1 Corinthians 1:2 - Patamuna New Testament Revised

² Katù sochiyi Corinth pon piyak, mùkyamlo iwekonekasak kon wakù pe Christ Jesus yau molopai ikà'masak kon esuken tok wettoppe piyak, tamùkke tamù'nawolon kon kappon yamùk pokonpe mailàlà Kùyepulu kon Jesus Christ yesek yesa'nàinan, tok yepulu molopai kùyepulu kon.

1 Corinthians 1:2 ပူးပေါင်းရင်းမြစ်များ

Yeunossak kon Wotokoyi 10:36

Mùttuyatàik itekale ineunokoppù kappon yamùk Israel pon kon piyak, Wakù Itekale wàlàkka'nàtok yekama pe Jesus Christ yai. Mùkkàlà tamù'nawolon kon Yepulu.

Yeunossak kon Wotokoyi 15:9

Tùpatalà'ne là ku'nàsak ya pùla man tok winàpai, esuken tok yewan konekappù ya màlà ailon tetok tok uya yai.

Yeunossak kon Wotokoyi 18:1

Sàlà tùpo, Paul uya Athens nàmàppù molopai iitàppù Corinth pona.

Yeunossak kon Wotokoyi 22:16

Màlàpàk, yà'là pe iwechi pàk tachin pe ewechi màlà? E'wuluukakà, molopai esenpataukakà, molopai amakuyi wekolùka toppe Itepulu yesek yesakkà,’ ” teppù ya upàk.

Yeunossak kon Wotokoyi 26:18

Àmàlà wechi màlà tok yenu yakkokanài pe molopai tok lattànài pe ewalupà winàpai akkwa winàkàik, molopai Settan meluntàlù winàpai Katù winàkàik, ailon tetok tùuya'nokon uyau yai tok uya usentuppantok tùmakuyi kon pàk yepotoppe molopai wakù ton yepotoppe tok uya Katù nanùmùssan kùlottau,’ teppù Jesus uya upàk,” teppù Paul uya tok pàk.

Yeunossak kon Wotokoyi 9:13

Ananias uya yeikuppù, “Uyepulu, tukkan kon uya pùsàlà pàk uyelupasa'man, tamù'nawàlà àli ton inkupùssan àponalok kon kappon yamùk Jerusalem pon kon winàkàik pàk.

Yeunossak kon Wotokoyi 9:14

Molopai iyàssak màlà Damascus pona, eke ton paatele yamùk yepulu ton winàpai tapàikketù tepose, molopai tamù'nawàlà eyesek yesa'nài nan yachise,” tukaik.

Yeunossak kon Wotokoyi 9:21

Tamù'nawolon kon yetan nan nùssan usenumenkappù kulu màlà molopai tok usekamappopàtùppù, “Pùsàlà pen ken na' uchi mùkkàlà kàyik sàlà esek kà'man nan yaimelunpanài lùppù Jerusalem po? Molopai iyàpùppù pen ken na' sàlà motak màlà kusse tok yachise molopai tok yase eke ton paatele yamùk yepulu ton piyak?” tukaik.

Romans 1:7

Màlàpàk kaleta menuka uya sàlà tamù'nawàlà apyakù'nokon Rome pon kon Katù nù'nùnma ton molopai inkà'massan esuken tùwessan pe. Tàwà Katù Kùkàipùnù kon molopai Kùyepulu kon Jesus Christ elepai'nokon wakù pe we'nàtok molopai echitonpa pe we'nàtok ke.

Romans 10:12

Masapùla tùpatalà we'nàtok pùla iwechi màlà Jew yamùk molopai Jew yamùk pen kùlottau. Katù mùkkàlà, mùkkàlà lùppù tamù'nawolon kon Yepulu, molopai eke pe tamù'nawolon kon tesek yesà'nàinan lepanài.

Romans 3:22

Sàlà ikasa we'nàtok màlà Katù winàpai tùuyàssen Jesus Christ pàk ailon tetok yai tamù'nawolon kon ailon tawonnan piyak, masapùla tùpatalà we'nàtok pùla kulu iwechi màlà.

Romans 8:28

Masapùla ittu'nokon man tamù'nawàlà yà'làlà yau Katù we'wotokoma, mùkyamlo tù'nùnmannan ponaloppe, wakù wekkuttoppe yai teselu yawàlà, mùkyamlo tùnkà'massan teselu yawàlà ponaloppe.

1 Corinthians 1:30

Tùse Katù uya enessak kon man Christ Jesus ponaloppe we'nàtok yak, molopai Katù uya Christ kussak man ittutok kùuya'nokon pe. Mùkkàlà Christ winà Katù pokonpe ikasa kùtùlù kon màlà, esuken molopai kùpùikattà kon àli kuttok winàpai.

1 Corinthians 10:32

Ànù'là wettatai'matok ipona woton kùkkonekatàu, Jew yamùk pe là iwechi wapùla Jew yamùk pen nà wapùla Katù sochiyi tawon kon nà.

1 Corinthians 12:27

Christ yesak pùkkù ton uchi amyamlo, molopai tewinpàk ewechi kon yawàlà ipùkkù ton amyamlo.

