1 Corinthians 12:12 - Patamuna New Testament Revised

¹² Kappon yesak màlà tewinan, tukke ipùkkù yamùk wechi tùse. Molopai tukke lànen ipùkkù yamùk wechi tùse tewinan esak winàpaino pe iwechi màlà. Màlà kasa làma Christ wechi màlà.

1 Corinthians 12:12 ပူးပေါင်းရင်းမြစ်များ

1 Corinthians 10:17

Masapùla tewin pùlomù pusak wechi pàk, kùmyamlo tukkan kon wechi màlà tewin. Masapùla tewinan pùlomù pusak napù'nokon nai'nùk tamùkke.

1 Corinthians 12:20

Nai'nùk kasa, pùkkù yamùk wechi màlà molo tukke tùse tewin itesak.

1 Corinthians 12:27

Christ yesak pùkkù ton uchi amyamlo, molopai tewinpàk ewechi kon yawàlà ipùkkù ton amyamlo.

1 Corinthians 12:7

Iponalà'ne lepansak màlà Wakù Akkwalù wechi molo yekamanài ke, tùulon kon pùikattàtok iwinà pe.

Galatians 3:16

Katù uya, ‘Ikupù uya,’ tetok tùuya kupùppù màlà Abraham pàk molopai ipa pàk. “Molopai ipayan yamùk pàk” te ya pùn, tùse “Molopai apa pàk” tesak ya, {Gen 12.7; Gen 13.15; Gen 24.7} tewinan neken kappon Christ pàk.

Ephesians 1:23

Sàlà Sochi wechi màlà Christ pun pùkkù pe, tamù'nawàlà iku'nài pe tamù'nawolon yanùkkanài pe i'nai yekkwa yawàlà là.

Ephesians 4:12

Sàlà kupùppù Christ uya màlà tamù'nawolon kon Katù ponalok kon kappon yamùk koneka toppe tùuya, tùwotokoyi kuttoppe tok uya. Molopai ailon tawonnan tùpàk yamùtoppe tùuya.

Ephesians 4:4

Tewinan màlà esak molopai tewinan Akkwalù, tewinan enpen we'nàtok Katù uya àkà'mappù kon yak walai.

Ephesians 5:23

Masapùla tùnoppù kenan mùkkàlà tapàikketù kenan tùnoppù yepoi Christ wechi tapàikketù ke sochi tawon kon yepoi kasa. Molopai tok pùikattànài mùkkàlà, itesak mùkyamlo.

Ephesians 5:30

Masapùla kùmyamlo wechi màlà itesak pùkkù pe.

Colossians 1:18

Ailon tawonnan sochi tukaik tesassan ippai mùkkàlà, mùkyamlo wechi màlà ipùkkù pe. Tamù'nawolon màlà iwinàpaino. Wapiya kulu iwe'wuluukasak lùppù mùkkàlà weli'nàtok yapai. Màlàpàk Jesus wechi màlà tamù'nawolon yentai.

Colossians 1:24

Molopai sàlà pe utauchinpayaik wettalumattàsak àpàkànsau'nokon pàk. Sàlà yamùk wettalumattàtok yanùmù uya nai'nùk uyesak yau, Christ wettalumattà yenuka'nùpù pe sochi ponaloppe. Sochi mùkyamlo Christ pùkkù.

Colossians 2:19

Christ pùkkù pe tok wechi pen nen uchi màlà. Christ mùkkàlà esak ippai molopai esak meluntàlùttànài màlàpàk usese'muttàpà'nàtok, kala yamùk yapulànài tamùkke iku'nài pe Katù yapàikketù yau ichemokka tùse.

Colossians 3:15

Tàwà echitonpa pe we'nàtok Christ nùtùlù eyewan kon yesappe nechii. Masapùla sàlà echitonpa pe we'nàtok yak Katù uya àkà'masak kon màlà tamùkke tewin itesak. Molopai tenki tawon pe ettàk kon.