinthians 3:6

Masapùla mùkkàlà uchi mùkkàlà ina ku'nàippù meluntà pe emennak ikupù tùuya tetok Katù uya ponaloppe ina we'wotokomatoppe, imenukasak lùppù law winàpaino pen, tùse Akkwalù winàpaino. Imenukasak lùppù màlà weli'nàtok ne'nài, tùse Akkwalù mùkkàlà wema'nàtok ke lepanài.

2 Corinthians 4:1

Katù uya, tùusentuppatok yau ina lepasak man sàlà wotoko ke. Màlàpàk ina we'nonka pen.

2 Corinthians 4:5

Masapùla tekale kon yekamannan pen ina, tùse Jesus Christ yekamannan ina Itepulu pe, molopai ina nen uchi ayapyoto kon pe Jesus pàkànsau.

2 Corinthians 4:7

Tùse sàlà mamin Katù winàpaino yesappe ina man àinà yau, tamù'nawolon meluntà yentaino meluntà wechi Katù ponaloppe yenpoikanài pe, molopai ina ponaloppe pùla iwechi.

2 Corinthians 5:18

Sàlà màlà tamù'nawolon iwekkusak lùppù Katù winà, mùkkàlà Christ yai kùmyakanmanàippù teyatonnon pe we'nàtok yapai tùwechiyakonnon pe, molopai ina wotokoyittàppù ya tùulon kon konekatoppe nàlà ina uya tùwechiyakonnon pe.

2 Corinthians 6:1

Tamùkke Katù pokonpe tùwe'wotokoma kon yawàlà ina apawanattàyatàu. Wakù pe we'nàtok Katù winàpaino yanùmù auya'nokon yà'là woton pe pùla là tukaik.

2 Corinthians 6:4

Tùse làkku tamù'nawolon ina nùkupù yau Katù yapyoto ton pe ina wechi yenpoikannan ina, talumattàntok yau, sa'man ton yau, molopai utaimelunpantok pàlikatok yau.

Ephesians 3:7

Wakù Itekale yapyoto pe wenappù màlà Katù uya lepantok winà, intùlùppù uyemyak tùmeluntàlù we'wotokoma winà.

Colossians 1:23

Tùse ailon tetok auya'nokon wechi meluntà pe molopai i'nak kulu ikala iche we'nà man. Enpen ewettok kon ananùmùppù kon wakù itekale enetappù kon kan uchi kù'nonkatàu tà. Sàlà Wakù Itekale yekamappù màlà sàlà non pon kon tamù'nawolon kon kappon yamùk pàk. Molopai Iulà, Paul, wenappù màlà sàlà Wakù Itekale yapyoto pe.

Colossians 1:25

Sochi yapyoto pe Katù uya ukussak man. Sàlà wotoko ke ulepappù ya màlà tamù'nawàlà Wakù Itekale yekamatoppe uya àpàkù'nokon.

1 Timothy 1:12

Tenki ukayaik Christ Jesus Kùyepulu kon pàk, ulepanàippù meluntà ke uwotokoyi kuttoppe uya. Tenki ukayaik uyensak ya tùwe'wotokomasen yeppe pàk molopai uyanùnsak ya tùwotokoyi yak pàk,

1 Peter 4:10

Tàwà tamù'nawolon kon tùlepatok tùnepoloppù kon Katù winàpai yapulài tùtonpa kon pùikattàtok tùuya'nokon iwinà pe, wakù ton Katù uya lepantok tùpatalà'ne nai'nùk yesappe.