1 Corinthians 1:9 - Patamuna New Testament Revised

⁹ Katù, àkà'manàippù'nokon echitonpa pe ewechi kon pa tùmu Jesus Christ Kùyepulu kon pokonpe, mùkkàlà wechi màlà ailon pe.

1 Corinthians 1:9 ပူးပေါင်းရင်းမြစ်များ

Matthew 24:35

Epùn molopai non utà màlà, tùse umaimu utà pen màlà.”

John 17:21

Tamù'nawàlà tewin tok wettoppe, Ukàipùnù, uyau messai'nùk molopai ayau wessai'nùk kasa, kùyau nàlà tok nechii, wolù yawon kon uya ailon te toppe uyeunossak auya pàk.

Romans 11:17

Imainanpasak olive panta yamùk tonpa wekkwàtùppù man, molopai imainanpasak pen panta ki'masak man ipatappù yak. Amyamlo Jew yamùk pen wechi màlà imainanpasak pen olive yek kasa. Molopai nen uchi Jew yamùk meluntàlù molopai wakù wema'nàtok pùkkù pe ewechi kon màlà.

Romans 8:28

Masapùla ittu'nokon man tamù'nawàlà yà'làlà yau Katù we'wotokoma, mùkyamlo tù'nùnmannan ponaloppe, wakù wekkuttoppe yai teselu yawàlà, mùkyamlo tùnkà'massan teselu yawàlà ponaloppe.

Romans 8:30

Màlàpàk Katù uya màlà tùnùttussan wapiya kà'mappù. Tok kà'mappù ya neken pen màlà, tuse ikasa nàlà tok yanùmùppù ya tùpokonpe. Ikasa neken tok yanùmùppù ya tùpokonpe pen màlà tùse tùnamatok pùkkù pe nàlà tok kupùppù ya màlà.

Romans 9:24

Masapùla kùmyamlo uchi mùkyamlo inkà'massan, Jew yamùk kùlottapai neken pùla, tùse nàlà Jew yamùk pen kùlottapai.

1 Corinthians 1:30

Tùse Katù uya enessak kon man Christ Jesus ponaloppe we'nàtok yak, molopai Katù uya Christ kussak man ittutok kùuya'nokon pe. Mùkkàlà Christ winà Katù pokonpe ikasa kùtùlù kon màlà, esuken molopai kùpùikattà kon àli kuttok winàpai.

1 Corinthians 10:13

Tamù'nawolon ittuntok ewinàkàik nùyàssai'nùk màlà tuulon kon kappon yamùk winàkàik tùuyàssen yekkwa. Tùse Katù mùkkàlà ikupù tùuya teppù tùuya lùppù ku'nài. Molopai emeluntàlù yentai kulu là eyittutok uyàttoppe àpona ikupù ya pen màlà. Molopai i'nai kasa là eyittutok yamùk winàpai ewepetok yawà woton yekama ya màlà.

1 Corinthians 10:16

Tenki tawonnan kùmyamlo ipùlemasak kon pàk. Màlà wechi màlà Christ welikù mùnù pùkkù pe we'nà yekamanài pe. Molopai pùlomù pusak ipilika'nokon nai'nùk wechi Christ pun pùkkù pe we'nà yekamanài pe.

2 Corinthians 1:18

Katù wechi ailon pe kasa, ikupù uya tetok uya àpàkù'nokon wechippù màlà, “Ewaik” molopai “Kane” tawon pe pùla.

Galatians 1:15

Tùse Katù uya, wakù pe tùwettok yau, uyanùmùppù màlà wentu wapiya, molopai iitauchinpasak wechippù

Galatians 2:20

Upukapàtùppù màlà Christ pokonpe nulà wechi tukaik, tùse Christ nemassan uyau. Sàlà esak yau wema'nàtok yau wemassaik ailon tetok uya Katù Mumu pàk yau, mùkkàlà u'nùnmanàippù molopai iwettùsak lùppù uponaloppe.

Ephesians 3:6

Sàlàichi màlà tùttusen pen: Wakù Itekale winà Jew yamùk pen wechi màlà Jew yamùk pùkkù pe Katù uya pùlemantok yau. Tewin ipun tok wechi màlà molopai Katù uya itùlù tùuya teppù lùppù pùkkù pe tok wettoppe màlà ikussak Christ Jesus yau.

Colossians 1:24

Molopai sàlà pe utauchinpayaik wettalumattàsak àpàkànsau'nokon pàk. Sàlà yamùk wettalumattàtok yanùmù uya nai'nùk uyesak yau, Christ wettalumattà yenuka'nùpù pe sochi ponaloppe. Sochi mùkyamlo Christ pùkkù.

1 Thessalonians 2:12

Eyelupatantàu ina emeluntàpa kon pe, eyewan kon ipik pe ina nettai molopai apawanattàtantàu ina, màlà Katù yauchinpanài pe wema'nàtok kasa ewemapù kon pa, Katù àkà'manàippù'nokon kon itepulu pe tùwettok molopai apulàntok tùuya ponaloppe ewechi kon pa.

