1 Corinthians 1:21 - Patamuna New Testament Revised

²¹ Masapùla Katù uya tùpukketù yai kappon yamùk kupùppù wolù pukketù yau tùttutok tok uya pùla. Tùse làkku Katù wekkupùppù “Mùkyamlo ailon tawonnan ‘wo'mattantok’ itekale pàk pùikattà uya màlà,” tukaik.

1 Corinthians 1:21 ပူးပေါင်းရင်းမြစ်များ

Matthew 11:25

Màlà yattai Jesus uya wateppù, “Ukàipùnù, epùn molopai non yepulu! Tenki ukayaik àpàk. Masapùla pukkek ton molopai ichenupasak kon winàpai ànonamùppù yenpoikasak auya, mule yamùk yemyak pàk.

Luke 10:21

Màlà yattai Jesus wanùssak utauchinpatok ke Wakù Akkwalù winà uya, “Ayapulàyan Iulà Ukàipùnù, epùn molopai non Yepulu. Masapùla pukkek ton molopai ichenupasak kon winàpai ànonamùppù yenpoikasak auya ichenupasak kon pen yemyak pàk. Ewaik, Ukàipùnù, sàlà wekkussak màlà iche ewettok kasa molopai ayauchinpanài pe,” teppù ya.

Luke 12:32

“Kesenalippatàu uchi umunkà yamùk lùkkwà! Masapùla Katù Akàipùnù kon utauchinpasak man elepa kon pàk itepulu pe tùwettok ke.

John 12:31

Sàlàichi màlà sàlà wolù yawon kon kappon yamùk ittutok weyu. Molopai sàlà peichi sàlà wolù yepulu yenpakka màlà,” teppù.

Romans 1:28

Màlà pe neken pùla kappon yamùk uya Katù tùttuik we'nàtok yekale nulunpasak tanùnse pùla pàk, tok tùsak ya màlà àli pe tok usenumenkantok yemyak, àli ton tùnkupù kon pen kuttoppe tok uya.

Romans 11:33

Tukkan kulu màlà Katù yemamin! Apàikeppe iwettok molopai pukeppe iwettok màlà eke kulu! Ànùk wechi ken ichenumenkatok ittuiche? Ànùk uya ken ite'mappù ye'mappùkapàtù?

1 Corinthians 1:18

Masapùla Christ welittok pulusuk po yekale màlà wo'mattantok mùkyamlo tùumattasan pona, tùse kùmyamlo iwepùikattàsak kon pona Katù yapàikketù pe iwechi màlà.

1 Corinthians 1:23

Tùse ina mùkyamlo Christ welikùppù pulusuk po yekale yekamannan, Jew yamùk wettatai'matok ipona, molopai wo'mattantok Jew yamùk pen pona;

1 Corinthians 1:24

tùse mùkyamlo Katù nùkà'massan pona, asakklàma Ichu yamùk molopai Greek yamùk pona, Christ wechi Katù meluntàlù pe molopai ipukketù pe.

1 Corinthians 1:25

Masapùla Katù wo'mattatok wechi màlà pukkeppeiwa kappon pukketù yentai, molopai Katù wettok attu'mùla wechi màlà meluntà peiwa kappon yamùk meluntàlù yentaino.

1 Corinthians 1:27

Tùse Katù uya yà'là pe pùla tùttusen wolù yau yanùmùppù màlà pukkeppe tùwessan wekuli'matoppe, molopai attu'mùla tùttusen wolù yau yanùmùppù màlà meluntà ton wekuli'matoppe.

1 Corinthians 11:32

Tùse Itepulu uya ekamappon molopai talumattàn ya yau, ikupù ya màlà wolù yawon kon pokonpe kùtalumattà tukaik.

1 Corinthians 2:14

Akkwalù pùn kappon mùkkàlà lepantok kon yamùk Katù Yakkwalù winàpaino yanùnnài pen, masapùla yà'là pe pùla màlà yamùk wechi tùpona pàk. Molopai màlà yamùk ittu ya pùla iwechi màlà masapùla Akkwalù winà neken tùttusan pe iwechi pàk.

1 Corinthians 4:10

Christ pàkànsau pakko ton pe ina kupù nai'nùk, tùse pukkek ton pe ewechi kon màlà Christ yau. Attu'mùnon ina molopai teya'nomasan tùse meluntà ton amyamlo. Tùnamasan amyamlo, molopai ina tùnamasan pen.

1 Corinthians 6:2

Katù ponalok kon uya ken na' sàlà wolù kottùmatok woton ittu auya'nokon pùla nai? Màlà kasaichi iwechi pàk, sàlà wolù yawon kon kottùma auya'nokon pe iwechi pàk, malalon yà'làlà kottùmanài yeppe pùla ken na' ewechi kon màlà?

Galatians 1:15

Tùse Katù uya, wakù pe tùwettok yau, uyanùmùppù màlà wentu wapiya, molopai iitauchinpasak wechippù

Galatians 4:8

Pena Katù ittu auya'nokon pùla ewechi kon yau, katù yamùk iwalai non pen yappyoto pe ewechippù kon màlà.

Ephesians 3:10

sàlà pe, sochi tawon kon yai, Katù pukketù tùpatalo'nan yekamattoppe inchelù yamùk pàk itepulu ton molopai apàikketton epùn yawolon kon pàk.

Colossians 1:19

Masapùla tamù'nawàlà tùmàlà pe Tùmu yau eppai Katù wechippù màlà.

Hebrews 1:14

Tamù'nawàlà ken na' inchelù yamùk mùkyamlo Akkwalù yamùk tùwe'wotokomasan pe yeunossak kon pen, mùkyamlo Katù ponalok kon epùikattàpaino kon pùikattànan pe?

Hebrews 2:3

Yà'là kasa ken uchi wepen eke kulu wepùikattàntok yetapàtù kùuya'nokon yau? Sàlà wepùikattàntok yekamappù màlà Itepulu Jesus uya wapiya, molopai màlà yetannannùssan uya yekamasak màlà kùpàkù'nokon.

Hebrews 7:25

Màlàpàk mùkyamlo Katù piyak tùuyàssan tùwinà pùikattànài kulu mùkkàlà tamù'nawàlà. Masapùla tàwàlàlà tùwemassen mùkkàlà Katù pawanattàtoppe tùuya tok pàkànsau.

James 4:4

Ailon ton pen kappon yamùk! Ittuichi auya'nokon pùla nai wolù yawon kon àli ku'nài nan wechiyakon pe we'nà wechi Katù yeyaton pe? Ànù'là wolù yeselu ku'nàinan kappon yamùk wechiyakon pe eppaino wekkupù màlà Katù yeyaton pe.

James 5:15

Sàlà wàpùlemantok ailon tetok yau ikussak uya, e'nek kappon pùikattà màlà: Itepulu uya iwuluuka màlà molopai e'neppe pùla iwechi, molopai iwemakuimasak yau, usentupantok yepolo ya màlà.

James 5:20

sàlà mùttutàik: Ànù'là tùmakuyi yawon lattànài ikasa pùla iwettok winàpai uya mùkkàlà àli makui ku'nài yakkwalù pùikattà màlà weli'nàtok winàpai, molopai tukkan tok makuyi pàk usentupan màlà.