1 Corinthians 16:1 - Patamuna New Testament Revised

¹ Masa uchi pùlayatta Katù ponalok kon kappon yamùk pùikattàtoppe tanùnsen pàk uselupai'che. Unekamappù Galatia pon sochi yamùk pàk ikuttàk kon.

1 Corinthians 16:1 ပူးပေါင်းရင်းမြစ်များ

Yeunossak kon Wotokoyi 11:28

Tok tonpa Agabus itesek, wà'mùssakkappù molopai Wakù Akkwalù meluntàlù winà eke kulu iwan uyàpù tamù'nawàlà non pona, winàkàik iwechi yekamappù ya. Iyàpùppù màlà Claudius wechi itepulu pe yattai.

Yeunossak kon Wotokoyi 11:30

Sàlà kupùppù tok uya màlà molopai tok uya pùlayatta yeunokoppù ailon tawonnan yepulu yamùk piyak Barnabas molopai Saul tawonnan winà.

Yeunossak kon Wotokoyi 16:6

Tok utàppù màlà pata Phrygia yawàlà molopai Galatia yawàlà. Wakù Akkwalù uya wakù itekale yekama toppe tok uya Asia po pùla ikupùppù.

Yeunossak kon Wotokoyi 18:23

Molo malalà tùwechi tùpo iitàppù. Galatia molopai Phrygia tawonnan yawolon kon pata yamùk yawàlà, tamù'nawolon kon ailon tawonnan meluntàpa pe.

Yeunossak kon Wotokoyi 24:17

“Tukke kilichimochi Jerusalem po pùla wemappàtù tùpo, utàppù màlà motak pùlayatta yalàppù uya entuppa'nokon ponaloppe molopai untùlù tùse Katù ponaloppe.

Yeunossak kon Wotokoyi 9:13

Ananias uya yeikuppù, “Uyepulu, tukkan kon uya pùsàlà pàk uyelupasa'man, tamù'nawàlà àli ton inkupùssan àponalok kon kappon yamùk Jerusalem pon kon winàkàik pàk.

Yeunossak kon Wotokoyi 9:41

Peter usenkappù ipùikattàse iwe'wuluuka tùse. Màlàyau Katù ponlok kon molopai itayappù iwelichak kon nùssan kà'mappù ya molopai itùlùppù ya pàli'yau tok yemyak.

Romans 12:13

Yà'làlà pùla nai'nannùk Katù munkà tùmainanpaik ettàk kon, molopai kaklan yamùk yewonnùttàk àwùk kon tak.

1 Corinthians 11:34

Molopai ànù'là wapàkkassak yau, tàwà nùta'lettài tùpata po, Katù uya atalumattà kon tukaik ewepilipù kon tamùkke pàk. Tùulon kon upàk enekamappoppù kon yeleutanùpù uya màlà uyàssak yau suwa mettàik tetoppe uya.

1 Corinthians 16:15

Mùttuyataik Stephanas molopai itùwùk tawon kon wechi wapiyalok kon iwepùikattàsak kon pe Christ yau Achaia po. Molopai tok wettùsak màlà tùyiwalà'nokon Katù ponalok kon kappon yamùk ponaloppe tùwe'wotokomatok kon yak.

1 Corinthians 4:17

Sàlà kasa iwechi pàk Timothy teunossaik apyakù'nokon, umu u'nùn pe unkupù, ailon pe tùwessen mùkkàlà Itepulu yau. Christ Jesus yau wemattok yekama tukka ya màlà àpàkù'nokon, enupantok uya tamù'nawàlà i'nailàlà sochi yamùk tau kasa iwechi ittu kon pa.

Galatians 2:10

Entuppa'nokon puttàka'nùpù ina uya tukaik neken tok uya ina yekamappoppù, màlà kulu ànkuppai wechippù.

Philemon 1:5

Masapùla tamù'nawàlà kappon yamùk pùnùnma auya tukaik tetayaik, ailon tetok auya Itepulu Jesus pàk, yeta uya pàk.

Philemon 1:7

Pùnùnmantok auya uya kulu eke pe uyauchinpasak man, utonpa, molopai umeluntàlùttàsak ya. Masapùla tamù'nawàlà Katù ponalok kon kappon yamùk yewan yenpakasak auya pàk.

Hebrews 6:10

Katù mùkkàlà ikasa nai'nùk ku'nài. Àwotokoyi kon lùppù puttàka'nùpù ya pen màlà. I'nùnmatok auya'nokon enenpoikappù kon ipemonkono yamùk pùikattà pe molopai tok pùikattà pàk lùppù messatài'nùk.

1 John 3:17

Tukke temamin ke we'nà molopai tonpa wannà wettalumattà yà'làlà pùla yene, tùse usentupantok ipàk pùla we'nà kùyewan kon yau, atta ken, “Katù pùnùnmatok uya ike molo man uyewan yau,” te kùuya'nokon?