1 Corinthians 14:3 - Patamuna New Testament Revised

³ Tùse mùkkàlà Katù Maimu yenpoikanài uselupa màlà kappon yamùk pokonpe, tok lepa ya pùikak ke, meluntàtantok molopai ewan ipittàtok ke.

1 Corinthians 14:3 ပူးပေါင်းရင်းမြစ်များ

Luke 3:18

Tukke tùpatalà'ne John uya kappon yamùk panamappù màlà, Wakù Itekale yekamappù ya tok pàk.

Yeunossak kon Wotokoyi 13:15

Law molopai Katù Maimu yenpoikannan nùmenukappù yene tùpo, Jew yamùk wepilittok itak yesak ton uya mayin yeunokoppù Barnabas molopai Paul piyak. “Ina tonpa yamùk, kappon yamùk yelupa auya'nokon iche ina man, Itekale tok meluntàlùttàtok auya'nokon wechi molo yau,” tukaik.

Yeunossak kon Wotokoyi 14:22

Tok uya ailon tawonnan Jesus pàk meluntàpappù miyaiwa tok wettoppe ailon tetok tùuya'nokon pàk. “Utànnù'nokon màlà tukke wettalumattàntok yawàlà Katù wettok itepulu pe yak wewonàtok kon pe,” .

Yeunossak kon Wotokoyi 15:32

Judas molopai Silas mùkyamlo, Katù Maimu yenpoikannan tùmàlà'nokon pe uselupappù tachin pe ailon tawonnan pokonpe, tok lepa pe tok meluntàlù ke meluntà pe tok wettoppe.

Yeunossak kon Wotokoyi 4:36

Molopai wa iwechippù mùkkàlà Joseph, Levite pe iwechi, iwentusak lùppù Cyprus po, mùkkàlà yeunossak kon nesatù Barnabas tukaik, meluntàlùnpanài te ya pe iwechi.

Yeunossak kon Wotokoyi 9:31

Màlàyau sàlà kasa iwechippù màlà tamù'nawàlà Judea yawàlà, Galilee molopai Samaria yawolon kon sochi yamùk wechippù wàlàkka'nàtok yau. Meluntà pe tok wenappù molopai tukke tok wenappù, Wakù Akkwalù uya tùpùikattàse, tùwemapùi'ma nokon Itepulu Jesus namatok yau.

Romans 12:8

Ewan meluntàlùttànài pe iwechi yau, tàwà ewan meluntàlùttànài pe nechiik. Yà'là pùnon sa'ne lepanài pe iwechi yau tàwà ne'lepaik tùusàulàmaik pùla, ànù'là kappon apàikkeppe tùwessen, ne'wotokomai wakù pe, tùusentuppasen, nùkupùi tùutauchinpaik.

Romans 14:19

Màlàpàk uchi màlà yamùk echitonpa pe we'nàtok ne'nài iwapai'nokon man tàwàlà, molopai tonpa tùmeluntàpaik we'nàpai.

Romans 15:2

Masaichi we'ma'nàpai'nokon, kùmàlà pe làkku kùyakontalù kon yenu yailà wema'nàpai'nokon wakù pe iponaloppe, meluntà pe iwenatoppe ailontetok yau.

1 Corinthians 10:23

Tamù'nawolon wechi màlà tùkussen pe tùse tamù'nawàlà wakù pe iwechi pen màlà. Tamù'nawolon wechi màlà tùkussen pe tùse tamù'nawolon wechi kulu là meluntàlùnpanài pe pen màlà.

1 Corinthians 14:12

Màlà kasaichi ewechi kon màlà. Wakù Akkwalù uya lepantok iche kulu ewechi kon pàk, màlà yamùk pùikattànài pe nai'nannùk lepantok yapulàtàk kon sochi tawon kon meluntàtanùsse pe.

1 Corinthians 14:17

Wakù pe lànen tenki tetok auya'nokon wechi tùse, tùulon kappon pùikattàsak ya pùla iwechi màlà.

