1 Corinthians 10:14 - Patamuna New Testament Revised

¹⁴ Màlàpàk utonpa yamùk, ailon pen katù yamùk winàpai ettàk kon.

1 Corinthians 10:14 ပူးပေါင်းရင်းမြစ်များ

Yeunossak kon Wotokoyi 15:20

Tùse, kaleta menukapai'nokon man tok pàk yekamape, Kùyali napù tok uya tukaik tùulon katù yemyak itùsak lùppù. Àli imakuyippù kuttok esak ke winàpai tok wettoppe; kamo i'mùtùntàsak yanù tok uya tukaik wapùla mùn yeme tok uya tukaik.

Romans 12:19

Kese'matàu, utonpa yamùk, tùse làkku tàwà Katù we'naikatok nùkupùi. Masapùla Katù Maimu uya, “Use'ma màlà, molopai e'mantok uya màlà upyawon te Itepulu Katù uya,” te kasa {Deu 32.35.}

1 Corinthians 10:15

Ittunnan kappon yamùk pokonpe uselupa kasa uselupa sàlà, ailon pe wate uya ittutàk kon eyiwalà'nokon.

1 Corinthians 10:19

Ailon pen katù yemyak itùsak lùppù wechi màlà yà'là pe kulu te uya na' nai'nùk wapùla ailon pen katù wechi màlà ànùppe te uya ka'lù?

1 Corinthians 10:7

Ailon pen katù yamùk kùsapulàtàu, tùulon kon tok tonpa yamùk wechippù kasa. Iwe'menukasak uya, “Kappon yamùk weleutappù ata'lettàse molopai tinchisen inchise, molopai tok we'wuluukappù àli pe amanùnse,” te kasa. {Exod 32.6}

1 Corinthians 5:11

Tùse làkku Kappon, àtonpa kon ailon tawon pe tùusesassen echii'ma àli ku'nài tesak ke, wapùla tùuseka'nonkasen, wapùla ailon pen katù yemloto po tùwepeimasen, wapùla àli pe tùulon winàkàik tùuselupasen, wapùla tùwetùnsen, wapùla amappe tùwessen pokonpe kettàu te uya nen màlà. Mùkkàlà yekkwa là pokonpe kata'lettàtàu.

2 Corinthians 11:11

Yà'là pe ken uchi iwechi pàk wa te uya sàlà? À'nùnma kon uya pùla ka' iwechi pàk lù? Katù nùttuyan à'nùnma kon uya.

2 Corinthians 12:15

Utauchinpa kulu nen màlà tamù'nawolon itesak pe wettok yapulà uya àponalok kon pe pak molopai uyapulà uya pàk nàlà àpùikattàtok kon pe uya. Malalà neken ken na' u'nùnma auya'nokon màlà à'nùnma kon uya eke pe pàk?

2 Corinthians 12:19

Tamù'nawolon sàlà te uya ikasa ina wechi yenpoika toppe pe là yekama auya'nokon. Kane, màlà kasa pùla man. Ina tùuselupasan Christ wettok ina uselupa iche kasa, Katù yemloto po. Ina tonpa yamùk, tamù'nawolon ina nùkupù màlà tùwekkussen àpùikatàtok kon pe.

2 Corinthians 6:17

“Màlàpàk tok winàpai àitàk kon, molopai epantakatàk kon tok winàpai. Molopai àli pe nai'nùk kùsappàttàu, molopai ayanùmù kon uya màlà” nùkayan Itepulu. {Isa 52.11; Ezk 20.34,41}

2 Corinthians 7:1

Sàlà yamùk Katù uya ikupù tùuya tetok wechi màlà kùponalok kon pe, utonpa yamùk! Màlàpàk uchi esuken wenanpai'nokon makui pùla, tamù'nawolon yà'làlà àli pe nai'nùk kupù yeleutanùpù winà, molopai yà'làlà kùyesak kon wapùla kùyakkwalù kon ku'nài àli pe nonkapai'nokon. Màlàpàk uchi tamù'nawàlà wettùn nokon sàlà Katù yemyak masapùla inama pàk.

Philippians 4:1

Màlàpàk nen uchi utonpa yamùk, u'nùn pe kulu messatàik. Molopai eyenpai'nokon wessaik, masapùla utauchinpatok pe ewechi kon màlà, utapulàtok iwinà pe. Uwechi yakon non, ailon pe ettàk kon Itepulu pàk.

Philemon 1:1

Sàlà màlà Paul nùmenukappù Philemon yemyak. Paul, yachisak pe nai'nùk Jesus pàkànsau, Timothy winàpaino nàlà sàlà. Kaleta menukasak ina uya sàlà ina wechi yakon molopai ina we'wotokoma tonpa kulu Philemon yemyak.

Hebrews 6:9

Utonpa yamùk, sàlà kasa ina nùselupayan, wakù pe nai'nùk ken kuppù tok uya ko, màlà yamùk Katù nùpùikattàssan nùkupù te tùuya'nokon pàk.

1 Peter 2:11

Apawanattàyatàu Iulà, utonpa yamùk, kakklan yamùk echii'ma sàlà non po, àli ànkuppai we'nàtok yemyak kettùtàu, màlà tùwepanta'ma pàk nai'nùk tàwàlà ayakkwalù kon winàkàik.

1 John 5:21

Umunkà yamùk, mùkyamlo ailon pen, katù tukaik tesassan tùse Katù pen winàpai ettàk kon!

Revelation 13:8

Tamù'nawolon kon non po tùwemassan uya màlà yapulà, mùkyamlo kappon yamùk itesek imenukasak kon wema'nà kaletayi yau pen. Màlà kaleta màlà Kalinilu Mule iwàsak lùppù non koneka wapiya ponalok.

Revelation 2:14

Tùse molo man tukkan pen nà ikasa pùla ewechi pàk ewinàkàik usenumenkatok. Tùulon kon àkklottau'nokon man Balaam uya enupantok ku'nài nan. Balak yenupappù ya màlà Israel pon kon wemakuima toppe ikuttoppe ya Katù pen yemyak itùsak lùppù kùyali nattoppe tok uya. Molopai tok uya àli imakuyippù kuttoppe tesak kon ke.

Revelation 21:8

Tùse tùusenalippasan molopai ailon tawonnan pen, mùkkyamlo àli pe tùwessan, wànnan, tesak ke àli ku'nàinan, mùkyamlo piyassan yeselu ku'nàinan molopai ikonekasak katù yapulànnan, molopai tamù'nawàlà kasei ton uya tùnepolo kon yepolo màlà eke kulu apok tùuyassen patassek molopai kulupala kasa tùkà'nùnsen yau, màlà yakon itekkwa pe weli'nàtok,” teppù ya nàlà.

Revelation 22:15

Tùse polopo màlà a'a yamùk wechi, mùkyamlo piyassan yeselu ku'nàinan, molopai àli ku'nàinan tesak kon ke, wànnan, Katù pen ikonekasak yemlotopo tùwepeimasan, molopai mùkyamlo tamù'nawàlà kasei ton asakklàma tùuselupatok kon yau molopai tùwelaikatok kon yau.