1 Corinthians 16:6 - Patamuna New Testament Revised

⁶ Malalà uko'mamù eppaino apyau'nokon, wapùla iko pe iwettok yawàlà apyau'nokon wechi. Molopai upùikattà kon pa uye'ma tawàlà, i'nailàlà utàtok yau.

1 Corinthians 16:6 ပူးပေါင်းရင်းမြစ်များ

Yeunossak kon Wotokoyi 15:3

Sochi tawon kon uya tok yeunossak wechippù màlà, molopai tùutài'ma'nokon Phoenicia molopai Samaria yawàlà tok uya Jew yamùk pen welattàsak Katù winàkaik yekamappù. Sàlà itekale uya eke pe tamù'nawolon kon utauchinpatok nepùppù màlà.

Yeunossak kon Wotokoyi 17:15

Kàyik yamùk Paul yanài nan utàppù ya'là Athens pona. Molopai tok wennapoppù Berea pona Paul maimuppù pokonpe Silas molopai Timothy uyàtoppe ipyak asse'ne.

Yeunossak kon Wotokoyi 20:38

Tok usewankono'masak kulu wechippù màlà, ‘Uyentu'ma auya'nokon pen màlà,’ tesak ya pàk. Màlàpàk tok utàppù ya'là kanau piyak.

Yeunossak kon Wotokoyi 21:5

Ina uko'mantok tok piyau weyu wenukassak yau, ina utàppù te'ma kon tawà. Tamù'nawolon kon utàppù ina ya'là pata poi tùnoppù kon molopai tùmunkà kon yamùk pokonpe. Molo ina wenappù tese'mu kon pona palau yena po molopai ina wàpùlemappù.

Yeunossak kon Wotokoyi 27:12

Peyak wechippù màlà iko pe iwettok yattai yau wema'nà yentai; màlàpàk tamù'nawolon kon lùiwa kàyik yamùk wechippù màlà itàpai Phoenix yepose, yepolo là tùuya'nokon pe iwechi yau. Molo iko pe iwettok yattai tùuko'mantok kon pe. Crete pon peyak wechippù màlà wei wewontok winon pe.

Yeunossak kon Wotokoyi 28:11

Àsolùwau kapùi tùpo ina utàppù kanau Alexandria pon “Echi'munuik Katù yamùk” tetok yau, iko pe iwettok yawàlà iko'mansak molo pata lùkkwà yau.

Romans 15:24

Màlàpàk “sàlà pe'ne eyene kon uya” te uya sàlà Spain pona utà yau. Akakklanpasak kon uya malalà tùpo, wepùikattàtok yepolo uya ewinàpai'nokon pàk enpen wessaik utàtoppe màlà pata motak,

1 Corinthians 16:11

Mùnamatàik. Meunottàik ite'ma tawà wakù pe tùwanmùlà, iwennappotoppe upyak. Masapùla iwennappo pàk enpen wessaik tùulon kon tonpa wannà yamùk pokonpe.

2 Corinthians 1:16

Masapùla akakklanpa kon pàk wekkussak man Macedonia pona utà pe molopai tu'ma wennapo pe upùkattàtok auya'nokon yau utàtoppe Judea pona.

Titus 3:12

Artemas wapùla Tychicus yeunossak uya apyak yau, tamù'nawolon ànùttu mùkupùik àuyàpù pa upyak Nicopolis pona, masapùla iko pe pata wettok yattai yentoppe uya molo wekkussak man.