1 Corinthians 14:1 - Patamuna New Testament Revised

¹ Uchi'nùnmantok yeselu eyeselu kon pe nechii molopai Wakù Akkwalù winàpaino lepantok iche kulu ettàk kon, Katù Maimu yenpoikatok ike ke lepantok kulu làkku.

1 Corinthians 14:1 ပူးပေါင်းရင်းမြစ်များ

Romans 12:6

Katù uya lepansakù'nokon màlà tùpatalo'nan tapulàsan lepantok ke wakù pe tùwettok yawàlà. Kùlepatok kon wechi Katù Maimu yekamatok pe yau, ikuppai'nokon uchi màlà ailon tetok itesappe we'nà nai'nùk yawàlà.

Romans 14:19

Màlàpàk uchi màlà yamùk echitonpa pe we'nàtok ne'nài iwapai'nokon man tàwàlà, molopai tonpa tùmeluntàpaik we'nàpai.

Romans 9:30

Yà'là te'nokon ken uchi? Jew yamùk pen ikasa tùwettùlùiche tùwessan Katù pokonpe pen, yanùmùppù màlà ikasa Katù pokonpe. Sàlà wekkussak wechippù màlà ailon tesak tok uya pàk.

1 Corinthians 12:1

Màlà yamùk Akkwalù winàpaino kon pàk, ittunnan pen kasa ewechi kon iche pùla wessaik utonpa yamùk.

1 Corinthians 12:31

Tùse Katù uya lepantok kon kùlottapai wakù ton lùiwa iche ettàk ton. Wakù kulu tamù'nawolon yepoino yekama uya sàlà.

1 Corinthians 13:13

Molopai sàlà pe sàlà yamùk àsolùwawon molo man, ailon tetok, enpen we'nàtok, molopai uchi'nùnmantok. Tùse sàlà yamùk yentaino kulu màlà uchi'nùnmantok.

1 Corinthians 13:2

Lepantok, Katù Maimu yenpoikanài yesappe wechi yau, tamù'nawolon pukkeppe we'nàtok yesappe molopai tùttusan pen yamùk là ittu uya, tamù'nawolon ailon tetok yesappe wechi, wùk yamùk yamatoppe uya, tùse uchi'nùnmantok pùla wechi yau, yà'làlà pùla wechi màlà.

1 Corinthians 14:22

Màlàpàk uchi, uselupantok tùulon mayin yau wechi màlà ailon tawonnan ponaloppe pùla tùse ailon tawonnan pen uya yentok ipàkàlà pe, tùse Katù Maimu yenpoikatok wechi màlà ailon tawonnan ponaloppe, ailon tawonnan pen ponaloppe pùla.

1 Corinthians 14:37

Ànù'là Katù winàpaino itekale yenpoikanài pe tùwechi wapùla Wakù Akkwalù yesappe tùuchittusen wechi yau, tàwà nùttui sàlà tùmenukayai'nùk apyakù'nokon wechi Itepulu winàpaino imaimu yawàlà we'nàtok pe.

1 Corinthians 14:39

Màlàpàk uchi, utonpa yamùk, eyewan kon itùtàk kon Katù Maimu yenpoikatok pàk, tùse tùulon mayin yau uselupantok kùseleutanùttàu.

1 Corinthians 16:14

Tamù'nawolon ikuttàk kon uchi'nùnmantok yau.

Ephesians 1:3

Tenki te pai'nokon man Katù pàk, Kùyepulu Jesus Christ Kàipùnù pàk! Wakù pe kulu iwessak man kùpàkù'nokon, tamù'nawolon wakù lepantok epùn pon ke kùlepa kon tùuya yawàlà, masapùla Christ ponaloppe we'nà'nokon pàk.

1 Thessalonians 5:20

Katù nenpoikappù yekamatoppe pùla kù'nulunpatàu.

1 Timothy 4:14

Wakù Akkwalù uya lepantok ayau nai'nùk tapulàse pùla kùkkupùi, elepappù lùppù ike Katù Maimu yenpoikannan uselupappù ipàk lùppù molopai sochi yennàinan temyatù tùtai àpona.

1 Timothy 5:10

molopai nàlà wakù ku'nài pe itekale nechiik: tùmunkà yamùk yemokkanài wakù pe pe, kaklan yamùk yanùnnài tùwùk tak pe, Katù ponalok kon pùta kolùkanài pe, tùwettalumattàsan pùikattànài pe, molopai tamù'nawolon yà'là yekkwa là wakù ku'nài pe.

1 Timothy 6:11

Tùse àmàlà mùkkàlà, Katù ponalok kàyik, sàlà yekkwa ton winàpai ekkà. E'wotokomakà sàlà yamùk yepolo pa molopai ikasa, wakù pe, Katù yauchinpanài pe ewechi pa, ailon te toppe, àtonpa tù'nùnmaik, yà'làlà pàlika pa, molopai ten pe alomùla ewechi pa.

2 Timothy 2:22

Àli ànkuppai umoine wettok winàpai elattàkà molopai wakù pe we'nàtok pàk e'wotokomakà màlà yamùk yepolo pa, ailon tetok, uchi'nùnmantok, molopai echitonpa pe we'nàtok, mùkyamlo esuken itewan Itepulu kà'mayai'nùk tùpùikattà tok kon pe ya pokonpe.

Hebrews 12:14

Ànùttu kon ikuttàk echitonpa pe ewemapùkonpa tamù'nawolon kon kappon yamùk pokonpe, molopai wakù pe esuken wema'nàtok iche ettàk kon, masapùla ànù'là wakù pe esuken wema'nàtok yawolonnà pen uya Itepulu yene pen màlà.

2 Peter 1:7

wakù pe esuken Katù kasa ewettok kon pona tonpa pàk usentupantok molopai tonpa pàk usentupan pona pùnùnmantok.

3 John 1:11

Uwechi yakon kulu, àli pe nai'nùk kasa kechii, tùse wakù pe nai'nùk kasa ekkà. Ànù'là wakù ku'nài wechi màlà Katù ponaloppe; molopai ànù'là àli ku'nài uya Katù yensak pùla man.