1 Corinthians 10:1 - Patamuna New Testament Revised

¹ Ittu auya'nokon iche wessaik utonpa yamùk, kùtamo kon yamùk wechippù màlà tamù'nawàlà katuppluk yo'no molopai tamù'nawàlà tok utàppù palau yawà.

1 Corinthians 10:1 ပူးပေါင်းရင်းမြစ်များ

John 4:20

“Ina Samaria kok tamo yamùk wàpùlemapàtùppù sàlà wùk po, tùse amyamlo Jew yamùk uya màlà Jerusalem nen màlà wàpùleman patassek tesak,” teppù nossan uya.

Romans 1:13

Sàlà mùttutàik utonpa yamùk, tukke itekkwa akakklanpa kon uya tepàssak uya man. Tùse utàtoppe pùla yà'làlà uwakkà'nài. Àkklottau'nokon kappon yamùk ànpùikattàpai wechippù tok uya nàlà ailon tetoppe, tùulon kon Jew yamùk pen kùlottau ikupùppù uya kasa.

Romans 11:21

Masapùla Katù uya Jew yamùk kupùppù molo pùla iwessak yau màlà ipùkkù kulu yei panta walainon, moloichi ewechippù kon eppaino sàlà.

Romans 4:11

Màlà ye'mappùtak yattàppù màlà, molopai sàlà kupùppù màlà yentok ipàkàlà pe. Masapùla ailontetok Abraham uya pàk Katù uya yanùmùppù ikasa tùwessen pe yattà wapiya yekamanài. Màlàpàk Abraham mùkkàlà tamù'nawolon kon ailon tawonnan Katù pàk kàipùnù, tok yattàsak Jew yamùk yeselu yawàlà pùla lànen tùse. Mùkyamlo yanùnsak kon kàipùnù pe.

1 Corinthians 12:1

Màlà yamùk Akkwalù winàpaino kon pàk, ittunnan pen kasa ewechi kon iche pùla wessaik utonpa yamùk.

1 Corinthians 14:38

Tùse ànù'là uya sàlà yeta pùla iwechi yau, imaimu yeta pen nàlà màlà.

Galatians 3:29

Christ ponaloppe ewechi kon yau, Abraham payan pe kulu ewechi kon màlà, molopai Katù uya itùlù tùuya teppù lùppù yanùmù auya'nokon.

Hebrews 11:29

Ailon tetok winà Israel yamùk uya Ichuweyu Palau nukklà'nùpùppù a'mun non polo utàn kasa. Egypt pon kon wechi ikupùiche yau, tuna uya tok yeulankappù.