1 Corinthians 11:23 - Patamuna New Testament Revised

²³ Masapùla àpàkù'nokon tekamatainùk màlà Itepulu winàpai unepoloppù. Itepulu Jesus uya teimippo yewalupàyi tau, pùlomù pusak yanùmùppù màlà.

1 Corinthians 11:23 ပူးပေါင်းရင်းမြစ်များ

Matthew 26:17

Wapiyalok wei iwapuluwetasak pen pùlomù pusak pàk Uta'lettàntok yattai, Jesus ya'lon kon uyàpùppù màlà ipyak molopai tok uya yekamappoppù, “I'nai motak ken Usentaka'nàppà yattai Uta'lettàntok konekase ina utà àponaloppe iche messan?” tukaik.

Matthew 26:2

“Mùttuyatàik, asa'là wei tùpo Usentaka'nàppà Yattai Uta'lettàntok wechi, molopai Kàyik Mumu tùlù màlà ipukapàttoppe pulusuk pona.”

Matthew 26:34

Jesus uya,“Ailon kulu sàlà, sàlà yewalupàyi tau Kalicho tàwù wapiya, ‘Ittunài pen Iulà,’ te auya màlà àsolùwau itekkwa,” teppù Peter pàk.

Matthew 28:20

Molopai tok menupatàik tamù'nawolon “Mùkuttàik” teppù uya lùppù àpàkù'nokon maimu yawàlà tok wettoppe. Apyau'nokon wechi màlà tàwàlà pata weyu wenukattok ponalà,” teppù ya.

Luke 22:17

Màlàyau Jesus uya pùsau yanùmùppù, tenki teppù ya Katù pàk molopai tok pàk, “Sàlà yanùntàk kon molopai yekantàk kon àkklottau'nokon.

Yeunossak kon Wotokoyi 20:7

Suntayakka yattai, ina wepilipùppù tamùkke pùlomù pusak pilipàsak pàk ata'lettàsse. Paul uya kappon yamùk yelupappù molopai tùuselupa pàk iwechippù anomlak ponalà, masapùla iwemassak yau tùutà pàk.

1 Corinthians 10:16

Tenki tawonnan kùmyamlo ipùlemasak kon pàk. Màlà wechi màlà Christ welikù mùnù pùkkù pe we'nà yekamanài pe. Molopai pùlomù pusak ipilika'nokon nai'nùk wechi Christ pun pùkkù pe we'nà yekamanài pe.

1 Corinthians 15:3

Unanùmùppù tùlùppù uya apyakù'nokon, sàlà eke pe kulu nai'nùk. Christ welikùppù màlà àli pe we'nàtok yepeppe, Katù Maimu yau iwe'menukasak kasa.

Galatians 1:1

Sàlà màlà Paul molopai tamù'nawolon kon kùtonpa kon yamùk ailon tawonnan winàpaino. Paul teunossen, yeunottok uyàpùppù màlà kappon winàpai wapùla kappon winà pùla. Tùse Jesus Christ molopai Katù kùkàipùnù kon winàpai, mùkkàlà iwelichak yau iwuluukanàippù.

Colossians 3:24

“Itepulu uya ken uye'ma ko wakù ke lù,” mùkatàik; tùponalok kon ponaloppe inkupù yepolo auya'nokon màlà. Masapùla Christ kulu mùkkàla eyepulu kon iponaloppe me'wotokomayatài'nùk.

1 Thessalonians 4:2

Masapùla eyenupappù kon ina uya mùttuyatàik Itepulu Jesus yapàikketù yai.