1 Corinthians 2:13 - Patamuna New Testament Revised

¹³ Sàlàichi màlà mayin ina nùselupayai'nùk kappon pukketù winà ina yenupappù lùppù pen. Tùse, Akkwalù winà ina usenupappù lùppù, Akkwalù winàpaino yamùk yekamatoppe ina uya mùkyamlo Akkwalù yesappe tùwessan pàk.

1 Corinthians 2:13 ပူးပေါင်းရင်းမြစ်များ

Luke 12:12

Masapùla Wakù Akkwalù uya eyenupa kon màlà, màlà yattai yà'là tetok là auya'nokon ke,” teppù Jesus uya.

Yeunossak kon Wotokoyi 2:4

Tok wanùpùppù màlà tamù'nawàlà Wakù Akkwalù ke molopai tok wessa'molùkappù tùuselupa kon pàk tùpatalo'nan mayin yamùk yau, Wakù Akkwalù uya tok pùikattàppù tok uselupatoppe.

1 Corinthians 1:17

Masapùla Christ uya uyeunoko enpataukanse pùn, tùse Wakù Itekale yekamase, kappon pukketù winon mayin ke pùla, màlà kasa iwechi yau Christ welittok pulusuk po meluntàlù pùla iwena tukaik tamù'nawàlà.

1 Corinthians 14:2

Mùkkàlà tùulon mayin yau tùuselupasen uselupa kappon yamùk pokonpe pen màlà tùse Katù pokonpe neken. Masapùla ànù'là uya yà'là te ya là ittu pen màlà. Tùttusen pen yekama ya màlà Wakù Akkwalù ke.

1 Corinthians 2:1

Utonpa yamùk, apyakù'nokon uyàssak Katù Maimu yekamase yau, eke ton nà mayin molopai eke ton usenupansak maimu yapulà uya pùn àpàkù'nokon.

1 Corinthians 2:14

Akkwalù pùn kappon mùkkàlà lepantok kon yamùk Katù Yakkwalù winàpaino yanùnnài pen, masapùla yà'là pe pùla màlà yamùk wechi tùpona pàk. Molopai màlà yamùk ittu ya pùla iwechi màlà masapùla Akkwalù winà neken tùttusan pe iwechi pàk.

1 Corinthians 2:4

Uselupatok molopai uyekale unekama wechi kappon pukketù nùkupù yawà pùn, tùse Katù winàpaino Wakù Akkwalù meluntàlù yenpoika pe iwekkussak màlà.

1 Corinthians 9:11

Katù winàpaino wakù pànsak ina uya àkklottau'nokon yau yà'làlà mamin yeponnan yeppe pùla na' ina wechi nai'nùk ewinàpai'nokon?

Ephesians 5:19

Àtonpa kon pokonpe eselupatàk kon David yelemu maimu yau, elen yamùk Wakù Akkwalù winàpaino yekkwa ton pàk eselenpatàk kon Katù winàkàik, yapulàtok itewan yau echii'ma.

Colossians 3:16

Tàwà Christ uya enupantok eyewan kon yau nechii tamù'nawàlà. Mepanamatàik molopai mepùikattàtàik tamù'nawolon ànùttu kon yawàlà. Tenki tetok itewan yau echii'ma meselenpatàik David yelemu pàk, Katù yapulànài elen mùkuttàk Wakù Akkwalù nùtùlùssan pàk meselenpatàik.

1 Peter 1:12

Katù uya yenpoikappù màlà pùsamlo pàk tok wotokoyi wechi tok ponaloppe pùla, tùse àponalok kon pe, tok uselupappù ailon pàk màlà enetappù kon kasa. Wakù Itekale yekamannan ichelupasak kon Wakù Akkwalù meluntàlù yeunossak lùppù epùn poi winà uya, sàlà yamùk ailon ton yekamappù àpàkù'nokon. Sàlà yamùk uchi màlà inchelù yamùk lànen wettok ànùttupai.

2 Peter 1:16

Ikuppàssak kon nà panton yekama ina uya pùn Kùyepulu kon Jesus Christ uyàpù meluntà pe yekama ina uya àpàkù'nokon yau. Tùse tenu kon ke ina uya itakkwayi yeneppù.