1 Corinthians 14:26

Yà'là te uya ken sàlà, utonpa yamùk? Katù yapulàse ewepilichak kon yau, tamù'nawolon kon wechi telemu ke, wapùla enupantok yesappe, tenpoikasen yesappe, wapùla itekale tùulon mayin yau, wapùla yà'là tesak lùppù yekamatok yesappe. Tamù'nawàlà sàlà yamùk wechi màlà Katù ponalok kon meluntàlùtanù'nài pe tùkussen pe.

1 Corinthians 14:31

Masapùla tamù'nawàlà là Katù Maimu yenpoika auya'nokon màlà, esse'mappù pàk, tamù'nawolon kon usenupatoppe molopai tok meluntàtanùttoppe ya.

1 Corinthians 8:1

Sàlà, ailon pen katù yemyak itùsak lùppù kùyali yekale pàk uselupa. Ittu'nokon man tamù'nawàlà ittutok yesappe we'nà. Ittutok màlà kappon ku'nài eke pe tukaik itapulàtoppe, tùse uchi'nùnmantok màlà pùikattànài pe ku'nài.

2 Corinthians 1:4

Ina yewan ipik mùkkàlà tamù'nawàlà ina talumattàtok yau, mùkyamlo yà'là yekkwa là wettalumattàntok yawà tùutàsan yewan ipittàtoppe ina uya, màlà ewan ipik Katù uya ina yewan ipittàppù lùppù ike ke.

2 Corinthians 2:7

Sàlà peichi, mesentuppatàik ipàk molopai itewan mipittàtàik, ippla kulu ichewankono'ma tukaik molopai iwe'nonka tukaik.

Ephesians 4:29

Àli mayin kùsapulàtàu euselupatok kon yau. Pùikattànài neken mayin yapulàtàk kon, iche kulu we'nàtok ne'nài, molopai ewan ipittànài eyetannan pùikattà toppe euselupatok uya.

Ephesians 6:22

Màlàpàk uchi yeunoko uya sàlà apyakù'nokon. Atta là tamù'nawolon kon ina wechi yekamatoppe ya àpàkù'nokon, molopai màlà kasa eyewan kon meluntàtanùpù kon pa.

Colossians 4:8

Màlàpàk uchi yeunoko uya màlà apyakù'nokon, ayauchinpa tok kon pe ya atta là tamù'nawolon kon ina wemapù yekama tùuya ke.

1 Thessalonians 2:11

Mùttuyatàik wakù pe ina wechippù tamù'nawàlà àpàkù'nokon papai wechi wakù pe tùmunkà yamùk pàk kasa.

1 Thessalonians 2:3

Màlàpàk apawanattàyatài'nùk ina Wakù Itekale yai wechi màlà ennakantok pokonpe là pùla, molopai àli pe là iteselu pùla, màlà tùse pùla ànù'là yennakaiche ina wechi pùla man.

1 Thessalonians 3:2

Ina uya Timothy yeunokoppù apyakù'nokon, ina tonpa molopai Katù poitolù molopai Wakù Christ yekale yekamanài. Ina neunottai emeluntàlùttàtok kon pe ya molopai ailon tetok auya'nokon pùikattàtoppe ya,

1 Thessalonians 4:1

Molopai uselupa wenukapù pe, te uya utonpa yamùk, mesenupatantàu ku ina winà tà yà'là kasa là wema'nàtok Katù yauchinpanài pe wechi mùttutantàu. Sàlà kasa làkku ewemapù kon màlà. Màlàpàk nen uchi sàlà ina uya kulu apawanattà kon, Itepulu Jesus yesek yau, wakù peiwa i'napailà ewemapù kon pa.

1 Thessalonians 4:18

Màlàpàk meluntà pe ettàk kon eyewan kon ipittàtàk kon sàlà mayin ke.

