1 Corinthians 11:34 - Patamuna New Testament Revised

³⁴ Molopai ànù'là wapàkkassak yau, tàwà nùta'lettài tùpata po, Katù uya atalumattà kon tukaik ewepilipù kon tamùkke pàk. Tùulon kon upàk enekamappoppù kon yeleutanùpù uya màlà uyàssak yau suwa mettàik tetoppe uya.

1 Corinthians 11:34 ပူးပေါင်းရင်းမြစ်များ

1 Corinthians 11:33

Màlàpàk uchi, utonpa yamùk, ewepilichak kon tamùkke Itepulu Jesus ittu pe tùnassen nasse yau, àtonpa kon mùmàmuttàik.

1 Corinthians 16:1

Masa uchi pùlayatta Katù ponalok kon kappon yamùk pùikattàtoppe tanùnsen pàk uselupai'che. Unekamappù Galatia pon sochi yamùk pàk ikuttàk kon.

1 Corinthians 16:2

Wapiyalok wei Suntayaka yau, tamù'nawolon kon amyamlo uya màlà àpùlayatayi kon tonpa nonka enepoloppù kon yapai. Molopai mùmainanpatàik, pùlayatta pilipù tukaik uyàssak yau.

1 Corinthians 16:5

Uyàpù màlà apyakù'nokon Macedonia yawà utà tùpo, masapùla utà sàlà Macedonia yawà.

1 Corinthians 4:17

Sàlà kasa iwechi pàk Timothy teunossaik apyakù'nokon, umu u'nùn pe unkupù, ailon pe tùwessen mùkkàlà Itepulu yau. Christ Jesus yau wemattok yekama tukka ya màlà àpàkù'nokon, enupantok uya tamù'nawàlà i'nailàlà sochi yamùk tau kasa iwechi ittu kon pa.

1 Corinthians 4:19

Itepulu Jesus yeselu pe iwechi yau, uyàpù màlà apyakù'nokon tachin pe kulu tùpo pùla, molopai nen uchi yà'là kupù pùsamlo tùutapulàsan kappon yamùk uya yene uya màlà uyiwalà, molopai yà'là yekkwa meluntà wechi tok piyau tok uselupatok yau neken pùla!

1 Corinthians 7:17

Tàwà tamù'nawolon kon nemapùi Itepulu uya tùlepatok kon lepantok yawàlà, Katù uya tùkà'mappù kon kasa. Sàlàichi màlà unekama tamù'nawàlà sochi yamùk tau.

Titus 1:5

Ànàmàppù uya Crete po yà'làlà kupù pa ikasa màlà yamùk tùkussen pe lùppù nai'nùk, molopai sochi yennài nan woton kon yanùmù pa tamù'nawolon patassek yamùk yau. Enupantok uya lùppù kan mùttuik tà: