1 Corinthians 13:13 - Patamuna New Testament Revised

¹³ Molopai sàlà pe sàlà yamùk àsolùwawon molo man, ailon tetok, enpen we'nàtok, molopai uchi'nùnmantok. Tùse sàlà yamùk yentaino kulu màlà uchi'nùnmantok.

1 Corinthians 13:13 ပူးပေါင်းရင်းမြစ်များ

Luke 10:27

Kàyik uya yeikuppù, “ ‘Itepulu Akatùyi i'nùnmakà tamù'nawàlà eyewan ke tamù'nawàlà ayakkwalù ke, tamù'nawàlà emeluntàlù ke, tamù'nawàlà eusenumenkatok ke, {DEU 6.5}’ molopai, ‘Àtonpa i'nùnmakà eyiwalà mechi'nùnma yai'nùk kasa,’ ” tukaik. {LEV 19.18}

Luke 22:32

Tùse wàpùlemasak man àpona Simon, ailon tetok auya wechi attu'mùla tukaik. Ewennapposak upyak yau, àtonpa yamùk mùmeluntàlùnpaik,” teppù Jesus uya.

Romans 15:13

Tàwà uchi Katù enpen we'nàtok uyàttok iwinà ayanùkkai'nokon tamù'nawolon utauchinpantok ke molopai echitonpa pe we'nàtok ke, ailon te auya'nokon ipàk yawàlà, Wakù Akkwalù meluntàlù winà enpen ewettok kon yau meluntà pe kulu ewechi kon pa.

1 Corinthians 14:1

Uchi'nùnmantok yeselu eyeselu kon pe nechii molopai Wakù Akkwalù winàpaino lepantok iche kulu ettàk kon, Katù Maimu yenpoikatok ike ke lepantok kulu làkku.

1 Corinthians 16:14

Tamù'nawolon ikuttàk kon uchi'nùnmantok yau.

1 Corinthians 3:14

Walùppù ànù'là namùppù wechi iyatùppù pùla yau, e'mantok yepolo ya màlà.

1 Corinthians 8:1

Sàlà, ailon pen katù yemyak itùsak lùppù kùyali yekale pàk uselupa. Ittu'nokon man tamù'nawàlà ittutok yesappe we'nà. Ittutok màlà kappon ku'nài eke pe tukaik itapulàtoppe, tùse uchi'nùnmantok màlà pùikattànài pe ku'nài.

1 Corinthians 8:3

Tùse kappon Katù pùnùnmanài mùkkàlà Katù nùttu.

2 Corinthians 5:10

Masapùla tamù'nawolon kon kùmyamlo usenpoika màlà Christ uya ittuntok patassek yemloto pona, tamù'nawolon kon uya tùnepolo kon yepotoppe, wakù wapùla àli, sàlà non po tùwemapù kon yau tok nùkupùppù yawàlà.

2 Corinthians 5:15

Tamù'nawolon kon ponaloppe iwelikùppù màlà mùkyamlo tùwemassan wemapù tùponalà'nokon pe tukaik, tùse mùkkàlà iwelichak lùppù molopai iwuluukasak lùppù tùpàkànsau neken ponaloppe.

Galatians 5:6

Masapùla Christ Jesus ponaloppe we'nà yau, Jew yamùk yattàtok yeselu yawàlà yattàsapspe we'nà wapùla yattàsappe pùla we'nà uya tùpatalà'ne ku'nàsak pen màlà. Tùse ailon tetok màlà tùttusen kulu tùusenpoikasen uchi'nùnmantok yai.

Philippians 1:9

Molopai sàlà màlà wàpùlematok, echi'nùn pe ewettok wenatoppe eke peiwa màlà yentak ittutok ke molopai miya lùiwa i'napailà yentok ke.

Colossians 1:27

Katù uya sàlà kupùppù màlà masapùla Jew yamùk pen uya sàlà wakù kulu molopai tùttusen pen ittu iche tùwechi pàk. Molopai màlà tùttusen pen màlà Christ wemapù ayau'nokon molopai mùkkàlà, mùkkàlà enpen ewettok kon Katù yapulàtok pùkkù pe ewechi kon pàk.

Colossians 1:5

Ailon itekale, Wakù Itekale uyàssak apyakù'nokon wapiya kulu yau, enpen we'nàtok inekama metatantàu. Màlàpàk ailon tetok auya'nokon molopai pùnùnmantok auya'nokon nùsenpoika yai'nùk enpen ewettok kon pokon. Màlà àponalok kon pe ikupù nai'nùk epùn po. Wakù Itekale wakù pùlemantok Katù winàpaino nessan molopai miyaiwa nùtàyan tamù'nawàlà pata yawà àkklotau'nokon pena iwechippù kasa. Katù wettok wakù pe yetappù auya'nokon motapai molopai ituppù auya'nokon iwessek kasa kulu kasa.