2 Thessalonians 3:12

Itepulu Jesus Christ yesek yau pùsamlo kappon yamùk yekamappoyan kulu ina tùuseka'nonkaik, meluntà pe, eppana echii'ma tok we'wotokomatoppe, tùwematok kon iwinà yepotoppe tùuya'nokon.

1 Timothy 1:4

Ailon pen panton yamùk molopai tukkan tùtamo kon yesek yamùk pàkànsau tùusàulàmatok kon nonkatoppe tok uya yekamakà, masapùla sàlà uya neken usàulàmantok nepù màlà. Katù wotokoyi ailon tetok yau tùkussen kupù yentai.

1 Timothy 4:13

Tamùkke kappon yamùk tipiliche Katù Maimu yenkà, itekale yekamakà, molopai tok yenupakà uyàpù ponalà.

1 Timothy 6:2

Ailon tawonnan pe tepotolù kon yamùk wechi yau tok poitolo ton i'nùmla tok kuttak, masapùla ailon tawonnan nàlà mùkyamlo. Wa tùse, tàwà tepotolù kon yapyoto pe tok nechii wakù peiwa, masapùla mùkyamlo nepùikattà yai'nannùk wechi ailon tawonnan pe molopai tù'nùn kon pe tok wechi pàk. Sàlà pàk kappon yamùk menupaik molopai sàlà yamùk mekamaik.

2 Timothy 4:2

Katù Maimu yekamakà, yekama pàk kulu ekkà, yekamatok yattai wechi ikasa tùse wapùla ikasa pùla tùse molopai tok imeluntàpakà, molopai tok makuyi yekamakà. Tùse nàlà tok yauchinpakà molopai tok panama auya yau kesemittàpai.

Titus 1:9

Wakù Itekale pàk meluntà pe tùwemassen pe, ailon tetok ipàk pe enupantok uya panamantok yawàlà. Sàlà kasa tùulon kon meluntàtanpù ya màlà ailon enupantok ke, molopai nàlà iwalai pen yekama ya mùkyamlo ailon yeya'noma yai'nannùk pàk.

Titus 2:15

Sàlà yamùk ke kappon yamùk yenupakà, molopai tamù'nawàlà emeluntàlù, ayapàikketù yapulàkà tok meluntàpai'ma molopai eyetannan yàulàma auya yau. Màlàpàk ànù'là tùma'le eyentak.

Titus 2:6

Màlà kasa làma umoine ton yekamappokà tùttuik tùwemassan pe tok wettoppe.

Titus 2:9

Tepulu kenan kon, tepulu kon maimu yawàlà nechii, molopai tok yauchinpa iche tok nechii tamù'nawolon yau. Tok maimu yeippàttak tok,

Hebrews 10:25

Wepili'nàtok tamùkke nonka'nokon kùsettak, tùulon kon nùkussai'nùk kasa. Tùse làkku, we'meluntàpanpai'nokon man eke peiwa, masapùla yene'nokon man Itepulu Weyu uyàpù mei pùla.

Hebrews 13:22

Utonpa yamùk sàlà tokwennan kaleta menukasak uya man apyakù'nokon emeluntàpanài'nokon pe, màlàpàk tùusetakkaik pùla kulu metatàik.

Hebrews 3:13

Tùse làkku echimeluntàlù yak ettàk kon wei kaichalà, ikuttok yattai wechi molo ‘Sàlà pe’ lùppù kùlottau. Àkklottau'nokon ànù'là yennaka ailon tetok ya pùla àli kuttok winà tukaik.

1 Peter 5:12

Sàlà tokwenan kaleta menuka uya sàlà Silas uya upùikattà winà, ailon kulu utonpa pe unkupù. Emeluntàpapai'nokon wessaik molopai uselupatok tùlù uya sàlà ailon wakù pe we'nàtok Katù winàpaino pàk. Yau ettàk kon.

Jude 1:20

Tùse amyamlo, utonpa yamùk kulu, esemokkatàk kon wakù ailon tetok auya'nokon ipàk yau. Àpùlematàk kon Wakù Akkwalù meluntàlù yau,