1 Corinthians 1:10 - Patamuna New Testament Revised

¹⁰ Apawanattàyatàu Iulà utonpa yamùk, Kùyepulu kon Jesus Christ yesek yau, tamù'nawàlà tewin ichenumenkatok ewechi kon pa wepantakantok wechi molo àkklottau'nokon tukaik, echitonpa pe ettàk kon tewin neken ichenumenkatok.

1 Corinthians 1:10 ပူးပေါင်းရင်းမြစ်များ

Matthew 9:16

“Ànù'là mùkkàlà pon poippà pachi'manài emennak kuyalikku pùkkù lùppù ke pen. Masapùla màlà yekkwa ke ipachi'masak màlà pon poippà poi tùwekalakasen molopai eke peiwa yeutattànài.

Mark 2:21

“Ànù'là emennak kuyalikku pùkkùlùppù yapulànài pen ipoippà pon paachi'ma toppe tùuya. Ikussak ya yau emennak uya màlà ipoippà kalapàtù eke peiwa iwekalasak tùmase, ” teppù Jesus uya.

Mark 3:24

Sàlà pata yawon kon kappon yamùk wechi esseyaton pàk tùyiwalà'nokon yau, echi tonpa pe tok wechi pen màlà

John 10:19

Jew yamùk usenumenkatukkappù tùpatalà'ne, watesak Jesus uya pàk.

John 17:23

Iulà wechi tok yau, molopai àmàlà wechi uyau. Màlàpàk tok nepù nechiik tewin tok wettok yak, wolù yawon kon uya uyeunossak auya ittutoppe, molopai à'nùn pe tok kupùppù auya à'nùn pe ukupùppù auya kasa làma.

John 7:43

Màlàyau echi yewan kaichalà pùla Jesus pàk tùusenumenkatok kon yau tok wechippù.

John 9:16

Tùulon kon Pharisee yamùk tonpa uya, “Pùsàlà kàyik wechi Katù winàpaino pe pùla man, masapùla Wàlàkka'nàtok weyu yeselu yawàlà pùla iwessak pàk,” teppù. Tùulon kon uya, “Yà'là kasa kulu ken uchi kàyik tùmakuyi yau tùwessen uya ittutok ipàkàlà kupù?” teppù. Ekkaichalà pùla tok usenumenkatok wechippù.

Yeunossak kon Wotokoyi 4:32

Ailon tawonnan wechippù tewin ichenumenkatok molopai tewin itewan. Ànù'là uya temamin pàk uponalok sàlà teppù pen, tùse tok uya tamù'nawolon tùpyawon'nokon yekamùppù tùklottau'nokon.

Romans 1:13

Sàlà mùttutàik utonpa yamùk, tukke itekkwa akakklanpa kon uya tepàssak uya man. Tùse utàtoppe pùla yà'làlà uwakkà'nài. Àkklottau'nokon kappon yamùk ànpùikattàpai wechippù tok uya nàlà ailon tetoppe, tùulon kon Jew yamùk pen kùlottau ikupùppù uya kasa.

Romans 12:1

Màlàpàk utonpa yamùk, Katù usentuppatok kùpàkù'nokon pàkàlà, apawanattàyatàu Iulà, Katù yemyak nulà, nulànan tùttusen Katù yemyak kasa ettùtàk kon iwotokoyi yak esuken molopai yauchinpanài yeppe. Sàlà uchi màlà ailon kulu namantok molopai yapulàtok àntùlù kon.

Romans 12:16

Echitonpa pe ettàk kon tamù'nawolon kon pokonpe. Ànù'là kappon yentai kekkuttàu, katapulàtàu, tùse entuppa'nokon yanùntàk kon ewechiyakon kon pe. Pukeppe ewechi kon pe kùsekamatàu.

Romans 15:30

Apawanattàyatàu Iulà utonpa yamùk, Kùyepulu kon Jesus Christ winà molopai uchi'nùnmantok Wakù Akkwalù nùtùlù winà. Àwàpùlematok kon yau epanta'matà kon uponaloppe.

Romans 16:17

Apawanatàyataù Iulà utonpa yamùk, elanneppe ettàk kon mùkyamlo wepantakantok ku'nàinan, molopai kappon yamùk uya ailon tetok yaimelunpannan pàk. Mùkyamlo uya enupantok ananùmùppù kon kupù tùwakùli kon pe pùla màlà, tok tonpa pe kettàu.

1 Corinthians 1:11

Utonpa yamùk, Chloe tonpa yamùk uya yekamasak man upàk, usàulàmantok wechi molo àkklottau'nokon.

1 Corinthians 11:18

Wapiya, ewepilichak kon sochi tak yau iwepantapàssappe àkklottau'nokon ewechi kon yekale tetayaik, molopai itonpa pe tùulon kon nà wechi ailonpe pe tùttuyaik.

