1 Corinthians 3:16 - Patamuna New Testament Revised

¹⁶ Mùttuyatàu uchi amyamlo nàlà wechi Katù yùwùppe, molopai Katù Yakkwalù wemapù ayau'nokon?

1 Corinthians 3:16 ပူးပေါင်းရင်းမြစ်များ

John 14:17

Ailon Akkwalù. Sàlà wolù yawon kon uya yepolo pen màlà, masapùla yene tùuya'nokon molopai ittu tùuya'nokon pùla iwechi pàk. Tùse mùkkàlà mùttuyatàik masapùla apyau'nokon iwechi pàk molopai ayau'nokon nàlà iwechi màlà.

Romans 6:16

Mùttuyatàik, imaimu yawàlà ewettok kon poitolù ton amyamlo, ewechi kon, makui maimu yawàlà ewechi kon yau, weli'nàtok ne'nài pe nai'nùk, wapùla ikasa we'nàtok Katù pokonpe ne'nài maimu yawàlà.

Romans 6:3

Ittuichi auya'nokon pùla nai Christ Jesus yau ichenpataukasak kon nùssan wechi nàlà iwelittok pùkkù pe?

Romans 8:11

Wakù Akkwalù iwinàpaino, Jesus uluukanàippù wema'nàtok yak wechi ayau'nokon yau, mùkkàlà Kùlaik uluukanàippù weli'nàtok yapai wema'nàtok yak, uya nàlà tùumattasen eyesak lepa màlà wema'nàtok ke Wakù Akkwalù nemassai'nùk ayau'nokon winà

Romans 8:9

Tùse amyamlo nen mùkyamlo eyeselu kon wettok iche maimu yawàlà tùwemassan pen. Wakù Akkwalù wettok iche maimu yawàlà tùwemassan amyamlo, Katù yakkwalù wemapù kan ayau'nokon yau. Ànù'là Christ yakkwalù yesappe pùla nai'nùk wechi màlà iponaloppe pùla.

1 Corinthians 3:17

Màlàpàk ànù'là uya Katù yùwùk mattanùpù yau, Katù uya imattanùpù màlà. Masapùla Katù yùwùk màlà esukenan molopai amyamlo nàlà mùkyamlo itùwùk.

1 Corinthians 3:9

Masapùla ina mùkyamlo Katù we'wotokoma tonpa yamùk, amyamlo nen uchi Katù tumà. Katù yùwùk nàlà amyamlo.

1 Corinthians 5:6

Ikasa pùla iwechi màlà autapulà kon yau. Ittuichi auya'nokon pùla nai malalon lùkwà yapuluwetanùtok ike we'wotokomasek tamù'nawàlà pùlomù yau.

1 Corinthians 6:16

Ittuichi auya'nokon pùla nai, mùkkàlà, kàyik yamùk yemyak tùwechilanmasen nossan pùkkù pe nenayai'nùk wechi tesak kon yau tewin ipokonpe? Katù Maimu uya, “Asa'lon kon wena màlà tewin ipun.” te kasa. {Gen 2.4}

1 Corinthians 6:19

Ittuichi auya'nokon pùla nai àpun kon wechi Wakù Akkwalù yùwùk pe, nemassai'nùk ayau'nokon, Katù winà enepoloppù kon? Àponalok kon pen amyamlo.

1 Corinthians 6:9

Ittuichi auya'nokon pùla nai àli ton uya Katù wettok itepulu pe patassek yepolo pe pùla iwechi? Kesenkuttàtàu uchi. Imakuyippù pe tùwessen tesak ke, wapùla ailon pen katù yemloto po tùwepeimasan, wapùla tùulon noppù pokonpe tùwessan, wapùla tùwalai pokonpe àli ku'nàinan, kàyik pokonpe tùwessen kàyik,

1 Corinthians 9:13

Ittuichi auya'nokon pùla nai mùkyamlo paatele yamùk uya teipa kon yepolo Katù yùwùk tapai, molopai mùkyamlo tùwe'wotokomasan kamo pottà pàk ipottàtok patassek yau uya ipottàsak pùkkù yepolo?

1 Corinthians 9:24

Ittuiche auya'nokon pùla nai wapplùnnàtok yau tamù'nawàlà tùwapplùnsan wapplùmù, tùse tewinnan neken uya tepeppù yepolo? Màlàpàk uchi aitun pe itàtàk eyepeppù kon yepolo kon pa.

2 Corinthians 6:16

Atta ken tamùkke Katù yùwùk wechi ailon pen katù yamùk pokonpe? Masapùla tàwàlà tùwemassen Katù yùwùk kùmyamlo! Katù uya tùyiwalà, “Tok piyau wemapù màlà molopai tok kùlottawà wechi màlà, tok Katùyi pe wechi màlà, molopai upemonkonù pe tok wechi màlà,” teppù màlà. {Lev 26.12; Jer 32.38; Ezk 37.27}

1 Timothy 3:15

Tùse uko'mamù yau, sàlà kaleta uya atta we'nàtok Katù munkà yamùk pe yekama màlà, màlà nulànan Katù sochiyi tau, ailon wakapuli molopai itessek yekama uya.

2 Timothy 1:14

Wakù ton apanamassan lùppù ike mùttuik, mùmainampaik Wakù Akkwalù kùyau tùwemassen meluntàlù yai.

Hebrews 3:6

Tùse Christ mùkkàlà ailon, paatele, imu. Molopai kùmyamlo mùkyamlo itùwùk, meluntà pe tùusenalippaik pùla molopai enpen we'nàtok kon pàk tùutachiik we'nà'nokon yau.

James 4:4

Ailon ton pen kappon yamùk! Ittuichi auya'nokon pùla nai wolù yawon kon àli ku'nài nan wechiyakon pe we'nà wechi Katù yeyaton pe? Ànù'là wolù yeselu ku'nàinan kappon yamùk wechiyakon pe eppaino wekkupù màlà Katù yeyaton pe.

1 Peter 2:5

Àitàk kon nulànan tàk kasa, molopai tapulàsan pe ettàk Katù yùwùk kappon namùppù pen tensen pen yamù yau, màlà motau wakù pe tùwe'wotokomasan pe ewechi kon pa, wakù ton Katù lepatok iche iwettok tùlù pàk Jesus Christ yai .

1 John 4:12

Ànù'là uya Katù yensak pùla iwechi màlà; tùse echi'nùn pe we'nà'nokon yau, Katù wechi màlà kùyau'nokon molopai tù'nùn tùsak ya màlà kùyakù'nokon tamù'nawàlà.