4 Masapùla tewinannà uya, “Paul ya'lon Iulà,” te molopai tùulon uya, “Apollos ya'lon Iulà,” te. Kappon yeselu neken ku'nài nan kasa na' ewelaika kon pen màlà?
Sà kasa te uya uya wate. Tewinan nà uya, “Paul ya'lon Iulà” te, tùulon uya, “Apollos ya'lon Iulà” te, tùulon uya, “Cephas, Peter tukaik tesassen ya'lon Iulà” te, molopai tùulon uya, “Christ ya'lon Iulà” te.
Wolù ponalok kon kasa lùppù. Masapùla àkùlùmàluntok kon molopai àusàlàmatok kon wechi àkklottau'nokon pàk. Màlà uya ken na' sàlà wolù yawon kappon yamùk pe ewechi kon ànkuppai ewettok kon yawàlà yekama pen màlà?
Utonpa yamùk, sàlà yamùk tesak uya màlà Iulà molopai Apollos tawonnan pàk ittutok auya'nokon ipàkàlà pe. Ina winà eusenupa kon pa, yà'là te là “Imenukasak yawàlà neken ekkà itentak pùla” tawon uya ittu kon pa. Molopai nen uchi ànùk yekkwa kappon wechi tùulon yentai te auya'nokon tukaik.
Ittu auya'nokon iche wessaik utonpa yamùk, Wakù Itekale tekamatainùk àpàkù'nokon màlà kappon nùkonekappù pen.