1 Corinthians 1:17 - Patamuna New Testament Revised

¹⁷ Masapùla Christ uya uyeunoko enpataukanse pùn, tùse Wakù Itekale yekamase, kappon pukketù winon mayin ke pùla, màlà kasa iwechi yau Christ welittok pulusuk po meluntàlù pùla iwena tukaik tamù'nawàlà.

1 Corinthians 1:17 ပူးပေါင်းရင်းမြစ်များ

John 4:1

Pharisee yamùk uya, “Jesus, John yentai tùnenupa ton yepoyan molopai tok yenpataukayan,” te yetappù.

John 4:2

Jesus uya kappon yamùk yenpataukappù pen màlà. Tùse inenupa ton uya làkku.

Yeunossak kon Wotokoyi 10:48

Màlàyau tok usenpatauka toppe ikupùppù ya Jesus Christ yesek yai. Màlàyau tok uya yekamappoppù tùpyau'nokon iwettoppe mala là.

1 Corinthians 2:1

Utonpa yamùk, apyakù'nokon uyàssak Katù Maimu yekamase yau, eke ton nà mayin molopai eke ton usenupansak maimu yapulà uya pùn àpàkù'nokon.

1 Corinthians 2:13

Sàlàichi màlà mayin ina nùselupayai'nùk kappon pukketù winà ina yenupappù lùppù pen. Tùse, Akkwalù winà ina usenupappù lùppù, Akkwalù winàpaino yamùk yekamatoppe ina uya mùkyamlo Akkwalù yesappe tùwessan pàk.

2 Corinthians 1:12

Sàlà màlà ina yauchinapanài. Ina usenumenkatok nekamayan tamù'nawolon ina nùkupùppù sàlà wolù yau, ailon pe wakù pe ina wechippù ànù'là tennakaik pùla, ina welaikatok ewinàkàik nokon yau kulu. Ina wessak man enpen Katù pàk ina pùikattàtoppe ya, sàlà non pon yapàiketù ke pùla.

2 Corinthians 10:10

Tùulon kon uya, “Paul kaletayi màlà àsà molopai meluntà, tùse kùpyau'nokon iwechi kappon pe yau, atu'mùn mùkkàlà molopai imaimu màlà yà'là pen!” te.

2 Corinthians 11:6

Iichenupasak pe là wechi uselupatok pe tukkan kon yemlotopo, tùse ittutok uya yesappe wessaik. Tàmù'nawolon yau wakù pe kulu yekamasak ina uya man àpàkù'nokon.

2 Corinthians 4:2

Tamù'nawolon tonantau tùkussen molopai kuli'manài eselu yamùk ku'nàinan pen ina, ànù'la yennakannan pen, ailon pe Katù Maimu yenpoikannan. Tùse làkku Katù uya màlà ailon pe ina uselupa yene molopai kappon yamùk uya nàlà ailon pe ina wechi ittu.

2 Peter 1:16

Ikuppàssak kon nà panton yekama ina uya pùn Kùyepulu kon Jesus Christ uyàpù meluntà pe yekama ina uya àpàkù'nokon yau. Tùse tenu kon ke ina uya itakkwayi yeneppù.