1 Corinthians 11:30 - Patamuna New Testament Revised

³⁰ Màlà kasaichi iwechipàk tukke e'neppe ewechi kon nai'nùk molopai attu'mùla molopai nàlà tùulon kon u'matùppù man.

1 Corinthians 11:30 ပူးပေါင်းရင်းမြစ်များ

Yeunossak kon Wotokoyi 13:36

Masapùla David uya Katù wotokoyi kupùppù màlà tùwemattok yau, molopai nen uchi iwelikùppù, molopai iwu'nattàppù màlà itamo yamùk piyau, itesak ukkàtappù màlà.

Yeunossak kon Wotokoyi 7:60

Tese'muyok iwenappù molopai iwentaimeppù eke pe, “Itepulu! Sàlà àli kuttok tok uya kùchittui molopai kù'nepùi tok winàkàik!” tukaik. Wa te tùpo iwelikùppù.

1 Corinthians 11:29

Masapùla ànù'là tùuta'lettàsen molopai sàlà kok yawon inchinài Itepulu yesak ittui'ma pùla uya, talumattàntok nepù màlà tùpona.

1 Corinthians 11:31

Wapiya usennà molopai kùyewan kon iwa kùuya'nokon yau, talumattàntok yo'no we'nà'nokon pen màlà.

1 Corinthians 11:32

Tùse Itepulu uya ekamappon molopai talumattàn ya yau, ikupù ya màlà wolù yawon kon pokonpe kùtalumattà tukaik.

1 Corinthians 15:51

Sàlà ittusak pen yetatàk kon. Tamù'nawàlà weli'nà'nokon pen màlà, tùse tamù'nawàlà wemyakanman nokon màlà.

1 Thessalonians 4:14

Ailon tawonnan ku kùmyamlo tà Jesus welikùppù pàk molopai iwe'wuluuka tu'mappù pàk. Màlàpàk nàlà nen uchi mùkyamlo iwelikchak kon ailon tei'ma Jesus pàk nepù Katù uya Jesus ya'là pàk ailon tawonnan kùmyamlo.

Revelation 3:19

Tamù'nawolon kon u'nùn pe unkupù yekamapponài Iulà molopai tok talumattànài nàlà. Amayintakà molopai amakuyi winàpai elattàkà.