1 Corinthians 2:4 - Patamuna New Testament Revised

⁴ Uselupatok molopai uyekale unekama wechi kappon pukketù nùkupù yawà pùn, tùse Katù winàpaino Wakù Akkwalù meluntàlù yenpoika pe iwekkussak màlà.

1 Corinthians 2:4 ပူးပေါင်းရင်းမြစ်များ

Yeunossak kon Wotokoyi 20:27

Masapùla tamù'nawolon Katù yeselu yekamappù uya àpàkù'nokon.

Yeunossak kon Wotokoyi 26:28

Agrippa uya Paul pàk, “Asse'neichi Christ ya'lon nà pe uma auya pe mùttuyan?” teppù.

Romans 15:13

Tàwà uchi Katù enpen we'nàtok uyàttok iwinà ayanùkkai'nokon tamù'nawolon utauchinpantok ke molopai echitonpa pe we'nàtok ke, ailon te auya'nokon ipàk yawàlà, Wakù Akkwalù meluntàlù winà enpen ewettok kon yau meluntà pe kulu ewechi kon pa.

Romans 15:19

Sàlà kupùppù uya yensappe pùla nai'nùk wapiya, enumenkanài molopai usenalippantoppe ku'nài meluntàlù winà, molopai Wakù Akkwalù meluntàlù winà. Màlàpàk mei pai Jerusalem poi Illyricum pùkkù yak, Wakù Itekale yekamasak uya man tamù'nawàlà, Christ yekale.

Romans 16:18

Masapùla mùkyamlo yekkwa ton wechi Katù poitolù pe pen màlà, tùse tesak kon wettok neken iche pàk tok usenumenka. Wakù pe tùuselupatok kon winà molopai ennakan pe uselupantok ke ittunnan pen yennakanàinan.

1 Corinthians 1:17

Masapùla Christ uya uyeunoko enpataukanse pùn, tùse Wakù Itekale yekamase, kappon pukketù winon mayin ke pùla, màlà kasa iwechi yau Christ welittok pulusuk po meluntàlù pùla iwena tukaik tamù'nawàlà.

1 Corinthians 2:1

Utonpa yamùk, apyakù'nokon uyàssak Katù Maimu yekamase yau, eke ton nà mayin molopai eke ton usenupansak maimu yapulà uya pùn àpàkù'nokon.

1 Corinthians 2:13

Sàlàichi màlà mayin ina nùselupayai'nùk kappon pukketù winà ina yenupappù lùppù pen. Tùse, Akkwalù winà ina usenupappù lùppù, Akkwalù winàpaino yamùk yekamatoppe ina uya mùkyamlo Akkwalù yesappe tùwessan pàk.

1 Corinthians 4:20

Masapùla Katù wettok Itepulu pe màlà uselupantok neken pen, tùse meluntà.

2 Corinthians 6:6

Wakù pe we'nàtok yau, pukkeppe we'nàtok yau, pàlikantok yau, molopai usentuppantok yau, Wakù Akkwalù yau, molopai ailon pùnùnmantok ina uya yau,

Galatians 1:10

Kappon yamùk yapulàtok nepùiche na' wessan, wapùla Katù? Wapùla kappon yamùk yauchinpaiche na' wessan? Kappon yamùk yauchinpaiche lùppù wechi yau, Christ yapyoto pe wechi pen màlà.

Colossians 2:4

Màlàpàk uchi tekamayaik àpàkù'nokon. Ànù'là eyennakatàkù'nokon ailon pen pàk wesseippà'nàtok yau, wakù pe ikasa kasa lànen iwechi tùse.

1 Thessalonians 1:5

Masapùla Wakù Itekale nepùppù ina uya màlà apyakù'nokon, imaimuppù lùppù pe neken nà pùla. Tùse tùmeluntàlù ke Wakù Akkwalù pokonpe nàlà molopai tamù'nawàlà eyewan yelupatok ya ikasa pokonpe. Mùttuyatàik ina wemapùppù apyau'nokon tùwechi kon yau àponalok kon pe.

1 Peter 1:12

Katù uya yenpoikappù màlà pùsamlo pàk tok wotokoyi wechi tok ponaloppe pùla, tùse àponalok kon pe, tok uselupappù ailon pàk màlà enetappù kon kasa. Wakù Itekale yekamannan ichelupasak kon Wakù Akkwalù meluntàlù yeunossak lùppù epùn poi winà uya, sàlà yamùk ailon ton yekamappù àpàkù'nokon. Sàlà yamùk uchi màlà inchelù yamùk lànen wettok ànùttupai.

2 Peter 1:16

Ikuppàssak kon nà panton yekama ina uya pùn Kùyepulu kon Jesus Christ uyàpù meluntà pe yekama ina uya àpàkù'nokon yau. Tùse tenu kon ke ina uya itakkwayi yeneppù.

2 Peter 2:18

Ittu tùuya'nokon kasa kulu tùuselupasan mùkyamlo tùutapulà kon pe, molopai ikasa pùla tùwemassan winàpai iwemokkasak kon emennak pe, yamùipannan mùkyamlo yà'làlà akùlù teselu kon kupù tùuya'nokon yai.