Colossians 3:14

Molopai tamù'nawolon sàlà yamùk yentaino ke itonpattàtàk uchi'nùnmantok ke tamù'nawolon ku'nài tamùkke tewin.

1 Thessalonians 1:3

Masapùla ina nùttuyan, Katù Kùkàipùnù kon yemloto po ailon tetok auya'nokon yai ewe'wotokoma kon sa’man pe uchi'nùnmantok ke. Molopai enpen ewettok kon Kùyepulu Jesus Christ pàk wechi melùntà pe ittuyan ina.

1 Thessalonians 5:8

Tùse weinai nokon nen kùmyamlo molopai tùttuik, ikasa usenumenkantok yesappe tùwessan yek kùmyamlo. Ailon tetok molopai uchi'nùnmantok yapulàpai'nokon uchi kùplopo kon wapu pe, molopai kùppai kon wapu pe wepùikattàntok pàk enpen we'nàtok kon itùpai'nokon.

1 Timothy 1:5

Ailon uchi'nùnmantok pàk tok menupaik esukenan ewan yapai tùuyàsen, molopai tùwanmùla we'nàtok ewan yau yapai, molopai ailon tetok i'napailon kulu yapai.

2 Timothy 1:7

Masapùla Wakù Akkwalù Katù uya lepansak kù'nokon ike nai'nùk mùkkàlà tùwettalipasen pe ku'nài pen; tùse kùyanùkkanài mùkkàlà meluntà ke, uchi'nùnmantok ke molopai wakù pe ewemapù pa àku'nài màlà.

Hebrews 10:35

Ailon tetok uchi auya'nokon ittutàk kon tàwàlàlà, masapùla eke kulu epeppù ne'nài màlà.

Hebrews 10:39

Mùkkyamlo iwennapposak kon molopai iimattasak kon walainon pen kùmyamlo. Tùse làkku ailon tawonnan kùmyamlo molopai iwepùikattàsak kon.

Hebrews 6:11

Wakù kupù pàk ewettok kon ewemapù kon kaichalà iche kulu ina man iwenukappù ponalà, màlà enpen ewettok kon wechi ailon pe yenpoikanài pe.

Hebrews 6:19

Sàlà enpen we'nàtok yesappe we'nà'nokon man kùyakkwalù kon yesseppe, wakù molopai meluntà kulu, kanau yessek walai. Iwewomù màlà wakù kulu patassek, kuyalikku solinkasak yentawinon yak.

1 Peter 1:21

Mùkkàlà yai ailon tawonnan amyamlo Katù pàk, iwuluukanàippù weli'nàtok yapai, molopai ilepanàippù apulàntok ke; màlàpàk ailon tetok auya'nokon molopai enpen ewettok kon wettoppe Katù pàk.

1 John 2:10

Mùkkàlà tùtonpa ku'nài tù'nùn pe wemapù màlà Akkwa yau tàwàlà, molopai yà'làlà pùla iwechi màlà yau ànù'là uya àli kuttoppe iku'nài.

1 John 2:14

Emenuka kon uya sàlà, umunkà yamùk lùkkwà, masapùla Kùkàipùnù kon ittusak auya'nokon pàk. Emenuka kon uya sàlà, papai yamùk, masapùla Mùkkàlà iwepyattà motapai iwessak lùppù ittusak auya'nokon pàk. Emenuka kon uya sàlà, umoine ton, masapùlà meluntà pe ewechi kon pàk; Katù Maimu wechi ayau'nokon pàk molopai Ene Makui yentaikasak auya'nokon man.

1 John 2:24

Itekale enetappù kon iweppyattà motapai mùkuttàik eyewan kon yau. Molo eyewan kon yau iwechi yau, ewemapù kon màlà tàwàlà Kùkàipùnù molopai Imu pokonpe.

1 John 3:3

Tamù'nawolon kon sàlà màmu'nàinan Christ yau tùwekkussan esuken, Christ wechi esuken kasa.

1 John 3:9

Katù munkà yamùk pe nai'nannùk mùkyamlo tùwemakuima pàk lùppù tùwessan pen, masapùla, Katù yeselu wechi tok yau pàk, molopai Katù wechi tok kàipùnù pe pàk, tok wemakuima yentai màlà iwechi.