1 Corinthians 1:6 - Patamuna New Testament Revised

⁶ Masapùla Christ yekale wechi ailon pe kulu yenpoikappù màlà ayau'nokon.

1 Corinthians 1:6 ပူးပေါင်းရင်းမြစ်များ

Mark 16:20

Màlàyau inenupa ton nùssan utàppù Itekale yekamaik mailàlà. Molopai Itepulu Katù we'wotokomappù tok pokonpe. Molopai tok nekamappù lùppù yenpoikappù ya ailon pe iwechi yentok ipàkàlà pe tok yapàikketù yau. [

Yeunossak kon Wotokoyi 11:17

Katù uya mùkyamlo Jew yamùk pen lepasak man, ailon te kùuya'nokon Jesus Christ pàk yau kùlepappù tùuya lùppù ke; ànùk ken uchi Iulà Katù yeleutanùttoppe uya?” tukaik.

Yeunossak kon Wotokoyi 11:21

Itepulu yapàikketù wechippù tok ya'là, molopai tukke kappon yamùk uya ailon teppù molopai tok welattàppù Itepulu Jesus winàkàik.

Yeunossak kon Wotokoyi 18:5

Silas molopai Timothy tawonnan welepansak Macedonia poi yau, Paul weppàtùppù Wakù Itekale yekama pàk Jew yamùk pàk Jesus wechi Christ pe pàk.

Yeunossak kon Wotokoyi 20:21

Asakklàma Jew yamùk molopai Jew yamùk pen panama pe kulu tok yelupappù uya, tok welattà toppe tùmakuyi kon winàpai Katù winàkàik, molopai ailon te toppe tok uya Kùyepulu kon Jesus pàk.

Yeunossak kon Wotokoyi 20:24

Tùse wemattok tùkussaik yà'là pe pùla là, uwotokoyi yenuka'nùttoppe uya, molopai wotoko Itepulu Jesus uya ulepatok unkupùpe kutoppe uya, màlà Wakù Itekale tekamasen wakù pe Katù wettok yekama toppe uya.

Yeunossak kon Wotokoyi 22:18

màlà yau Itepulu yeneppù uya màlà, ‘Esemittàpakà, molopai Jerusalem inànkà asse'ne masapùla kappon yamùk talon kon nà uya uyekamatok auya yanùmù pen màlà,’ teppù ya upàk.

Yeunossak kon Wotokoyi 23:11

Màlà yewalupàyi tau Itepulu Jesus wechippù màlà Paul piyau, molopai, “Kesenalipai, uyekamasak auya man talà Jerusalem po, molopai màlà kasa làma ikupù auya màlà Rome po,” teppù ya Paul pàk.

Yeunossak kon Wotokoyi 28:23

Màlàpàk tok uya wei konekappù Paul pokonpe tùwessepotok kon pe, molopai tukke tok uyàpùppù màlà yattai Paul patassek yak. Ko'làma motapai ewalupà tepose Katù wettok itepulu pe yekale yekamappù ya. Jesus pàk ailon tetoppe tok uya ikupù iche iwechippù, Law Moses winàpaino molopai Katù Maimu yenpoikannan nùmenukappù yapai.

Romans 15:19

Sàlà kupùppù uya yensappe pùla nai'nùk wapiya, enumenkanài molopai usenalippantoppe ku'nài meluntàlù winà, molopai Wakù Akkwalù meluntàlù winà. Màlàpàk mei pai Jerusalem poi Illyricum pùkkù yak, Wakù Itekale yekamasak uya man tamù'nawàlà, Christ yekale.

2 Corinthians 12:12

Ailon pe yeunossak pe wechi yekamanài kupùppù uya màlà àkklotau'nokon tamù'nawàlà pàlikantok ke. Tensen yekkwa ton pen yamùk, enumenkannan molopai enalippannan yamùk, molopai eke ton Katù yapàikketù yekamannan yamùk.

Galatians 3:5

Katù na' mùkkàlà elepanài'nokon Takkwalù ke molopai eke ton tensan yekkwa pen ku'nài àkklottau'nokon. Masapùla law yawàlà ewechi kon pàk, wa pùla ka' Itekale yetasak auya'nokon pàk ailon tesak auya'nolon pàk lù?

2 Thessalonians 1:10

Iyàpùichi màlà, màlà Wei yattai apulàntok yanùnse tamù'nawàlà esukenan kon winàpai. Tamù'nawolon kon ailon tawonnan nùssan tùpàk winàpai tapulàtok molopai tùnamatok yanùnse. Amyamlo nàlà wechi màlà tok kùlottau, masapùla ailon tesak auya'nokon pàk, Wakù Itekale ina nekamappù pàk.

1 Timothy 2:6

Iwettùsak lùppù tamù'nawolon kon kappon yamùk pùikattàtoppe tùuya. Sàlà ichi màlà Katù nenpoikappù wolù yawon kon nùttu pe iwekkuttok yattai tok wepùikattàtoppe.

2 Timothy 1:8

Kekkuli'mai uchi, yekama pàk Kùyepulu Jesus ponaloppe; wapùla upàk kekkuli'mai yachisappe wechi iponaloppe wenai. Tùse làkku, ewettalumattàtok yanùnkà Wakù Itekale ponaloppe, Katù uya elepa meluntà ke kaichalà.

Revelation 1:2

John uya tamù'nawolon tùneneppù yekamasak man. Sàlàichi màlà inekamappù itekale Katù winàpaino, yenpoikasak Jesus Christ winà.

Revelation 1:9

Iulà mùkkàlà John, àtonpa kon, molopai Jesus ponalok Iulà àpokon pan kon, wettalumattàntok yau molopai pàlikantok yau itepulu pe iwettok yau. Pata lùkkwà tuna iwoino Patmos po wechippù màlà masapùla Katù Maimu molopai ailon Jesus nenpoikappù yekamasak uya pàk.

Revelation 12:11

“Tok uya yentaikasak man Kalinilu Mule mùnù winà, molopai ailon tùnekamappù kon Katù yekale winà, tok uya tùwemattok kon pùnùmappù pen màlàpàk tùwelikù kon pàk tok usenalippa pùla iwechippù.

Revelation 12:17

Màlàyau ulupelu we'naikasak kulu wechippù màlà nossan pàk. Molopai iitàppù imle tonpassan panta'mase, tamù'nawolon kon Katù uya enupantok maimu yawolon kon, molopai ailon Jesus winà yenpoikasak lùppù pàk ailon pe tùwessan panta'mase.

Revelation 19:10

Wekkawai'mappù itta piyau yapulàtoppe uya, tùse upàk, “Kùkkupùi! Apyoto Iulà àtonpa, molopai àtonpa yamùk tonpa tamù'nawàlà mùkyamlo ailon Jesus nenpoikappù yawàlà tùwemassan tonpa. Katù yapulàkà!” teppù ya. Masapùla màlà ailon, Jesus nenpoikappù uya màlà Katù Maimu yenpoikannan kupùppù tok uselupa toppe.

Revelation 6:9

Màlàyau Kalinilu Mule uya 5 pe iku'nài yachittok ikkwàtùppù takkokase. Altar yo'no mùkyamlo iwàsak kon nùssan yakkwalù yeneppù uya, masapùla Katù Maimu yekamasak tok uya pàk, molopai ailon pe tok wessak yekamatok tùuya'nokon yau pàk.