1 Corinthians 2:15 - Patamuna New Testament Revised

¹⁵ Kappon, Akkwalù yesappe nai'nùk mùkkàlà wakù pe tamù'nawolon yà'là yamùk wettok wechi ittunài. Tùse ànù'là uya mùkkàlà kappon pàk ikasa pùla messaik tetok pùla iwechi màlà.

1 Corinthians 2:15 ပူးပေါင်းရင်းမြစ်များ

1 Thessalonians 5:21

Tamù'nawolon yà'làlà yau esenumenkatàk kon ittutok auya'nokon ike ke. Molopai tamùnawolon yà'làlà yau, ‘Sà ken àli pe naikko molopai sà wakù pe’ tetok auya'nokon ke wakù kupù kon pa.

Hebrews 5:14

Sa'man kùyali màlà ichemokkasak kon ponalok. Mùkyamlo ichenupasak kon pe nai'nannùk, wakù winàpai àli ittun nan.

1 John 4:1

Utonpa yamùk, ailon kùkatàu tamù'nawolon kon, Katù yakkwalù yesappe tukaik tùusennakasan pàk, tùse yentàk kon sàlà akkwalù itesappe tok wettok wechi là Katù winàpaino pe. Masapùla tukke Katù Maimu yenpoikannan pe tukaik tùukaseitasan utàppù man mailàlà wolù yau.

1 Corinthians 14:37

Ànù'là Katù winàpaino itekale yenpoikanài pe tùwechi wapùla Wakù Akkwalù yesappe tùuchittusen wechi yau, tàwà nùttui sàlà tùmenukayai'nùk apyakù'nokon wechi Itepulu winàpaino imaimu yawàlà we'nàtok pe.

Galatians 6:1

Utonpa yamùk, ànù'là uya àli kupù yeposak yau, àsà pe pùla amyamlo akkwalù yawon kon uya innappo tukka màlà ikasa iwenatoppe. Molopai elanneppe mettàik, amyamlo nàlà usetaluipa àli ànkuppai tukaik.

Philippians 1:10

Wakù pe kulu neken nai'nùk yanùmù kon pa. Molopai nen uchi esuken ewemattok kon wettoppe, wakù pe eyekale kon wettoppe Christ wennappo sàlà motak ponalà.

1 Corinthians 3:1

Utonpa yamùk, uselupa pùla iwechi màlà àpokonpe'nokon Akkwalù yesan pokonpe uselupa kasa, tùse kappon yeselu yau wema'nà kasa, mule yamùk lùkkwà Christ yau nai'nannùk kasa.

Colossians 1:9

Màlàpàk tàwàlàlà ina tùwàpùlemasan àpona'nokon wapiya kulu eyekale kon yetappù ina uya motapai. Katù yekamapponnan ina ayanùkka tok kon pe ya teselu ittutok ke, tamù'nawolon pukkeppe we'nàtok molopai ittuntok Wakù Akkwalù nùtùlù ke.

1 Corinthians 4:5

Màlàpàk yà'làlà kùkkottùmatàu iwalai iweyu wapiya, Itepulu uyàpu imàmuttàk. Ewalupàttau yonansappe tùwessen nepù ya màlà akkwa yak molopai kappon yamùk usenumenkatok tok yewan yawon yenpoika ya màlà. Màlà yattai Katù winàpaino apulàntok yepolo tok uya màlà tewin pà'ne.

Yeunossak kon Wotokoyi 16:3

Paul wechippù Timothy anapai ta'là, màlàpàk yattàppù ya Jew yamùk yattàtok yeselu yawà. Sàlà kupùppù ya màla masapùla tamù'nawolon kon Jew yamùk molo tùwemassan uya Timothy kàipùnù wechi Greek pe ittu pàk.

John 7:17

“Ànù'là Katù yeselu ànkuppai tùwessen wechi yau, ittu ya màlà, enupantok uya wechi Katù winàpaino pe wapùla uwinàpaino pe,” teppù Jesus uya.

1 John 2:20

Tùse Wakù Akkwalù tùsak wechippù àpona'nokon màlà Christ winà, màlàpàk tamù'nawolon kon amyamlo uya ailon ittu màlà.