1 Corinthians 3:13 - Patamuna New Testament Revised

¹³ iwotokoyi lùppù yenpoika màlà i'nai yekkwa pe là iwechi. Masapùla Wei uya inepù màlà akkwa yak. Apok ke yenpoika màlà, molopai apok uya màlà ittu i'nai kasa là tewin pàk kappon wotokoyi lùppù wechi.

1 Corinthians 3:13 ပူးပေါင်းရင်းမြစ်များ

Matthew 10:15

Ailon kulu sàlà, Ittuntok Weyu yattai Katù usentuppa màlà eke peiwa Sodom molopai Gomorrah pon kon pàk, màlà pata yawon kon kappon yamùk pàk tùusentuppa yentai!” teppù Jesus uya.

Matthew 16:27

Masapùla Kàyik Mumu uyàpù màlà tùkàipùnù yakkwayi molopai yapulàtok yau tùyinchelùyi yamùk pokonpe, molopai nen uchi tamù'nawolon kon ye'ma ya màlà tok nùkupùppù yawàlà.

Luke 2:35

Molopai màlà pàkàlà tok usenumenkatok tewan kon yau, yenpoika ya màlà. Molopai usewankono'mantok yàkek kasupala walai uya eyewan yassokka màlà,” teppù ya.

Romans 2:16

Sàlà wekkupù màlà Katù uya Jesus winà tamù'nawolon tonantawon kon kappon yamùk yewan yawon ittutok weyu yattai, itekale unekama uya yekama kasa.

Romans 2:5

Tùse sa'man pe kulu eyewan man elattàpai pùla molopai màlà uya we'naikantok pilichak man àpona Katù we'naikatok weyu ponaloppe ikasa “Suwa messaik, ” tetok ya yattai.

1 Corinthians 1:8

Meluntà pe àkupù kon ya màlà iwenukapù ponalà, iwalai pen nà pùla ewechi kon pa Kùyepulu kon Jesus Christ weyu yattai.

1 Corinthians 3:12

Anù'là kappon sàlà yamùtok ipo po yamùtoppe tùuya kolù, chilùpa, epekkek ton tàk, yei, wanak wapùla kumya yapulànài wechi yau,

1 Corinthians 4:5

Màlàpàk yà'làlà kùkkottùmatàu iwalai iweyu wapiya, Itepulu uyàpu imàmuttàk. Ewalupàttau yonansappe tùwessen nepù ya màlà akkwa yak molopai kappon yamùk usenumenkatok tok yewan yawon yenpoika ya màlà. Màlà yattai Katù winàpaino apulàntok yepolo tok uya màlà tewin pà'ne.

2 Timothy 1:12

molopai sàlà yamùk pàkànsau uchi màlà wettalumatàppù. Tùse wekuli'ma pùla man ipàk, masapùla mùkkàlà ailon teppù uya lùppù ipàk ittu uya pàk, molopai tùttuyaik kulu màlà untùlùssan lùppù itemyak kupù ya màlà Wei Ittuntok yattai ponalà.

2 Timothy 1:18

Tàwà Itepulu Jesus nùkupùi usentupantok yepottoppe ya Itepulu winàpai màlà Wei yattai! Molopai mùttuyaik wakù pe yà'là yawàlàlà upùikattàpàtùppù ya Ephesus po.

2 Timothy 3:9

Tùse tok utà mei kulu pen màlà, masapùla tamù'nawolon kon uya pakko pe tùwechi kon yene màlà, pùsamlo walawotichi yamùk Jannes molopai Jambres pàk iwekkupùppù kasa.

2 Timothy 4:8

Sàlà nen uchi entaika'nàppà uya yepeppù uya umàmuku. Wakù pe we'nàtok yalùko, màlà Itepulu Katù ikasa ittunài uya ulepatok màlà Wei yattai. Molopai Iulà neken pen, tùse tamù'nawolon kon mùkyamlo ichenpoikatok màmussai'nannùk uchi'nùnmantok pokonpe.

Hebrews 10:25

Wepili'nàtok tamùkke nonka'nokon kùsettak, tùulon kon nùkussai'nùk kasa. Tùse làkku, we'meluntàpanpai'nokon man eke peiwa, masapùla yene'nokon man Itepulu Weyu uyàpù mei pùla.

1 Peter 1:7

Sàlà màlà meluntà pe ailon tetok auya'nokon wechi ittunài. Kolù, tùumattasen pe lànen nai'nùk màlà ittusak lùppù apok ke; màlàpàk uchi ailon tetok auya'nokon, wakù kolù yentai nai'nùk, ittu nàlà màlà meluntà pe iwettoppe. Màlàyau apulàntok wakù pe itekale we'nàtok molopai namantok yepolo auya'nokon màlà màlà Wei yattai Jesus Christ usenpoikasak yau.

1 Peter 4:12

Utonpa yamùk, kesenumenkatàu àsà ituntok mettalumattà yatài'nùk ipàkànsau pàk, yà'làlà tùwekkussen pen wekkupù kasa àpàkù'nokon.

2 Peter 3:10

Tùse Itepulu Katù Weyu uyàpù màlà amak uyàpù kasa. Màlà wei yattai kak waliwomù màlà wala'napi wettoikkwa kasa, kak yawon kon uyatù màlà, molopai màlà yamùk umatta màlà, molopai non waliwomù màlà tamù'nawolon tawon kon pokonpe.

2 Peter 3:7

Tùse kak molopai non sàlà pe nemassai'nùk kussak màlà, màlà lùppù Katù Maimu winà, inmattatoppe apok ke. Màlà yamùk kupù màlà, àli ton kappon yamùk ittutok yattai ponalà, molopai tok mattanùpù màlà.

Revelation 20:12

Molopai yeneppù uya iwelichak kon lùssan eke ton molopai echikili ton, ekkaichalà, satippe aponnok yemloto po. Kaleta yamùk yakkokasak wechippù, molopai tùulon kaleta yakkokasak wechippù, wema'nàtok kaletayi. Iwelichak kon ittuppù màlà tok nùkupùppù yawàlà imenukasak kaleta yamùk yau pàkàlà.