1 Corinthians 12:9 - Patamuna New Testament Revised

⁹ tùulon piyak ailon tetok mùkkàlà lùppù Akkwalù winà, tùulon yemyak ipittàntok yamùk meluntàlù mùkkàlà tewinan Àkkwalù winà,

1 Corinthians 12:9 ပူးပေါင်းရင်းမြစ်များ

Matthew 10:8

“E'netton mipittàtàik, iwelichak kon mùwuluukatàik, welei pokon kon mipittàtàik, molopai àli ton akkwalù yamùk menpakkatàik. Te'mase pùla yeposak auya'nokon man, màlàpàk me'lepatàik te'maik pùla.

Matthew 21:21

Jesus uya tok yeikuppù “Ailon kulu sàlà, ailon te auya'nokon, kasei tukaik pùla yau, tùkuppàssai'nùk sàlà fig yek pàk kupù auya'nokon màlà, sàlà neken pen. Sàlà wùk pàk nàlà lànen, ‘E'wuluukakà molopai epukakà palau kak,’ te auya'nokon, molopai iwekkupù màlà.

Mark 16:18

Àkài là yanùnsak tok uya yau, molopai yà'làlà paichinù'manài inchichak tok uya yau, e'neppe tok wena pen. Molopai tok uya e'netton pona temyatù kon tùlù molopai e'netton wenna màlà,” teppù Jesus uya tok pàk.

Mark 6:13

Tukkan kon làichi yapai àli akkwalù yamùk yenpakkapàtùppù tok uya màlà. Molopai e'nek ton kalapaimapàtùppù tok uya, molopai tok ipittàpàtùppù tok uya.

Luke 10:9

E'nek ton mipittàtàik màlà pata yau. Molopai kappon yamùk pàk, ‘Itepulu pe Katù wettok uyàssak man mei pùla kulu apyakù'nokon,’ mùkatàik.

Luke 9:2

Màlàyau tok yeunokoppù ya Itepulu pe Katù wettok yekamase molopai e'nek ton ipittàse.

Yeunossak kon Wotokoyi 10:38

Mùttuyatàik Katù uya Wakù Akkwalù molopai meluntà tùlùppù Jesus, Nazareth pon pona. Iitàppù mailàlà wakù kupù pe, Makui meluntàlù yo'non kon ipittà pe, masapùla Katù wechippù ya'là.

Yeunossak kon Wotokoyi 5:15

Wa iwechi pàk, kappon yamùk uya e'nek ton nepùppù asantak molopai tok nonkappù tok uya tok yapon yamùk po, Peter yakkwalùppù uya neken nà tok yappàttoppe iità yattai.

1 Corinthians 12:28

Molopai sochi tau màlà, Katù uya tamù'nawolon kon wotokoyittàsak, wapiya kulu, yeunossak kon, yakon pe, Katù Maimu yenpoikannan, icholùwano pe, enupannan, molopai nen uchi mùkyamlo tensan pen ku'nài nan. Ite'mappù pàk, ipittàntok yamùk meluntàlù ke, tùulon kon pùikattànnan pe, tùulon kon ennàinan pe we'nàtok ke molopai tùulon mayin yau uselupantok ke.

1 Corinthians 12:30

Tamù'nawolon kon wechi na' e'nek ipittàtok yamùk meluntàlù yesappe? Tamù'nawolon kon uselupa na' tùpatalo'nan mayin yau? Tamù'nawolon kon uya na' yà'là te là mayin yamùk uya yekama? Kane!

1 Corinthians 13:2

Lepantok, Katù Maimu yenpoikanài yesappe wechi yau, tamù'nawolon pukkeppe we'nàtok yesappe molopai tùttusan pen yamùk là ittu uya, tamù'nawolon ailon tetok yesappe wechi, wùk yamùk yamatoppe uya, tùse uchi'nùnmantok pùla wechi yau, yà'làlà pùla wechi màlà.

2 Corinthians 4:13

Iwe'menukasak màlà, “Ailon teppù uya màlà, màlàpàk uselupappù màlà,” tawon. {Psa116.10} Màlà yekkwa làma akkwalù ailon tetok ike ke nàlà ina tùuselupasan, masapùla ailon te tùuya'nokon pàk.

Ephesians 2:8

Masapùla Katù wettok wakù pe winà ewepùikattàsak kon màlà ailon tetok auya'nokon yai. Eyiwalà'nokon ànkupùppù kon pen màlà tùse Katù uya lepantok.

Hebrews 11:33

Ailon tetok yai tok uya eke ton pata yamùk panta'mappù molopai yentaikappù tok uya. Ikasa nai'nùk kupùppù tok uya molopai ikupù tùuya teppù Katù uya yepoloppù tok uya. Palauya yamùk mùta yamùk yakkoloppù tok uya.