1 Corinthians 13:3 - Patamuna New Testament Revised

³ Tamù'nawàlà lànen itesappe wettok tùlù uya entuppa'no kon yemyak. Molopai wettùlù upottàtoppe. Tùse uchi'nùnmantok pùla wechi yau, yà'làlà yepolo uya pen màlà.

1 Corinthians 13:3 ပူးပေါင်းရင်းမြစ်များ

Matthew 23:5

Tamù'nawolon ku'nàinan mùkyamlo kappon yamùk uya neken yentoppe. Eke pe Katù Maimu yen konekannan mùkyamlo tepiyeppà kon pàk molopai temekun kon pàk, molopai kusan pe tùpon kon yeppi yùpùlù ku'nàinan!” teppù Jesus uya.

Luke 18:22

Sàlà yetasak tùuya yau, Jesus uya ipàk wateppù, “Tewinan nùppù là ànkupù molo man. Tamù'nawàlà itesak pe ewettok ichilanmakà molopai pùlayatta itùkà entuppa'nokon yemyak, molopai mamin yesappe ewechi màlà Epùn po. Molopai àikkà uya'là,” teppù ya.

Luke 18:28

Màlàyau Peter uya, “Masa yenkà! Ina uya tùpata kon nànsa'man, aya'là tùwettok kon pe,” teppù.

Luke 19:8

Zacchaeus wà'mùssakkappù molopai Itepulu pàk, “Yetakà, Itepulu! Itesak pe wettok pantaka uya màlà upyau iwechi kaichalà entuppa'nokon yemyak, molopai ànù'là yama'masak uya yau, ye'ma uya màlà asakùlà'ne itekkwa,” teppù ya.

John 12:43

Masapùla Katù uya apulàntok yentai kappon yamùk uya tapulàtok kon ku'nàinan mùkyamlo tù'nùn kon pe.

John 13:37

Peter uya ipàk, “Uyepulu, yà'là pe iwechi pàk sàlà pe aya'là utà pen? Wemattok tùlù uya màlà àponalok pe!” teppù.

John 15:13

Eke kulu uchi'nùnmantok yenpoikatok kappon uya màlà tùweliche tùtonpa yamùk ponaloppe. Màlà yentaino kulu là uchi'nùnmantok pùn.

John 6:63

Akkwalù mùkkàlà wema'nàtok ke lepanài, esak nen màlà yà'là pen. Uselupayai'nùk màlà Akkwalù molopai wema'nàtok ke lepanài.

Yeunossak kon Wotokoyi 21:13

Tùse yeikuppù ya, “Yà'là pe ewechi kon màlà, akalawù kon sàlà kasa molopai uyewan ikkwàtù auya'nokon,” tukaik. “Wekonekasak man uyaulonpà toppe neken nà Jerusalem po pùla, tùse welittok pe nàlà Itepulu Jesus ponaloppe,” tukaik.

Galatians 5:26

Tùulon kon yentai pe tukaik wekku'nà kùsettak, wapùla tonpa wannà pàk wessakolopan kùsettak, wapùla kùlùmàppe we'nà kùsettak.

Philippians 2:3

Amlek pe kettàu. Tùulon kon yentai wakù peiwa ewekkupùiche'nokon kettàu. Àssà'mùla ettàk kon, tùulon kon yentai tùuchittuik pùla.

1 Timothy 4:8

Ànù'là yenupa aitunpe utàntok pe wapùla wenkalunàtok màlà wakù molopai tepeppù kenan, tùse akkwalù yenupatok Katù wettok iche kasa màlà wakùiwa tamù'nawolon yau, masapùla wema'nàtok sàlà pe molopai ewanawolok yau tàwàlàlà wema'nàtok ke lepan tùuya tesak ya pàk.

Hebrews 13:9

Tùpatalo'nan yà'là yekkwa ton nà enupantok kon ayatakù'nokon iwalai enupantok winàpai. Wakù pe iwechi màlà kùyewan kon wena meluntà pe Katù nùkupùppù wakù winà yau, kùyali tùnassen pe kappon nekama winà pùla. Masapùla mùkyamlo ina'nàinan nùssan pùikattànài pe pùla iwechi màlà.