1 Corinthians 1:20 - Patamuna New Testament Revised

²⁰ Màlàpàk uchi, i'nailà mùkkàlà pukkek kappon? Wapùla tùusenuppasen? Wapùla pukkeppe tùuselupasen sàlà yattai? Katù uya sàlà wolù pukketù wechi wo'mattantok pe yenpoikasak màlà!

1 Corinthians 1:20 ပူးပေါင်းရင်းမြစ်များ

Matthew 13:22

Tùpànsen iwepukasak lùppù àlittak màlà mùkyamlo Katù Maimu yetannan. Tùse utaimelupantok sàlà motau wema'nàtok pàk molopai mamin kuttok wakùli wannà pe màlà Katù Maimu yeulankanài. Molopai tok wepeta pen.

John 12:31

Sàlàichi màlà sàlà wolù yawon kon kappon yamùk ittutok weyu. Molopai sàlà peichi sàlà wolù yepulu yenpakka màlà,” teppù.

Yeunossak kon Wotokoyi 17:18

Mùkyamlo Epicurean yamùk molopai Stoic yamùk enupan nan yeippàtùppù ya nàlà màlà. Tùulon kon uya, “Yà'là teiche ken uchi pùsàlà ittunài pen wechi màlà?” teppù. Tùulon kon uya tu'ma, “Katù yamùk tùulon pata yawon kon pàk ichelupa kasa man,” teppù. Tok uya wa teppù màlà masapùla Paul uselupa Jesus pàk molopai iwe'wuluukappù weli'nàtok yapai pàk, pàk.

Romans 1:20

Tùwenukassen pen màlà Katù yapàikketù molopai iteselu tùusensen pen. Tùse wolù konekappù motapai, Katù uya yà'là kasa là sàlà yamùk wechi yenpoikasak màlà tamù'nawolon tùnkonekappù winà. Màlàpàk mùkyamlo kappon yamùk we'waputàtok pùla iwechi màlà.

Romans 1:22

Pukkek pe tiuchittusan tùse pakko ton.

1 Corinthians 1:19

Masapùla Katù Maimu uya, “Pukkek ton pukketù mattanùpù uya màlà, tenupasan uya ittutok yenu'ma uya màlà,” tesak màlà. {Isa 29.14}

1 Corinthians 1:26

Utonpa yamùk, yà'là kasa là ewechippù kon ittutàk kon àkà'ma kon yau. Tukke pùla ewechippù kon pukkeppe wapùla meluntà pe wapùla eke ton kappon yamùk munkà pe.

1 Corinthians 1:27

Tùse Katù uya yà'là pe pùla tùttusen wolù yau yanùmùppù màlà pukkeppe tùwessan wekuli'matoppe, molopai attu'mùla tùttusen wolù yau yanùmùppù màlà meluntà ton wekuli'matoppe.

1 Corinthians 1:28

Wolù yau tenpàssan eke ton kappon yamùk munkà pe pùla yanùmùppù ya màlà molopai tenpàssan, molopai yà'là pe pùla wolù yawon kon nekama molo tùwessen mattanùttoppe tùuya.

1 Corinthians 11:32

Tùse Itepulu uya ekamappon molopai talumattàn ya yau, ikupù ya màlà wolù yawon kon pokonpe kùtalumattà tukaik.

1 Corinthians 2:6

Walà tùse, ina uselupa, pukkeppe we'nà yekale pàk ichemokkasak kon kùlottau. Tuse, sàlà wolù winàpaino pukkek pàk pùla wapùla sàlà wolù yepulu ton pàk pùla. Pùsamlo mùkyamlo yà'là pùla nenayai'nannùk.

1 Corinthians 2:8

Ànù'là sàlà wolù yepulu ton uya sàlà ittupù pen màlà. Tok uya ittusak yau, Itepulu Jesus eke kulu pukapàtùppù tok uya pulusuk pona pen sàlà eppaino.

1 Corinthians 3:18

Eyiwalà'nokon kesennakatau. Anù'là àkklottau'nokon nai'nùk uchittu pukkeppe sàlà wolù yeselu nùkupù winà yau, tàwà “pakko pe” nenai pukkeppe tùwenatoppe.

1 Corinthians 3:19

Masapùla pukkeppe sàlà wolù nùttu màlà yà'làlà pen Katù yenu yau. Iwe'menukasak, “Katù mùkkàlà, pukkek yachinài ittu tùuya pe tukaik iwettok yau,” tawon kasa. {Job 5.13}

1 Corinthians 6:2

Katù ponalok kon uya ken na' sàlà wolù kottùmatok woton ittu auya'nokon pùla nai? Màlà kasaichi iwechi pàk, sàlà wolù yawon kon kottùma auya'nokon pe iwechi pàk, malalon yà'làlà kottùmanài yeppe pùla ken na' ewechi kon màlà?

James 4:4

Ailon ton pen kappon yamùk! Ittuichi auya'nokon pùla nai wolù yawon kon àli ku'nài nan wechiyakon pe we'nà wechi Katù yeyaton pe? Ànù'là wolù yeselu ku'nàinan kappon yamùk wechiyakon pe eppaino wekkupù màlà Katù yeyaton pe.