1 Corinthians 15:8 - Patamuna New Testament Revised

⁸ Molopai àkàmlàk lùppù nen uchi upyak nàlà ichenpoikappù màlà, tùwentutok yattai pùla iwentusak lùppù kasa wechi tùse.

1 Corinthians 15:8 ပူးပေါင်းရင်းမြစ်များ

Yeunossak kon Wotokoyi 18:9

Tewin ewalupà yattai Paul uya we'neppà'nàtok walai yeneppù, màlà yau Itepulu Jesus uya ipàk wateppù, “Kettalipai, tùse euselupa pàk lùppù ekkà molopai ke'nonkai,

Yeunossak kon Wotokoyi 22:14

‘Kùtamo kon Katùyi uya ayanùnsak man teselu ittu pa, molopai wakù, ikasa tùwemassen yenepa molopai ichelupa yetapa,’ teppù ya upàk.

Yeunossak kon Wotokoyi 22:18

màlà yau Itepulu yeneppù uya màlà, ‘Esemittàpakà, molopai Jerusalem inànkà asse'ne masapùla kappon yamùk talon kon nà uya uyekamatok auya yanùmù pen màlà,’ teppù ya upàk.

Yeunossak kon Wotokoyi 22:6

“Utà yau Damascus winàkàik uyàpù tùse, inakattapailù wei wena pe akkwa kulu ulenpamùppù màlà asse'ne kaupai uyawàlà.

Yeunossak kon Wotokoyi 26:12

“Sàlà kusse utàppù màlà Damascus pona, ewaik tetok molopai ikuttok eke ton paatele yamùk winàpaino pokonpe.

Yeunossak kon Wotokoyi 26:16

Tùse e'wuluukakà, molopai à'mùssakkakà atta po. Usenpoikasak sàlà ayanùnse uyapyoto pe, tùulon kon kappon yamùk pàk màlà eneneppù molopai enetappù yekama auya màlà, molopai unekama àpàk.

Yeunossak kon Wotokoyi 9:17

Màlàpàk Ananias utàppù, iwewomùppù tapùi tak molopai temyatù tùlùppù ya Saul pona. “Utonpa Saul, Itepulu uya uyeunossak sàlà, Jesus uya. Mùkkàlà mentai nùk asantau àuyàpù sàlà motak yau. Uyeunossak ya sàlà yene pa tu'ma, molopai Wakù Akkwalù ke awanùppù pa,” teppù ya.

1 Corinthians 9:1

Utokùkka woton pùn ku? Yeunossa'lùppù pen uchi Iulà? Kùyepulu kon Jesus yennàippù pen uchi Iulà? Itepulu ponaloppe unkupùppù uwotokoyi yapainokon pen uchi amyamlo?