Tito 3:2 - Nuevo Testamento Uwotjüja

² Ya̧tȩrü̧'i̧nä̧ to'i ja̧'a̧ku̧ suronä̧mä̧ ttukuoku juiya, pättä'chäkuäu. O'katoi'ünä̧ku̧ eseku ttü̧jü̧'a̧nü̧ ja̧'a̧, ja̧'wa̧ta̧nü̧ kkorotürü eseku tti̧jȩpa̧ rȩrü̧jü̧nü̧ toäkuäwä.

TÄ̧DO Ä̧CUÄ̧ I̧HUȨNȨ

² Korotörö suronä ttucuocu juiya. Ja̧'hua̧ta̧nö̧ ttami diyaunä ttö̧ja̧cua̧. Korotörö'inä eseunu ppättäda pä'ö ji'ähui.

Tito 3:2 ပူးပေါင်းရင်းမြစ်များ

San Mateo 11:29

Ttü wedümä̧ jȩpä̧tu̧kui̧, ttüttü wo̧jui̧pätu̧kui̧ cha̧mi̧so'kinä̧ ra̧wä̧rü̧ ukuo tedäwoka'a; ja̧'wa̧nü̧ jȩpü̧ ku̧'o̧kui̧'ä̧kuo̧tü̧jä̧ kua̧'kua̧rä̧tu̧ku̧ a̧'kua̧ ȩma̧ pä'ümä̧.

Hechos 23:5

Pättiyäku, Pauru-mä̧ pä'inü̧: Chawaruwä chü̧jä̧wa̧tü̧, sacerdote-tü̧ ttu̧ru̧wa̧mä̧kü̧kü̧ pä'äjisä; wȩyu̧kuä̧ wȩnȩmä̧ pä'a: «Kuawaruwä ttu̧ru̧wa̧rü̧mä̧ suronä̧mä̧ päkuä'chä,» jü̧nä̧.

1 Corintios 6:10

nä̧u̧kuä̧rä̧tü̧'i̧nä̧, ruwoku tta̧'kua̧ ro'ekuätü'i̧nä̧, tä̧'ä̧mä̧'chä̧tü̧'i̧nä̧, suronä̧ pä'ä'chätü'i̧nä̧, nä̧u̧kuä̧rä̧tü̧'i̧nä̧ dodettokäkuotü ru̧wa̧ Dio weomȩmä̧.

1 Corintios 9:19

Ya̧tȩ'i̧nä̧, esclavo chunä̧ u̧mü̧wä̧ya̧mä̧ choka'anä̧, o'katoi'ünä̧ esclavo jü̧nä̧ ttu̧mü̧wä̧ya̧tä̧ juo'ächinü̧sä̧, rekuätü Jesucrito-rü esetü ttikunä̧ jidäwa pä'ü.

2 Corintios 10:1

Ttü Pauru-mä̧, Crito ukuturu eseu re ü̧ji̧nü̧nä̧ jä'epüsä, ukutuku chü̧jo̧mȩnä̧mä̧ adiwä i̧sa̧ pättä'ijäku cha'anä̧, kkara'a chü̧jo̧mȩnä̧mä̧ ujuruku pä'ü pättä'ijäku cha'attü. Jua'a ukuturu topü chichomȩnä̧, ujuturu suronä̧ pä'ä'ijätürü pä̧i̧ku̧nä̧ pädü juiyäkua'anü̧;

2 Corintios 12:20

Ja̧'wa̧nü̧ ja̧'a̧ttü̧ yȩ'ȩkua̧sä̧ chi̧rȩbȩwi̧'o̧mȩnä̧, chüjü'koka'aku jȩpü̧ ku̧jä̧tu̧ku̧ 'kua̧ra̧'a̧ pä'ü ja̧'wa̧ta̧nü̧ ttü'i̧nä̧ ukutu kuju'kätukuokomȩnä̧ jȩchü̧ 'kua̧ra̧'a̧ pä'ü; rowäkuäwänä̧tä̧, ttu̧ju̧nä̧ri̧yä̧u̧ kkü'käwokünä̧tä̧, pä̧i̧nä̧tä̧, i̧mi̧ku̧ juoächäkuäwänä̧tä̧, suronä̧ pä'chäkuäwänä̧tä̧, jarode'äkuäwänä̧tä̧ ja̧'wa̧ta̧nü̧ wȩnȩ jü̧nä̧ kkä̧kuä̧wä̧nä̧tä̧, jü̧nä̧;

Gálatas 5:22

Ja̧'wa̧nü̧ ja̧'a̧nä̧ Epíritumä̧ iyü, eseu repeäkuäwä, eseäkuäwä, wȩnȩ juiyü kkä̧kuä̧wä̧, jurunä̧ woäkuäwokü, adiwä i̧sa̧, ppädäkuäwä i̧sa̧, jueünä̧tä̧ ukuoku,

