1 Corinthians 13:5 - Patamuna New Testament Revised

⁵ Àli pe tùuselupasen pen màlà, wapùla tùpàk neken tùusenumenkasen pen, wapùla asse'ne tùwessakolopasen pen, iwalai pen kussak tùwinàkàik lùppù pàk tùusenumenkasen pen.

1 Corinthians 13:5 ပူးပေါင်းရင်းမြစ်များ

Matthew 5:22

“Tùse sàlà pe tekamayaik àpàkù'nokon, ànù'là iwe'naikasak tùtonpa pàk nepù màlà talumattànài yemloto pona. Ànù'là tùtonpa yesa'nài ‘wakù pen àmàlà!’ tukaik nepù màlà Jew yamùk yepulu ton yemloto pona. Molopai ànù'là tùtonpa yesa'nài pakko tukaik wechi màlà tùutàsen yeppe apok patassek yak.

Matthew 9:4

Jesus uya tok usenumenkatok ittuppù màlà molopai, “Yà'là peichi iwechi pàk àli pe eusenumenka kon màlà?” tukaik tok yekamappoppù ya.

Mark 3:5

Jesus we'naikasak wechippù màlà tok yenei'ma, tùse ichentupappù masapùla sa'man pe tok yewan wechi pàk molopai tok wechi ikasa pùla pàk. Màlàyau nen uchi kàyik pàk, “Eyemyatù yenkakà,” teppù ya. Temyatù yenkappù ya màlàyau itemyatù umeluntàtappù.

Luke 7:39

Yensak tùuya yau Pharisee, Jesus kà'manàippù uya tùyiwalà, “Pùsàlà wechi Katù Maimu yenpoikanài pe yau, ànùk pe pùsàlà tappàppà'nài nossan wechi ittuppù ya sàlà eppaino, yà'là yekkwa là iwemattok pe iwechi!” teppù.

1 Corinthians 10:24

Tùulon kon tenumenkaik, tok tùttuse we'nà'nokon nechiik wakù pe, pàk wannà neken nà tùusenumenkaik pùla.

1 Corinthians 10:33

Ukasa. Tamù'nawolon yau tamù'nawolon kon pàk wakù pe welaikaiche tùwessen Iulà unkupù yau. Masapùla wakù pe neken nà uwinàkàik we'nà iche wechi pen, tùse tamù'nawolon kon pàkànsau, tok wepùikattà toppe.

1 Corinthians 11:18

Wapiya, ewepilichak kon sochi tak yau iwepantapàssappe àkklottau'nokon ewechi kon yekale tetayaik, molopai itonpa pe tùulon kon nà wechi ailonpe pe tùttuyaik.

1 Corinthians 12:25

Iwepantapàssappe pùla esak wettoppe, tùse tùwemainanpaik tùwessan pe màlà yamùk wettoppe echipùkkù pe.

1 Corinthians 7:36

Ànù'là, mùkkàlà tùnoppù pe iwechi teppù tùuya lùppù ema'non winàkàik wakù pe pùla tùwelaikatok ittunài wechi yau molopai emali'mapai tùwechi yau, tàwà ànkuppai tùwettok kupùi. Iwemakuima pen màlà. Tok wemali'ma màlà.

2 Corinthians 5:19

Màlàichi Katù uya tamù'nawolon kon kappon yamùk ma tùwechiyakonnon pe Christ yai, tok makuyi pàk tùusenumenkasen pen tok winàkàik. Molopai ina lepasak ya tok ma tùuya tùwechiyakonnon pe yekale ke.

Galatians 5:13

Amyamlo utonpa yamùk kà'mappù màlà apyoto pe pùla we'nàtok yak. Tùse sàlà apyoto pe pùla ewettok kon kùsapulàtàu àli ànkuppai ewettok yak ayanài'nokon pe. Tùse làkku tùwepùikattàse ettàk kon uchi'nùnmantok yau.

Philippians 2:21

Tamù'nawolon kon nen tà tùnkupù kon pàk neken tùusenumenkasan, Jesus Christ pàkànsau pùla.

Philippians 4:8

Wenukapù pe, utonpa yamùk, eusenumenkatok kon pe màlà yamùk: ailon pe nai'nannùk nechii molopai tapulàsen pe nai'nùk, ikasa nai'nùk, esuken nai'nùk, molùnpak nai'nùk, wakù pe kulu nai'nùk, molopai tapulàsan yeppe nai'nùk molopai tùnamasen pe nai'nùk.

2 Thessalonians 3:7

Amyamlo pe eyiwalà'nokon ànkupù kon mùttuyatàik, màlà yamùk ina nùkupùssan. Emya'neppe ina wechi pùn ku apyau'nokon ina wechi yau.

2 Timothy 2:10

sàlà wenai tamù'nawolon pàlika uya sàlà, Katù nanùmùssan kappon yamùk pàkànsau, tok uya nàlà wepùikattàntok Christ Jesus yau yepo toppe, tamùkke apulàntok tàwàlàlà pokonpe.

2 Timothy 4:16

Ànù'là uya upùikattà pùn wapiyalok pe uselupa uponalok pe yau; tùse tamù'nawolon kon unonkatai. Tok winàkàik làkken ittu kùsettak te uya.

James 1:19

Sàlà ittutàk kon, utonpa yamùk kulu! Tàwà tamù'nawolon kon asse'ne yetanài nan pe nechii, tùse tànànpàk tùuselupasan pe, molopai asse'ne tùwe'naikasen pe pùla.