1 Corinthians 2:6 - Patamuna New Testament Revised

⁶ Walà tùse, ina uselupa, pukkeppe we'nà yekale pàk ichemokkasak kon kùlottau. Tuse, sàlà wolù winàpaino pukkek pàk pùla wapùla sàlà wolù yepulu ton pàk pùla. Pùsamlo mùkyamlo yà'là pùla nenayai'nannùk.

1 Corinthians 2:6 ပူးပေါင်းရင်းမြစ်များ

Matthew 13:22

Tùpànsen iwepukasak lùppù àlittak màlà mùkyamlo Katù Maimu yetannan. Tùse utaimelupantok sàlà motau wema'nàtok pàk molopai mamin kuttok wakùli wannà pe màlà Katù Maimu yeulankanài. Molopai tok wepeta pen.

Matthew 19:21

Jesus uya ipàk, “Wakù pe, ikasa kulu eppai ewechi yau, itàkà molopai tamù'nawolon itesappe ewettok ichilanmata, molopai entuppa'nokon mùlepaik molopai nen uchi mamin yamùk yesappe ewechi màlà epùn po. Molopai uya'là àikkà,” teppù.

Matthew 5:48

Màlàpàk wakù peichi ettàk kon, àkàipùnù kon epùn yau nai'nùk wechi wakù pe kasa.” teppù Jesus uya tok pàk.

Luke 16:8

“Ailon pen pùlayatta mainanpanài yepulu uya yapulàppù màlà ittunài pe iwessak pàk. Kappon yamùk sàlà non pon kon mùkyamlo ikasa pe tukaik tùwotokoyi kon ku'nài nan, akkwa yawon kon kappon yamùk yentai,” teppù Jesus uya.

1 Corinthians 1:28

Wolù yau tenpàssan eke ton kappon yamùk munkà pe pùla yanùmùppù ya màlà molopai tenpàssan, molopai yà'là pe pùla wolù yawon kon nekama molo tùwessen mattanùttoppe tùuya.

1 Corinthians 12:8

Tewinannà piyak pukkeppe we'nà yekale tùlù màlà Akkwalù yai, tùulon yemyak ittutok yekale mùkkàlà lùppù Akkwalù winà,

1 Corinthians 14:20

Utonpa yamùk, mule yamùk lùkkwà mùkyamlo àli ittunnan pen. Tok kasa ettàk kon tùse eusenumenkatok kon yau tok kasa kettàu, tùse kàyippe ettàk kon eusenumenkatok kon yau.

1 Corinthians 2:1

Utonpa yamùk, apyakù'nokon uyàssak Katù Maimu yekamase yau, eke ton nà mayin molopai eke ton usenupansak maimu yapulà uya pùn àpàkù'nokon.

1 Corinthians 2:13

Sàlàichi màlà mayin ina nùselupayai'nùk kappon pukketù winà ina yenupappù lùppù pen. Tùse, Akkwalù winà ina usenupappù lùppù, Akkwalù winàpaino yamùk yekamatoppe ina uya mùkyamlo Akkwalù yesappe tùwessan pàk.

1 Corinthians 2:8

Ànù'là sàlà wolù yepulu ton uya sàlà ittupù pen màlà. Tok uya ittusak yau, Itepulu Jesus eke kulu pukapàtùppù tok uya pulusuk pona pen sàlà eppaino.

1 Corinthians 3:1

Utonpa yamùk, uselupa pùla iwechi màlà àpokonpe'nokon Akkwalù yesan pokonpe uselupa kasa, tùse kappon yeselu yau wema'nà kasa, mule yamùk lùkkwà Christ yau nai'nannùk kasa.

2 Corinthians 1:12

Sàlà màlà ina yauchinapanài. Ina usenumenkatok nekamayan tamù'nawolon ina nùkupùppù sàlà wolù yau, ailon pe wakù pe ina wechippù ànù'là tennakaik pùla, ina welaikatok ewinàkàik nokon yau kulu. Ina wessak man enpen Katù pàk ina pùikattàtoppe ya, sàlà non pon yapàiketù ke pùla.

2 Corinthians 13:11

Iwenukapù pe Utonpa yamùk, eichilà man! Apawanattàtok kon uya yetatàk kon, tamù'nawàlà wakù pe nai'nùk winàkàik itàtàk kon, tewin ichenumenkatok ettàk, echitonpa pe emattàk kon. Molopai Katù pùnùnmantok molopai echitonpa pe we'nàtok yesak wechi apyau'nokon màlà.

2 Corinthians 4:3

Masapùla Wakù Itekale ina nekamayai'nùk wechi yonansappe yau, yonansak màlà mùkyamlo iitassak kon pona.

2 Corinthians 4:4

Sàlà wolù yepulu uya ailon tawonnan pen usenumenkatok yewalumankasak màlà. Wakù Itekale yakkwayi Christ winàpaino yene tok uya tukaik, mùkkàlà uchi Katù usentok.

Ephesians 2:2

Màlà yattai wolù yawon kon yeselu kupùpppù auya'nokon màlà, kawon kon yepulu, Àli maimu yawàlà ewechippù kon, Katù Maimu yawàlà pùla tùwessan yepulu mùkkàlà.

Colossians 1:28

Màlàpàk Christ yekamannan ina tamù'nawolon kon kappon yamùk pàk. Tamù'nawolon kon yekamaponnan ina molopai tok yenupannan, tamù'nawolon pukkek ke, tamù'nawolon kon nettoppe Katù yemloto pona wakù pe tamùnawàlà ipùkkù pe neken pùla Christ kasa kulu nen uchi.

Colossians 4:12

“Wakù pe na' messatàu?” nùkayan Epaphras àtonpa kon nàlà, molopai Jesus Christ yapyoto. Tùwàpùlemasen mùkkàlà tàwàlà eke pe àpona'nokon. Katù yekamapponài meluntà pe ewena kon pa tamù'nawàlà Katù yeselu yau tùwappùik molopai ittunài pe.

Hebrews 5:14

Sa'man kùyali màlà ichemokkasak kon ponalok. Mùkyamlo ichenupasak kon pe nai'nannùk, wakù winàpai àli ittun nan.

Hebrews 6:1

Wapiyalok kon enupantok Christ pàk nànpai'nokon man, molopai usemokkantok yak utànpai'nokon. Uselupan pàk lùppù we'nàpai pùla'nokon man, àli kùyeselu weli'nàtok ne'nài winàpài welattàntok molopai ailon tetok Katù pàk, pàk neken pùla.

James 3:15

Sàlà yekkwa pukkek màlà epùn poino pen; wolù yawon yeselu màlà, iwekkuppù màlà àli eyeselu kon winàpai, Makui, winàpaino pe iwechi.

James 3:2

Tamù'nawolon kon kùmyamlo echipalà'ne ikasa pùla tùwessan. Kappon ikasa pùla tùwessen pen tùuselupatok winà mùkkàlà wakù kulu, molopai ikasa neken tùwessen kappon, molopai tamù'nawàlà tesak yepulu pe tùwessen.

1 Peter 5:10

Katù tamù'nawolon wakù pe we'nàtok yesak, mùkkàlà uya àkà'masak kon màlà tàwàlàlà takkwayi pùkkù pe ewechi kon pa Jesus Christ yau. Ewettalumattàsak kon malalà tùpo, mùkkàlà uya àkoneka kon màlà ikasa, meluntà pe kulu, molopai àtùlù kon màlà wakù pata tùutamasen pen pona.