1 Corinthians 10:32 - Patamuna New Testament Revised

³² Ànù'là wettatai'matok ipona woton kùkkonekatàu, Jew yamùk pe là iwechi wapùla Jew yamùk pen nà wapùla Katù sochiyi tawon kon nà.

1 Corinthians 10:32 ပူးပေါင်းရင်းမြစ်များ

Yeunossak kon Wotokoyi 20:28

Amyamlo pe esentàk kon molopai tamù'nawàlà kalinilu yamùk anmainanpa kon pe Wakù Akkwalù nùtùlùssan yentàk kon. Kalinilu yesan kasa, Katù sochiyi tawon kon yewettàk kon, tùponaloppe ine'massan tùmu mùnù yai.

Yeunossak kon Wotokoyi 24:16

Màlàpàk wakù pe esuken usenumenkatok kupùiche tùwessen Iulà tàwàlàlà, Katù molopai kappon yamùk yemloto po.

Romans 14:13

Màlàyau uchi, suwa man molopai suwa pùla man tetok tonpa wannà yamùk pàk yeleutanùppai'nokon man. Tùse, eusenumenkatok kon ikonekatàk kon. Yà'làlà kùkkuttàu ewettatai'matok kon ipona pe wapùla ewekkawai'matok kon yak pe.

1 Corinthians 1:2

Katù sochiyi Corinth pon piyak, mùkyamlo iwekonekasak kon wakù pe Christ Jesus yau molopai ikà'masak kon esuken tok wettoppe piyak, tamùkke tamù'nawolon kon kappon yamùk pokonpe mailàlà Kùyepulu kon Jesus Christ yesek yesa'nàinan, tok yepulu molopai kùyepulu kon.

1 Corinthians 10:33

Ukasa. Tamù'nawolon yau tamù'nawolon kon pàk wakù pe welaikaiche tùwessen Iulà unkupù yau. Masapùla wakù pe neken nà uwinàkàik we'nà iche wechi pen, tùse tamù'nawolon kon pàkànsau, tok wepùikattà toppe.

1 Corinthians 11:22

Pata poichi auta'lettà kon patassek pùnon amyamlo? Molopai àwuku kon inchitok auya'nokon yau pùnon? Wapùla Katù sochiyi ku'nàinan ka' amyamlo atalumayi kon pe lù molopai kappon yamùk yà'là pùla nai'nannùk ànkuli'mapaino kon? Yà'là te uya ken sàlà àpàkù'nokon? Sàlà pàkànsau na' ayapulà kon uya màlà? Kane, ayapulà kon uya pen sàlà.

1 Corinthians 12:28

Molopai sochi tau màlà, Katù uya tamù'nawolon kon wotokoyittàsak, wapiya kulu, yeunossak kon, yakon pe, Katù Maimu yenpoikannan, icholùwano pe, enupannan, molopai nen uchi mùkyamlo tensan pen ku'nài nan. Ite'mappù pàk, ipittàntok yamùk meluntàlù ke, tùulon kon pùikattànnan pe, tùulon kon ennàinan pe we'nàtok ke molopai tùulon mayin yau uselupantok ke.

1 Corinthians 15:9

Masapùla yeunossak kon ma'lan kulu Iulà, molopai yeunossappe yesatù yeselùkek pùla wechi sàlà, masapùla Katù sochiyi talumattàppù uya màlà.

1 Corinthians 7:17

Tàwà tamù'nawolon kon nemapùi Itepulu uya tùlepatok kon lepantok yawàlà, Katù uya tùkà'mappù kon kasa. Sàlàichi màlà unekama tamù'nawàlà sochi yamùk tau.

1 Corinthians 8:13

Màlàpàk, unanù uya utonpa wemakuimatoppe ikussak yau, kamo pun yantukka uya pen màlà iwemakuima tukaik.

2 Corinthians 1:1

Sàlà màlà kaleta Paul winàpaino, Christ Jesus neunokoppù Katù yeselu yawà nùmenukappù, molopai kùtonpa kon Timothy winàpaino. Katù sochiyi Corinth pon piyak, molopai tamù'nawolon kon Katù ponalok kon kappon yamùk Achaia yawolon kon piyak inmenukappù.

2 Corinthians 6:3

Ànù'là uya iwalai pen yepolo ina wotokoyi yau iche pùla ina man, màlàpàk ànù'là wakàtùiche ina wechi pen sàlà.

Galatians 1:13

Wapiya yà'là kasa là wemapùppù yetappù auya'nokon man Jew yamùk uya enupantok yawàlà wechi yau, tùusentuppaik pùla Katù sochiyi talumattàppù uya molopai imattanùpùiche wechippù.

Philippians 1:10

Wakù pe kulu neken nai'nùk yanùmù kon pa. Molopai nen uchi esuken ewemattok kon wettoppe, wakù pe eyekale kon wettoppe Christ wennappo sàlà motak ponalà.

Philippians 3:6

Law yawàlà kulu eppai wechippù màlà. Màlàyau ailon tawonnan Christ pàk talumattàppù uya màlà eke pe kulu. Tamù'nawolon Law kupùppù uya, màlàpàk iwalai pen pùla wechippù.

1 Thessalonians 2:14

Utonpa yamùk, amyamlo winàkàik màlà lùppù nekuttai, Katù ponalok kon Judea pon kon, Christ Jesus ponalok kon winàkàik iwekkussak lùppù walai. Màlà lùppù talumattàntok Jew yamùk uya ailon tawonnan talumattàppù kasa mettalumattàtantàu apata yawon kon winà là kan.

1 Timothy 3:15

Tùse uko'mamù yau, sàlà kaleta uya atta we'nàtok Katù munkà yamùk pe yekama màlà, màlà nulànan Katù sochiyi tau, ailon wakapuli molopai itessek yekama uya.

1 Timothy 3:5

Masapùla ànù'là kàyik, tùmunkà molopai tùnoppù yesak pen molopai tok mainanpa tùuya ittunài pen wechi yau, yà'là kasa ken Katù sochiyi yesappe iwechi?