1 Corinthians 12:25

Iwepantapàssappe pùla esak wettoppe, tùse tùwemainanpaik tùwessan pe màlà yamùk wettoppe echipùkkù pe.

1 Corinthians 3:3

Wolù ponalok kon kasa lùppù. Masapùla àkùlùmàluntok kon molopai àusàlàmatok kon wechi àkklottau'nokon pàk. Màlà uya ken na' sàlà wolù yawon kappon yamùk pe ewechi kon ànkuppai ewettok kon yawàlà yekama pen màlà?

1 Corinthians 4:16

Màlàpàk apawanattàyatù Iulà uyeselu kasa eyeselu kon nechii, kùpatakatàik.

2 Corinthians 10:1

Tùusentuppaik molopai wakù pe Christ wettok winà, apawanattàyatàu Iulà. Iulà Paul “àssà'mùn” apyau'nokon wechi yau, tùse “meluntà” apyau'nokon pùla wechi yau.

2 Corinthians 13:11

Iwenukapù pe Utonpa yamùk, eichilà man! Apawanattàtok kon uya yetatàk kon, tamù'nawàlà wakù pe nai'nùk winàkàik itàtàk kon, tewin ichenumenkatok ettàk, echitonpa pe emattàk kon. Molopai Katù pùnùnmantok molopai echitonpa pe we'nàtok yesak wechi apyau'nokon màlà.

2 Corinthians 13:9

Ina nùtauchinpayan atu'mùla ina wechi tùse meluntà pe ewechi kon pàk. Molopai ina wàpùlematok wechi màlà wakù pe tamù'nawàlà ewenatok kon pe iku'nài pe.

2 Corinthians 5:20

Màlàpàk uchi Christ ponaloppe tùuselupa kon pàk ina man, Katù uya apawanattà kon ina yai kasa. Christ pàkànsau apawanatà kon ina uya sàlà, tàwà Katù amyakanmatàu tùwechiyakonnon pe!

2 Corinthians 6:1

Tamùkke Katù pokonpe tùwe'wotokoma kon yawàlà ina apawanattàyatàu. Wakù pe we'nàtok Katù winàpaino yanùmù auya'nokon yà'là woton pe pùla là tukaik.

Galatians 4:12

Apawanattàyatàu Iulà, utonpa yamùk, ukasa enatàk kon. Akasa'nokon wenasak pàkànsau. Yà'làlà iwalai pen kussak auya'nokon uwinàkàik pùla man.

Philippians 1:27

Tùse yà'là pe là wechi pe iwechi yau, Christ yekale nekama yawà memattàik tàwàlà. Màlàyau nen uchi eyense'nokon utà wapùla utà pùla là iwechi tùse eyekale kon neken nà yetatoppe uya, tamùkke tewin itewan, tewin ichenumenkatok, molopai meluntà pe ewechi kon wakù itekale ponaloppe yetatoppe uya.

Philippians 3:16

Tùse utànpai'nokon, màlà yepose utàn nai'nùk ye'ma tawàlà.

1 Thessalonians 5:13

Tok inamatàk kon eke pe, molopai tok i'nùnmatàk tok wotokoyi pàkànsau. Echitonpa pe ettàk kon.

2 Thessalonians 2:1

Utonpa yamùk, Kùyepulu, Jesus Christ uyàttok molopai wepili'nàtok tamùkke ipyau we'nàtoppe pàk, apawanattàyatàu Iulà,

1 Timothy 5:21

Katù yemloto po, molopai Christ Jesus yemloto po, molopai wakù ton inchelù yamùk yemloto po, eyekamappo uya sàlà tùumayintaik, sàlà enupantok yawàlà ewechi pa, ekkaichalà tùmenkaik pùla ànù'là pàk yà'làlà ànkupù kupù pa.

2 Timothy 4:1

Tùumayintaik eyekamappoyan Iulà Katù yemloto po molopai Christ Jesus yemloto po, mùkkàlà tamù'nawolon kon kappon yamùk ittu woton, nulà nan kon molopai iwelichak kon: masapùla iyàttok molopai Itepulu pe iwettok woton pe iwechi pàk, eyekamappoyan Iulà

1 Peter 2:11

Apawanattàyatàu Iulà, utonpa yamùk, kakklan yamùk echii'ma sàlà non po, àli ànkuppai we'nàtok yemyak kettùtàu, màlà tùwepanta'ma pàk nai'nùk tàwàlà ayakkwalù kon winàkàik.

1 Peter 5:10

Katù tamù'nawolon wakù pe we'nàtok yesak, mùkkàlà uya àkà'masak kon màlà tàwàlàlà takkwayi pùkkù pe ewechi kon pa Jesus Christ yau. Ewettalumattàsak kon malalà tùpo, mùkkàlà uya àkoneka kon màlà ikasa, meluntà pe kulu, molopai àtùlù kon màlà wakù pata tùutamasen pen pona.