1 Corinthians 16:16 - Patamuna New Testament Revised

¹⁶ Apawanattàyatàu Iulà utonpa yamùk, pùsamlo yekkwa yo'no mettàik molopai ànù'là tùwe'wotokomasan tok pokonpe yo'no.

1 Corinthians 16:16 ပူးပေါင်းရင်းမြစ်များ

Romans 16:12

“Wakù pe na' messatàu?” te uya Tryphena molopai Tryphosa tawonnan, nossan yamùk sa'man pe tùwe'wotokomasan Itepulu wotokoyi yau pàk, molopai Persis pàk nàlà unùn kulu uwechiyakon pe tùwessen nossan pàk “Wakù pe na' messan?” katàk kon, mùkkàlà eke pe kulu iwe'wotokomasak lùppù Itepulu ponaloppe.

Romans 16:3

“Wakù pe na' messatàu?” tetok uya yekamatàk Prisilla molopai Aquila tawonnan piyak, we'wotokoma wechi yakonnon Christ Jesus wotokoyi yau.

Romans 16:6

“Wakù pe na' messan?”te uya Meli pàk, iwe'wotokomasak lùppù sa'man pe kulu àponalok kon pe pàk.

Romans 16:9

“Wakù pe na' messan?” te uya Urbanus pàk we'wotokoman Jesus wotokoyi yau tonpa, molopai Stachys uwechiyakon kulu pàk.

1 Corinthians 12:28

Molopai sochi tau màlà, Katù uya tamù'nawolon kon wotokoyittàsak, wapiya kulu, yeunossak kon, yakon pe, Katù Maimu yenpoikannan, icholùwano pe, enupannan, molopai nen uchi mùkyamlo tensan pen ku'nài nan. Ite'mappù pàk, ipittàntok yamùk meluntàlù ke, tùulon kon pùikattànnan pe, tùulon kon ennàinan pe we'nàtok ke molopai tùulon mayin yau uselupantok ke.

1 Corinthians 3:9

Masapùla ina mùkyamlo Katù we'wotokoma tonpa yamùk, amyamlo nen uchi Katù tumà. Katù yùwùk nàlà amyamlo.

Ephesians 5:21

Àtonpa kon yo'no echittutàk kon ànùk yentai pùla, Christ namatok auya'nokon yau.

Philippians 4:3

Molopai àmàlà nàlà ailon we'wotokoma yakon, pùsamlo nossan yamùk pùikattà auya iche wessaik. Masapùla tok we'wotokomasak man sa'man pe upokon pe Wakù Itekale yekama pàk Clement pokonpe tamùkke. molopai tamù'nawolon kon tùulon kon we'wotokoma yakon non Katù kaletayi, wema'nàtok yapon yau itesek nai'nannùk.

1 Thessalonians 1:3

Masapùla ina nùttuyan, Katù Kùkàipùnù kon yemloto po ailon tetok auya'nokon yai ewe'wotokoma kon sa’man pe uchi'nùnmantok ke. Molopai enpen ewettok kon Kùyepulu Jesus Christ pàk wechi melùntà pe ittuyan ina.

1 Thessalonians 2:9

Ewaik, mùttuyatàik, ina tonpa yamùk, sa'man pe ina we’wotokomappù. Ina we'wotokomappù wei kaichalà molopai ewalupàttawàlà, awanittàpa kon nà ina uya tukaik Wakù Itekale Katù winàpaino yekama tùuya’nokon yawàlà.

1 Thessalonians 5:12

Ina apawanattàyatàu, ina tonpa yamùk, mùkyamlo àkklottau'nokon tùwe'wotokomasan nama kon pa, mùkyamlo Itepulu Katù nanùmùssan eyepotolù kon pe molopai eyenupannan yamùk pe nama kon pa.

1 Timothy 5:17

Sochi yepulu yamùk wakù pe wotoko yanàinan wechi màlà te'masan pe eke peiwa, mùkyamlo kulu tùwe'wotokomasan sa'man pe wakù itekale yekama pàk molopai kappon yamùk yenupa pàk.

Hebrews 13:17

Eyepotolù kon yamùk maimu yawàlà ettàk kon molopai tok uya enupantok ikuttàk. Eyene kon pàk tùwessan mùkyamlo, masapùla Katù pàk tùwotokoyi kon lùppù yekale yekama tok uya. Tok maimu yawàlà ewechi kon tok tewankono'maik pùla yau, tùwotokoyi kon kupù tok uya màlà tùutauchinpaik. Wapùla iwechi yau àpùikattàkon tok uya pen màlà.

Hebrews 13:24

“Wakù pe na' messatàu?” tetok ina uya itùtàk kon tamù'nawolon kon eyesak kon yamùk pàk molopai tamù'nawolon kon Katù ponalok kon kappon yamùk pàk. Ailon tawonnan nàlà Italy pon kon “Wakù pe na' mesatàu?” nùkayan.

Hebrews 6:10

Katù mùkkàlà ikasa nai'nùk ku'nài. Àwotokoyi kon lùppù puttàka'nùpù ya pen màlà. I'nùnmatok auya'nokon enenpoikappù kon ipemonkono yamùk pùikattà pe molopai tok pùikattà pàk lùppù messatài'nùk.

1 Peter 5:5

Màlà kasa làma, amyamlo masalok kon umoine ton esenupatàk kon kàyik yamùk lùiwa winàpai. Molopai tamù'nawolon kon àsà pe pùla ettàk kon, ànù'là kappon pùikattà kon pa; masapùla, “Katù mùkkàlà ànù'là kappon yentai pe tukaik tùwekkussen itewanma, tùse wakù pe we'nàtok tùwinàpaino tùnài àsà'mùnon piyak,” {Pro3.34}

3 John 1:8

Kùmyamlo nen uchi, Jesus pàk ailon tawonnan pùsamlo kappon yamùk pùikattài, tamùkke tùwepùikattàik we'wotokoman toppe, ailon itekale yau.

Revelation 2:3

Pàlikanài àmàlà. Ewettalumattàppù man uyesek pàkànsau, molopai ewe'nonkasak pùla man.