1 Corinthians 1:23 - Patamuna New Testament Revised

²³ Tùse ina mùkyamlo Christ welikùppù pulusuk po yekale yekamannan, Jew yamùk wettatai'matok ipona, molopai wo'mattantok Jew yamùk pen pona;

1 Corinthians 1:23 ပူးပေါင်းရင်းမြစ်များ

Matthew 11:6

Tùutauchinpasen mùkkàlà kappon kasei tetok ya upàk pùn,” teppù Jesus uya.

Matthew 13:57

Màlàpàk tok uya inulunpappù. Jesus uya tok pàk, “Katù Maimu yenpoikanài mùkkàlà tùnamasen i'nailàlà tùse ipata po molopai itonpa yamùk kùlottau pùla,” teppù.

Luke 2:34

Simeon uya tok pùlemappù, molopai ichan, Mary pàk. “Pùsàlà mule yanùnsak Katù uya màlà, tukkan kon Israel pon kon wettalumattà toppe, tùulon kon wepùikattà toppe, molopai yentok ipàkàlà pe iwinàkàik usàulàman toppe.

1 Corinthians 1:18

Masapùla Christ welittok pulusuk po yekale màlà wo'mattantok mùkyamlo tùumattasan pona, tùse kùmyamlo iwepùikattàsak kon pona Katù yapàikketù pe iwechi màlà.

1 Corinthians 1:21

Masapùla Katù uya tùpukketù yai kappon yamùk kupùppù wolù pukketù yau tùttutok tok uya pùla. Tùse làkku Katù wekkupùppù “Mùkyamlo ailon tawonnan ‘wo'mattantok’ itekale pàk pùikattà uya màlà,” tukaik.

1 Corinthians 1:28

Wolù yau tenpàssan eke ton kappon yamùk munkà pe pùla yanùmùppù ya màlà molopai tenpàssan, molopai yà'là pe pùla wolù yawon kon nekama molo tùwessen mattanùttoppe tùuya.

1 Corinthians 2:14

Akkwalù pùn kappon mùkkàlà lepantok kon yamùk Katù Yakkwalù winàpaino yanùnnài pen, masapùla yà'là pe pùla màlà yamùk wechi tùpona pàk. Molopai màlà yamùk ittu ya pùla iwechi màlà masapùla Akkwalù winà neken tùttusan pe iwechi pàk.

1 Corinthians 2:2

Masapùla wekkussak wechippù màlà yà'làlà ittutok uya pùla apyau'nokon wechi yau, tùse Jesus Christ molopai ipukapàttok pulusuk po neken kulu.

1 Corinthians 4:10

Christ pàkànsau pakko ton pe ina kupù nai'nùk, tùse pukkek ton pe ewechi kon màlà Christ yau. Attu'mùnon ina molopai teya'nomasan tùse meluntà ton amyamlo. Tùnamasan amyamlo, molopai ina tùnamasan pen.

2 Corinthians 4:5

Masapùla tekale kon yekamannan pen ina, tùse Jesus Christ yekamannan ina Itepulu pe, molopai ina nen uchi ayapyoto kon pe Jesus pàkànsau.

Galatians 3:1

Pakko ton Galatia pon kon! Ànùk uya ken epe pùla ewelaika kon pa àkupùppù kon? Eyemloto kon po ku yene kon pa Jesus Christ pukapàtùppù pulusuk pona yekamappù uya àpàkù'nokon?

Galatians 5:11

Utonpa yamùk, yà'là pe ken iwechi pàk utalumattà sàlà Jew yamùk yattàtok wechi iche kulu we'nàtok pe yekama pàk lùppù wechi yau? Màlà wechi ailon pe yau, Christ wettalumattàtok pulusuk po yekama pàk wettok Usya tùulon kon utaimelunpatok kupù pen màlà.

Galatians 6:14

Tùse Iulà, utauchinpa nen màlà Kùyepulu kon Jesus Christ welichak pulusuk pona pàk neken, màlà winà wolù iwelichak kasa man upona molopai Iulà iwelichak kasa man wolù pona.

Ephesians 3:8

Iulà mùkkàlà tamù'nawolon kon Katù ponalok kon kappon yamùk ma'lan kulu. Tùse Katù uya ulepappù sàlà wakù wotoko ke Wakù Itekale yatoppe uya Jew yamùk pen piyak tùwenukapù woton pen wakù ton Christ piyawon kon mamin yekamase.

Hebrews 12:2

Jesus yenpai'nokon man. Mùkkàlà ailon tetok kùuya'nokon piyattànàippù molopai ikasa kulu iku'nài mùkkàlà. Masapùla mùkkàlà uya tùutauchinpatok yepolo tùuya ite'mappùtak ittu tùuya pàk, tùwelittok pàlikappù pulusuk pàk, wekuli'mantok pàk iichenumenka pùla. Molopai sàlà pe nen uchi chichiupe man Katù laitanù winà yapon piyau.

1 Peter 2:8

Molopai, “Sàlà màlà tàk kappon yamùk wettatai'matok iwinà woton, tàk tok kawai'ma woton,” teppù. {Isa 8. 14} Tok wettatai'ma màlà masapùla ailon tesak tok uya Katù Maimu pàk pùla iwechi pàk, màlàichi Katù yeselu tok ponalok.