1 Corinthians 12:6 - Patamuna New Testament Revised

⁶ Tùpatalo'nan tùkussan wechi màlà molo, tùse mùkkàlà lùppù Katù uya tamù'nawolon wotokoma tamù'nawàlà kappon yamùk yau.

1 Corinthians 12:6 ပူးပေါင်းရင်းမြစ်များ

John 5:17

Tùse Jesus uya tok pàk, “Ukàipùnù mùkkàlà tùwe'wotokomasen tàwàlàlà, màlàpàk Iulà nàlà we'wotokoma màlà,” tukaik.

1 Corinthians 12:11

Tamù'nawàlà sàlà yamùk màlà tewinan molopai mùkkàlà lùppù Akkwalù wotokoyi, molopai tewinpàk tok lepanài mùkkàlà iche tùwettok yawàlà.

1 Corinthians 12:5

Tùpatalo'nan we'wotokomantok yawà wechi màlà molo, tùse mùkkàlà lùppù Itepulu.

1 Corinthians 15:28

Màlàpàk uchi tamù'nawolon yepoi tùwettoppe tamù'nawolon yau, Katù uya tamù'nawolon nonkappù màlà to'nokoik, Imu, tamù'nawolon yepoi innonkappù wechi nàlà yo'no.

1 Corinthians 3:7

Ipànnài molopai iki'nài tawonnan mùkyamlo yà'là ton kulu pen. Tùse Katù neken, mùkkàlà yà'làlà yek wattatoppe iku'nài.

Ephesians 4:6

Tewinan Katù molo man molopai tamù'nawolon kon kappon yamùk Kàipùnù mùkkàlà. Tamù'nawolon kon Yepulu mùkkàlà, tamù'nawolon kon yai tùwe'wotokomasen molopai tamù'nawolon kon yawon.

Philippians 2:13

Masapùla Katù mùkkàlà tùwe'wotokomasen ayau'nokon tàwàlà, alikyeppe molopai meluntà pe amatok kon pe tùuya, teselu yawàlà ewechi kon pa.

Colossians 1:29

Sàlà wekkuttoppe tùwe'wotokomasen Iulà sa'man pe, eke meluntà Christ nùtùlù yapulà pe, ne'wotokomayai'nùk uyau.

Colossians 3:11

Màlàpàk, tùpatalà'ne we'nàtok Jew yamùk pen molopai Jew yamùk kùlottau pùla iwechi màlà, mùkyamlo Jew yattàtok yesak molopai ipùnon kùlottau, kaklan yamùk molopai àsà ton kappon yamùk kùlottau, apyoto ton molopai apyoto ton pen kùlottau. Tùse Christ mùkkàlà tamù'nawolon. Molopai Christ mùkkàlà tamù'nawolon yawon.

Hebrews 13:21

Tàwàichi Katù elepai'nokon tamù'nawolon wakù iche ewettok kon ke teselu kupù kon pa. Tàwà tauchinpanài kupùi kùyau'nokon Jesus Christ yai. Christ yapulàpai'nokon tàwàlàlà molopai tàwàlàlà. Emen.