1 Corinthians 14:6 - Patamuna New Testament Revised

⁶ Màlàpàk utonpa yamùk, apyakù'nokon uyàssak molopai tùulon mayin yau uselupa yau, yà'là ken wakù kupù uya màlà ewinàkàik nokon? Ipla, tùse Katù nenpoika yà'làlà nepù uya yau neken, wapùla pukkek, wapùla Katù Maimu wapùla enupantok.

1 Corinthians 14:6 ပူးပေါင်းရင်းမြစ်များ

Matthew 11:25

Màlà yattai Jesus uya wateppù, “Ukàipùnù, epùn molopai non yepulu! Tenki ukayaik àpàk. Masapùla pukkek ton molopai ichenupasak kon winàpai ànonamùppù yenpoikasak auya, mule yamùk yemyak pàk.

Matthew 16:17

“Simon, Jonah mumu, ipùlemasak àmàlà! Masapùla sàlà usenpoikappù kappon winà là pen màlà tùse Ukàipùnù epùn pon winà.

Matthew 16:26

Yà'làlà ken na' yepolo kappon uya tamù'nawolon wolù yawon kon yà'làlà yanùmù tùuya tùponaloppe yau, tùse takkwalù lachima tùuya yau? Yà'làlà pùla iwechi màlà kappon nùtùlù takkwalù mùnappotoppe tùuya.

Yeunossak kon Wotokoyi 2:42

Tok uko'manpàtùppù tùusenupa kon pàk yeunossak kon uya enupantok pàk, tamùkke tok tok wechippù, tùuta'letàtok kon yau molopai tùwàpùlematok kon yau.

Romans 15:14

Utonpa yamùk, Iulà uyiwalà nùttuyan wakù pe we'nàtok ke awanùssak kon, tamù'nawolon tùttusan ke molopai kappon yenupanài yeppe ewechi kon àkklottau'nokon.

Romans 16:17

Apawanatàyataù Iulà utonpa yamùk, elanneppe ettàk kon mùkyamlo wepantakantok ku'nàinan, molopai kappon yamùk uya ailon tetok yaimelunpannan pàk. Mùkyamlo uya enupantok ananùmùppù kon kupù tùwakùli kon pe pùla màlà, tok tonpa pe kettàu.

Romans 6:17

Tùse tenki tepai'nokon Katù pàk, masapùla pena àli yapyoto pe ewechippù kon màlà, tùse sàlà pe ailon, yeposak lùppù enupantok, enepoloppù kon yau, maimu yawàlà ewechi kon tamù'nawàlà eyewan kon ke.

1 Corinthians 10:33

Ukasa. Tamù'nawolon yau tamù'nawolon kon pàk wakù pe welaikaiche tùwessen Iulà unkupù yau. Masapùla wakù pe neken nà uwinàkàik we'nà iche wechi pen, tùse tamù'nawolon kon pàkànsau, tok wepùikattà toppe.

1 Corinthians 14:1

Uchi'nùnmantok yeselu eyeselu kon pe nechii molopai Wakù Akkwalù winàpaino lepantok iche kulu ettàk kon, Katù Maimu yenpoikatok ike ke lepantok kulu làkku.

1 Corinthians 14:7

Yà'làlà, yakkwalù pùn tùtàulùnpasen kamo yàppù yapai ikonekasak yekkwa wapùla tukkan itewa wai tàwù ikasa pùla yau, yà'là kasa ken ànù'là uya itàulùnpa nai'nùk tàwù ittu?

2 Corinthians 11:6

Iichenupasak pe là wechi uselupatok pe tukkan kon yemlotopo, tùse ittutok uya yesappe wessaik. Tàmù'nawolon yau wakù pe kulu yekamasak ina uya man àpàkù'nokon.

2 Corinthians 12:1

Utapulà pàk wechi màlà, yà'làlà wakù kupù ya pùla là tùse. Uselupa sàlà we'neppà'nàtok walainon molopai yenpoikasak kon lùppù Katù winàpaino pàk.

