1 Corinthians 14:4 - Patamuna New Testament Revised

⁴ Mùkkàlà tùuselupasen tùulon mayin yau wepùikattà neken màlà, tùse mùkkàlà Katù Maimu yenpoikanài uya, tamù'nawàlà sochi tawon kon yamùk pùikattà màlà.

1 Corinthians 14:4 ပူးပေါင်းရင်းမြစ်များ

Mark 16:17

Molopai ailon tawonnan lepasak wechi màlà yentok ipàkàlà kuttok ya yapàiketù ke. Uyesek yau àli akkwalù yenpakka tok uya màlà. Molopai tok uselupa màlà tùpatalo'nan mayin yau.

Romans 14:19

Màlàpàk uchi màlà yamùk echitonpa pe we'nàtok ne'nài iwapai'nokon man tàwàlà, molopai tonpa tùmeluntàpaik we'nàpai.

1 Corinthians 12:10

tùulon yemyak tùwekkussen pen kuttok meluntàlù, tùulon yemyak Katù Maimu yenpoikatok ike, tùulon yemyak Wakù Akkwalù winàpaino molopai iwinon pen wechi tùpatalà ittutok ike. Tùulon piyak tùpatalo'nan mayin yau uselupantok, tùulon piyak yà'là te là tùpatalon mayin uya yekamatok ike.

1 Corinthians 12:28

Molopai sochi tau màlà, Katù uya tamù'nawolon kon wotokoyittàsak, wapiya kulu, yeunossak kon, yakon pe, Katù Maimu yenpoikannan, icholùwano pe, enupannan, molopai nen uchi mùkyamlo tensan pen ku'nài nan. Ite'mappù pàk, ipittàntok yamùk meluntàlù ke, tùulon kon pùikattànnan pe, tùulon kon ennàinan pe we'nàtok ke molopai tùulon mayin yau uselupantok ke.

1 Corinthians 13:1

Kappon yamùk molopai inchelù yamùk maimu yau lànen tùuselupasen pe wechi tùse, uchi'nùnmantok pùla wechi yau, sanpula tàwù kasa uselupatok wechi màlà molopai sanpana tàwù kasa.

1 Corinthians 13:2

Lepantok, Katù Maimu yenpoikanài yesappe wechi yau, tamù'nawolon pukkeppe we'nàtok yesappe molopai tùttusan pen yamùk là ittu uya, tamù'nawolon ailon tetok yesappe wechi, wùk yamùk yamatoppe uya, tùse uchi'nùnmantok pùla wechi yau, yà'làlà pùla wechi màlà.

1 Corinthians 14:12

Màlà kasaichi ewechi kon màlà. Wakù Akkwalù uya lepantok iche kulu ewechi kon pàk, màlà yamùk pùikattànài pe nai'nannùk lepantok yapulàtàk kon sochi tawon kon meluntàtanùsse pe.

1 Corinthians 14:22

Màlàpàk uchi, uselupantok tùulon mayin yau wechi màlà ailon tawonnan ponaloppe pùla tùse ailon tawonnan pen uya yentok ipàkàlà pe, tùse Katù Maimu yenpoikatok wechi màlà ailon tawonnan ponaloppe, ailon tawonnan pen ponaloppe pùla.

1 Corinthians 14:26

Yà'là te uya ken sàlà, utonpa yamùk? Katù yapulàse ewepilichak kon yau, tamù'nawolon kon wechi telemu ke, wapùla enupantok yesappe, tenpoikasen yesappe, wapùla itekale tùulon mayin yau, wapùla yà'là tesak lùppù yekamatok yesappe. Tamù'nawàlà sàlà yamùk wechi màlà Katù ponalok kon meluntàlùtanù'nài pe tùkussen pe.

1 Corinthians 14:3

Tùse mùkkàlà Katù Maimu yenpoikanài uselupa màlà kappon yamùk pokonpe, tok lepa ya pùikak ke, meluntàtantok molopai ewan ipittàtok ke.

1 Corinthians 14:5

Tamù'nàwàlà messatài'nùk yawà euselupa kon tùulon mayin yau iche kasa wessaik, tùse làkku Katù Maimu yenpoika auya'nokon iche wessaik. Masapùla mùkkàlà Katù Maimu yenpoikanài wechi màlà eke peiwa, tùulon mayin yau tùuselupasen yentai lùiwa ànù'là wechi neken molo yà'là te ya yekamanài pe yau, tamù'nawàlà sochi tawon kon wepùikattà màlà.