2 Thessalonians 2:14

Àkà'mappù kon ya màlà sàlà yak, Wakù Itekale ina nekamappù yai. Àkà'mappù kon ya màlà Kùyepulu Jesus Christ yapulàtok pùkkù wettoppe àponalok kon pe.

2 Thessalonians 3:3

Tùse Itepulu mùkkàlà tàwàlàlà ailon pe tùwessen. Meluntà pe ama kon ya màlà molopai Ene Makui winàpai àkupù kon ya wakù pe.

2 Timothy 1:9

Kùpùikattànsak ya màlà molopai kùkà'masak ya esuken we'nàtoppe, yà'làlà kussak kùuya'nokon pàkànsau pùla, tùse iche tùwettok yawà molopai wakù pe tùwettok pàkànsau. Sàlà wakù pe tùwettok tùlùppù ya màlà kùpya'nokon Christ Jesus yau, sàlà pata weyu wepyatàtok wapiya.

2 Timothy 2:13

Ailon pe pùla lànen we'nà'nokon ipàk tùse, ailon pe lùppù tùwessen mùkkàlà. Masapùla ailon pe pùla iwechi tùpàk pùla iwechi màlà,” tukaik.

Titus 1:2

màlà enpen we'nàtok, tàwàlàlà wema'nàtok po iwekkusak. Katù, kasei pe tùwessen pen uya, kùlepa kon tùuya teppù lùppù sàlà wema'nàtok, sàlà non molopai yawon kon wepyatà wapiya,

Hebrews 10:23

Enpen we'nàtok kùnekama kon pàk sa'man pe tùutachiik we'nàpai'nokon, masapùla ailon mùkkàlà Katù ikupù tùuya teppù tùuya lùppù kupù pàk.

Hebrews 11:11

Ailon tetok Sarah uya yai, tùmeluntàlù yepoloppù ya tùumonotta toppe kokko pe lànen echii'ma. Katù pàk ailon teppù ya, ikupù tùuya teppù ya lùppù pàk.

Hebrews 2:17

Màlà kasa iwechi pàk màlà Jesus kupùppù tamù'nawolon yau itonpa yamùk ikàipùnù munkà yamùk kasa, tùusentuppasen pe molopai ailon kulu eke paatele pe iwettoppe Katù wotokoyi yau molopai tok makuyi pàk Katù usentuppatoppe.

Hebrews 3:1

Màlàpàk utonpa yamùk, amyamlo esuken ikonekasak kon molopai ikà'masak kon Katù winà. Jesus yentàk kon, mùkkàlà yeunossak lùppù molopai eke kulu paatele, mùkkàlà ina nekamayai'nùk.

Hebrews 3:14

Masapùla uyà'nàsakù'nokon nai'nùk Christ pùkkù pe, utachinpai'nokon uchi meluntà pe wapiya ailon teppù kùuya'nokon nùppù pàk, iwenukapù tepose.

Hebrews 6:18

Màlàpàk sàlà yamùk asa'lon molo man, tùwemyakanmasan pen, Katù ukaseitatok ipàk pen. Wapiyalok ikupù tùuya tetok ya Abraham pàk molopai yakon pe meluntà pe wa teppù ya. Màlàpàk uchi kùmyamlo iwepesak kon pe nai'nannùk Katù piyak, epùikattàse umeluntàtasak man, utachinsak nokon enpen we'nàtok kùyemloto kon pona itùsak nai'nùk pàk.

1 Peter 5:10

Katù tamù'nawolon wakù pe we'nàtok yesak, mùkkàlà uya àkà'masak kon màlà tàwàlàlà takkwayi pùkkù pe ewechi kon pa Jesus Christ yau. Ewettalumattàsak kon malalà tùpo, mùkkàlà uya àkoneka kon màlà ikasa, meluntà pe kulu, molopai àtùlù kon màlà wakù pata tùutamasen pen pona.

1 John 1:3

Màlà ina neneppù lùppù molopai ina netappù yekama nàlà ina uya àpàkù'nokon, ina kùlottau echitonpa pe we'nàtok yau ewechi kon pa Kùkàipùnù molopai Imu Jesus Christ pokonpe.

1 John 1:7

Tùse wema'nà akkwa yau, akkwa yau iwechi nai'nùk kasa yau, echitonpa pe we'nà màlà kùtonpa pokonpe, molopai Jesus Christ, Imu, mùnù uya kùkuka kon màlà tamù'nawàlà kùmakuyi kon winàpai.

1 John 4:13

Sàlà kasaichi màlà Katù yau wema'nà'nokon ittu molopai iwemapù kùyau'nokon: lepansak ya Takkwalù ke.

Revelation 19:11

Màlàyau epùn utakkokasak yeneppù uya, molopai molo iwechippù aimu'nan kawale. Ipo tùwessen yesattok wechippù Tùusetakkasen pen molopai Ailon, ikasa we'nàtok ke kappon yamùk ittunài mùkkàlà molopai ikasa tùwepanta'masen.