2 Corinthians 12:7

Sàlà yamùk eke ton kulu Katù nenpoikassan pàk eke pe utapulà tukaik iwinàpai uku'nài pe, àmà'nà ke ulepappù uyattùkanài pe. Màlà uyàpùppù màlà Makui winàpai utalumattàse.

Ephesians 1:17

Kùyepulu Jesus Christ Katùyi Kùkàipùnù wakù pe tùwessen tapulàtok yau, yekamapponài Iulà Wakù Akkwalù uya pukkeppe àkonekatok kon pe molopai Katù ittu kon pa yekamatoppe ya àpàkù'nokon.

Ephesians 3:4

Molopai unmenukappù yene auya'nokon yau Christ yekale tùttusen pe pùla nai'nùk ittu auya'nokon màlà.

Philippians 3:15

Tamù'nawolon kon uchi kùmyamlo ichemokkasak kon nùsenumenkaik tàwàlà sàlà kasa. Molopai yà'là yekkwa yau là tùpatalà eusenumenka kon yau, Katù uya yekama màlà àpàkù'nokon.

2 Timothy 2:14

Àtonpa yamùk kappon yamùk yenu yapyontàkà sàlà pàk, molopai tùumayintaik tok yekamappokà Katù yemloto po tok wepanta'ma mayin yamùk pàkànsau tukaik. Wakù ku'nài pen màlà, tùse kappon yamùk yetannan mattanù'nài.

2 Timothy 3:10

Eyenupappù uya lùssan mùttuyaik, wemapùppù mùttuyaik. Tùse enupantok uya là mùttuyaik, wemapù yeselu molopai iponaloppe wemattok ailon tetok uya, pàlikantok uya, pùnùnmantok uya molopai tùusetakkaik pùla wettok tachin pe.

2 Timothy 3:16

Masapùla tamù'nawolon Katù Maimu màlà Katù nekamappù Takkwalù yai imenukatoppe molopai tapulàsen pe kappon yamùk yenupa toppe ailon pàk, iwalai pen yekamapotok, ikasa pùla tùwessen konekatok ikasa, molopai ikasa wema'nàtok yawà ke enupantok,

2 Timothy 4:2

Katù Maimu yekamakà, yekama pàk kulu ekkà, yekamatok yattai wechi ikasa tùse wapùla ikasa pùla tùse molopai tok imeluntàpakà, molopai tok makuyi yekamakà. Tùse nàlà tok yauchinpakà molopai tok panama auya yau kesemittàpai.

Titus 3:8

Sàlà màlà ailon kulu uselupantok. Sàlà yamùk pàk meluntà peiwa euselupa iche wessaik, mùkyamlo Katù pàk ailon tawonnan wettoppe tùweyu kon tùnàinan pe wakù wotoko kuttok yak. Sàlà yamùk màlà wakù, kappon yamùk napulà pe iwechi.

Hebrews 13:9

Tùpatalo'nan yà'là yekkwa ton nà enupantok kon ayatakù'nokon iwalai enupantok winàpai. Wakù pe iwechi màlà kùyewan kon wena meluntà pe Katù nùkupùppù wakù winà yau, kùyali tùnassen pe kappon nekama winà pùla. Masapùla mùkyamlo ina'nàinan nùssan pùikattànài pe pùla iwechi màlà.

2 Peter 1:5

Sàlà kasaichi iwechi pàk, ànùttu kon mùkuttàik kulu ailon tetok auya'nokon tonpattà kon pa wakù pe we'nàtok ke; molopai wakù pe ewettok kon pona ittunài pe we'nàtok;

2 Peter 3:18

Tùse wakù pe we'nàtok molopai ittunài pe we'nàtok Kùyepulu molopai Kùpùikattànài Jesus Christ winàpaino yau Jesus kasa enatàk kon tamù'nawàlà. Tàwà apulàntok ipyau nechii, sàlà pe molopai tàwàlàlà! Emen.

2 John 1:9

Ànù'là Christ maimu yawà tùwessen pen, tùse tentaikase nemassai'nùk yawàlà pùla wechi màlà Katù pùla. Ànù'là Christ maimu yawà tùwessen wechi màlà Katù Kùkàipùnù molopai Imu tawonnan yesappe.