1 Corinthians 13:6 - Patamuna New Testament Revised

⁶ Uchi'nùnmantok màlà àli pàk tùutauchinpasen pen, tùse ailon pàk tùutauchinpasen.

1 Corinthians 13:6 ပူးပေါင်းရင်းမြစ်များ

Matthew 18:13

Ailon kulu sàlà, yeposak tùuya yau, tùutauchinpasen eke peiwa pùsàlà pàk, 99 pan kon iitassak kon pen pàk tùutauchinpa yentai.

Luke 22:5

Tok utauchinpappù kulu màlà, màlàyau ye'ma pàk tok wekkupùppù pùlayatta ke.

Romans 1:32

Àliton eselu yamùk wenai Katù uya weli'nàtok ke talumattàntok yekale ittui'ma, tok wechi lùppù sàlà yamùk kupù pàk, molopai tùulon kon meluntàpannan mùkyamlo tok uya nàlà ikuttoppe.

Romans 12:9

Tàwà ailon pe kulu euchi'nùnmatok kon nechii, àli pe nai'nùk eyewanma kon pe, wakù pe nai'nùk kupù pàk ettàk kon.

Philippians 1:18

Yà'là pe pùla iwechi màlà! Màlà kasa iwechipàk utauchinpayaik walàtùse Christ yekale usekamatoppe i'nai kasa là, iwalai pen wapùla iwalai là iteselu pe. Ewaik, utauchinpa pàk lùppù wechi màlà.

Philippians 1:4

Molopai tamù'nawàlà àpona'nokon wàpùlema yau tùwàpùlemasen Iulà tùutauchinpaik tàwàlàlà.

Philippians 3:18

Wapiya sàlà yekamapàtùppù uya àpàkù'nokon echipalà, molopai sàlà pe tekamatu'mayaik uyenu palu kùlottawàlà. Tukkan kon nemassan Christ welikùppù pulusuk po yeyaton pe.

2 Thessalonians 2:12

Tamù'nawolon kon ailon tawonnan pen, ailon pàk tùse àli kupù pàk yauchin ton yepeppù pe màlà tok talumattà.

2 John 1:4

Utauchinpatai kulu àmunkà tonpa yamùk wemapù ailon yau yeposak uya pàk, Kùkàipùnù kon maimu yawàlà.