1 Corinthians 2:10 - Patamuna New Testament Revised

¹⁰ Tùse Katù uya yenpoikappù màlà kùpàkù'nokon Takkwalù winà. Wakù Akkwalù mùkkàlà tamù'nawolon iwanài, i'napailon kulu nàlà Katù yeselu yamùk iwanài.

1 Corinthians 2:10 ပူးပေါင်းရင်းမြစ်များ

Matthew 13:11

“Tùttusen pen Itepulu pe we'nàtok epùn po ittutok tùsak man apyakù'nokon. Tùse mùkyamlo piyak pùla,” tukaik Jesus uya tok maimu yeikuppù.

Matthew 16:17

“Simon, Jonah mumu, ipùlemasak àmàlà! Masapùla sàlà usenpoikappù kappon winà là pen màlà tùse Ukàipùnù epùn pon winà.

Luke 10:21

Màlà yattai Jesus wanùssak utauchinpatok ke Wakù Akkwalù winà uya, “Ayapulàyan Iulà Ukàipùnù, epùn molopai non Yepulu. Masapùla pukkek ton molopai ichenupasak kon winàpai ànonamùppù yenpoikasak auya ichenupasak kon pen yemyak pàk. Ewaik, Ukàipùnù, sàlà wekkussak màlà iche ewettok kasa molopai ayauchinpanài pe,” teppù ya.

Luke 2:26

Màlàyau ipàk, “Ewelikù pen màlà yeunoko tùuya tetok Itepulu uya, Christ, yene auya ponalà,” teppù ya.

John 14:26

Tùse àpùikattà kon woton Wakù Akkwalù, yeunoko màlà Ukàipùnù uya uyesek yau. Mùkkàlà uya màlà tamù'nawolon pàk eyenupa kon. Molopai tamù'nawàlà unekamappù àpàkù'nokon nepù ya màlà ittu kon pa.

John 16:13

Tùse mùkkàlà Ailon Akkwalù uyàssak yau, ayalà kon ya màlà tamù'nawolon ailon yawàlà. Tùyiwalà ichelupa pen màlà, tùse yà'làlà tùneta yekama ya màlà. Molopai yà'làlà tùuyàpù woton yekama ya màlà àpàkù'nokon.

1 Corinthians 14:30

Tùse chichiu pe wepili'nàtok yau nai'nùk uya ànù'là pàk itekale yenpoikasak yau, mùkkàlà wapiya ichelupasak lùppù weleuta màlà.

1 Corinthians 2:11

Ànù'là uya tùulon kappon usenumenka ittu pen tùse, kappon yau nai'nùk màlà yakkwalù ichenumenkatok ittunài. Màlà kasa làma, Wakù Akkwalù neken mùkkàlà Katù usenumenkatok ittunài.

Galatians 1:12

Ànù'là kappon winàpai yepolo uya pùn, wapùla ànù'là uya ipàk uyenupa pùn. Tùse, Jesus Christ uya yenpoikasak yanùmùppù uya.

Ephesians 3:3

Katù uya tùttusen pen tùnkupù yenpoikappù molopai yekamappù ya upàk. Sàlà pàk uselupappù malalà emenuka kon uya wapiya.

Ephesians 3:5

Pena kappon yamùk pàk sàlà tùttusen pen yekamappù pen màlà, tùse Katù uya yenpoikasak man sàlà pe Wakù Akkwalù winà wakù ton esukenan kon tùneunokossan molopai tùmaimu yenpoikannannùssan pàk.

1 Timothy 4:1

Wakù Akkwalù uya yekamasak man ailon pe, tùulon kon kappon yamùk uya ailon tetok nonka pata wenukapù peiwa; ailon ton pen, kasei ton akkwalù maimu yawàlà tok wechi màlà molopai àliton akkwalù yamùk uya enupantok maimu yawàlà tok wechi màlà.

1 Peter 1:12

Katù uya yenpoikappù màlà pùsamlo pàk tok wotokoyi wechi tok ponaloppe pùla, tùse àponalok kon pe, tok uselupappù ailon pàk màlà enetappù kon kasa. Wakù Itekale yekamannan ichelupasak kon Wakù Akkwalù meluntàlù yeunossak lùppù epùn poi winà uya, sàlà yamùk ailon ton yekamappù àpàkù'nokon. Sàlà yamùk uchi màlà inchelù yamùk lànen wettok ànùttupai.

1 John 2:20

Tùse Wakù Akkwalù tùsak wechippù àpona'nokon màlà Christ winà, màlàpàk tamù'nawolon kon amyamlo uya ailon ittu màlà.

1 John 2:27

Tùse amyamlo, Christ uya Takkwalù ikkwansak màlà àpona'nokon. Yakkwalù wemapù ayau'nokon kaichalà, ànù'là eyenupa kon woton iche ewechi kon pen màlà. Masapùla Yakkwalù uya eyenupa kon tamù'nawolon pàk pàk, molopai màlà enupantok ya ike màlà ailon, kasei pen. Yakkwalù uyaichi enupantok yawàlà ettàk kon, molopai Christ yau ettàk.

Revelation 1:1

Sàlà màlà Jesus Christ nenpoikassan. Sàlà yamùk tùlùppù màlà Katù uya itemyak, tapyoto ton pàk tùwekkupù woton tachinpe kulu tùpo pùla yenpoikatoppe ya. Christ uya tùyinchelùyi yeunokoppù màlà tapyoto John piyak, sàlà yamùk yenpoikase ipàk.

Revelation 2:24

“Tùse amyamlo nàlà tok tonpa yamùk Thyatira pon kon uya àli enupantok ya kupùppù pùla man, ‘Settan nùkupù tonantawon tukaik tùulon kon nesatù pàk eusenupasak kon pùla man. Tùulon tùpàlikasen tùlù uya tu'ma àpona'nokon pen màlà.