1 Corinthians 8:6

Tùse molo man kùponalok kon tewinan neken Katù, Kùkàipùnù kon, tamù'nawolon yà'làlà konekanàippù, molopai iponaloppe wema'nàtokù'nokon. Molopai molo man tewinan neken Itepulu, Jesus Christ, tamù'nawolon yà'làlà wekonekappù iwinà lùppù, molopai wema'nàtokù'nokon iwinà.

2 Corinthians 1:1

Sàlà màlà kaleta Paul winàpaino, Christ Jesus neunokoppù Katù yeselu yawà nùmenukappù, molopai kùtonpa kon Timothy winàpaino. Katù sochiyi Corinth pon piyak, molopai tamù'nawolon kon Katù ponalok kon kappon yamùk Achaia yawolon kon piyak inmenukappù.

2 Corinthians 4:5

Masapùla tekale kon yekamannan pen ina, tùse Jesus Christ yekamannan ina Itepulu pe, molopai ina nen uchi ayapyoto kon pe Jesus pàkànsau.

Ephesians 5:26

Sochi konekappù ya màlà wakù pe tùmaimu yapàikettù winà, molopai wakù pe ikonekappù ya ikolùka tùuya tuna ke winà.

1 Thessalonians 1:1

Sàlà màlà Paul, Silas, molopai Timothy tawonnan winàpaino. Kappon yamùk Thessalonica pon sochi tawon kon Katù Kùkàipùnù molopai Itepulu Christ Jesus ponalok kon piyak imenukasak: Tàwà wakù pe Katù wettok molopai echitonpa pe we'nàtok iwinàpaino àponalok kon pe nechii.

1 Thessalonians 4:7

Àli yau là wema’nàtok kon pe Katù uya kùkà'ma kon pùn tùse wakù pe, esuken Katù tùnamaik we’nàtok kon pe kùkà’massak kon ya màlà.

2 Thessalonians 1:1

Sàlà màlà Paul, Silas molopai Timothy tawonnan winàpaino, kappon yamùk Thessalonica pon kon sochi tawon kon, Katù Kùkàipùnù kon molopai Itepulu Jesus Christ ponalok kon piyak imenukasak.

1 Timothy 2:8

Sochi pàk we'nà yattai'ne kàyik yamùk wàpùlema iche wessaik, kàyik yamùk Katù yemyak iwettùsak kon molopai temyatù kon tenkaik tùwàpùlemasan yek tùwe'naikaik pùla wapùla tùusàulàmaik pùla.

1 Timothy 3:15

Tùse uko'mamù yau, sàlà kaleta uya atta we'nàtok Katù munkà yamùk pe yekama màlà, màlà nulànan Katù sochiyi tau, ailon wakapuli molopai itessek yekama uya.

2 Timothy 1:9

Kùpùikattànsak ya màlà molopai kùkà'masak ya esuken we'nàtoppe, yà'làlà kussak kùuya'nokon pàkànsau pùla, tùse iche tùwettok yawà molopai wakù pe tùwettok pàkànsau. Sàlà wakù pe tùwettok tùlùppù ya màlà kùpya'nokon Christ Jesus yau, sàlà pata weyu wepyatàtok wapiya.

2 Timothy 2:19

Tùse meluntà sa'man wakapu Katù nùnonkappù tùutalo'ma woton pen màlà; molopai sàlà mayin we'menukasak màlà ipàk: “Itepulu mùkkàlà, tùponalok kon ittunài,” {Num16.5} molopai, “Ànù'là Itepulu yesek yesa'nài welattà màlà iwalai pen winàpai,” tukaik.

2 Timothy 2:22

Àli ànkuppai umoine wettok winàpai elattàkà molopai wakù pe we'nàtok pàk e'wotokomakà màlà yamùk yepolo pa, ailon tetok, uchi'nùnmantok, molopai echitonpa pe we'nàtok, mùkyamlo esuken itewan Itepulu kà'mayai'nùk tùpùikattà tok kon pe ya pokonpe.

Hebrews 10:10

Molopai Jesus Christ uya Katù wettok iche kussak pàk, esuken kùkussak kon màlà nai'nùk, tewin itekkwa tesak tùsak ya molopai itùtu'ma ya pen winà.

Hebrews 13:12

Màlàpàk Jesus wettalumattàppù nàlà màlà pata yena po, esuken kappon yamùk konekatoppe tùuya tùmùnù yai.

Hebrews 2:11

Asakklàma, mùkkàlà esuken kappon yamùk konekanài molopai mùkyamlo inkonekassan esuken wechi màlà tewin Ikàipùnù. Màlàpàk uchi Jesus wekuli'ma pùla iwechi màlà tok yesatù tùuya pàk tùkàipùnù munkà pe.

Jude 1:1

Sàlà màlà kaleta Jude, Jesus Christ yapyoto, molopai James tonpa nùmenukappù. Katù Kùkàipùnù kon nùkà'massan molopai Katù uya pùnùnmantok yau tùwemassan molopai Jesus Christ uya mainanpantok yau tùwemassan piyak inmenukappù sàlà:

Revelation 19:16

Ipon pàk molopai ichi pàk esek menukasak wechippù, “Kin yamùk Kinù, molopai itepulu yamùk Yepulu,” tukaik.