Gálatas 6:1

Chawaruwä chi̧jä̧wa̧tü̧, ya̧tȩ surojü jȩä̧ja̧'a̧ ttü̧'o̧kui̧'ü̧ttü̧mä̧, ukutu Epíritu jäwänä̧ kka̧kuä̧tü̧tä̧ ro̧'ȩpä̧tu̧kui̧ diyawäyänä̧. Ukututä'i̧nä̧ tta̧'ä̧rä̧kuä̧u̧ kka̧kuä̧tu̧kui̧, kua̧mi̧ 'kuä'ü ma̧kuä̧chä̧tu̧ku̧ a̧'kua̧ra̧'a̧.

Gálatas 6:10

Ja̧'wa̧nü̧ ja̧'a̧ttü̧, o'katoi'ünä̧rü̧ adiu jȩtü̧'a̧nü̧ jü̧ttü̧mä̧, adiu jȩta̧ pä'ü ja̧'a̧, ja̧'wa̧nü̧ ja̧'a̧nä̧ ji̧nä̧somä̧ tawaruwä ti̧jä̧wa̧tü̧ Crito esetärütä.

Efesios 4:2

Ukuo tekuäwätukuoka'a, kurowäwätukuoka'a, kua̧mi̧ 'ki'ächi'ü, eseunu̧ repe'äkuäu ppä'ädäkuäwätukui;

Efesios 4:31

Ikuäwi'ätukui kurowetuku'i̧nä̧, ku̧'ä̧i̧tu̧ku̧'i̧nä̧, suronä̧ wo'kuäkuäwätuku'i̧nä̧, ja̧'wa̧ta̧nü̧ surojüttümä̧ o'kajuiyütä.

Filipenses 4:5

Ukutu eseu jȩ'kuä̧tu̧ku̧mä̧ kkorotü o'katoi'ünä̧ tu̧wo̧juö̧nä̧ kka̧kuä̧tu̧kui̧. Tu̧ru̧wa̧ ichäkuomȩmä̧ täkü tü'küwächa'a.

1 Tesalonicenses 2:7

Jua'akumä̧, Crito we'äwotü apótore ta'attü̧ ukuturumä̧ jätepü'anü̧ ja̧'a̧nä̧, jȩpo̧ko̧tü̧jä̧, pärokua'aku ttu̧wȩkuä̧nä̧ eseunü̧tä̧ jȩti̧nä̧u̧jä̧. Yajute tta̧ju̧ kki̧tti̧mü̧rü̧ tta̧'ä̧rü̧, atate ajü kku'uttädajü'a̧nü̧tä̧.

1 Timoteo 3:11

Ja̧'wa̧ta̧nü̧, nä̧tü̧'i̧nä̧ ttukuotä̧u̧tä̧ jä̧kua̧'a̧, suräjuei wȩnȩ'i̧nä̧ ukuokuokotütä, ttukuokuajueimä̧ tta̧'kua̧pu̧nü̧ kkä̧nü̧, o'kajuiyünä̧ ukuotätütä.

1 Timoteo 3:3

Tä̧'ä̧mä̧'chü̧'i̧nä̧, rowäwä'chü'i̧nä̧ jȩü̧ juiyü'anü̧ ja̧'a̧, ja̧'wa̧nü̧ ja̧jü̧ jueimä̧ re kkä̧kuä̧wä̧ i̧sa̧tä̧, unichä̧rü̧ kkä̧nü̧tä̧ ja̧'wa̧ta̧nü̧ pärätä'i̧nä̧ a̧'kua̧ roeku juiyü'anü̧ ja̧'a̧.

Santiago 3:17

Ja̧'wa̧nü̧ ja̧'a̧nä̧ wo̧juä̧wä̧ Dio-ttü ichü kku̧nä̧rä̧tü̧mä̧, surojümä̧ jȩpo̧ko̧tü̧; ja̧'wa̧nü̧ ja̧jü̧jueimä̧ rowäwäkuäwä juiyünä̧ kkä̧kuä̧wä̧tä̧ usätü, ukuotätü, ja̧'wa̧ta̧nü̧ kkorotürümä̧ rȩrü̧jü̧nü̧ topätü, usurä ttȩmä̧u̧ jitütäku usurä ȩmä̧wä̧tü̧, ja̧'wa̧ta̧nü̧ 'kuäopünä̧tä̧ ttü̧ja̧rü̧mä̧ o'katoi'ünä̧rü̧ yoräteunä̧ adiu jȩpä̧tü̧, juätü ja̧'a̧ isopäi'ünä̧ Dio-rü esetinä̧tü̧mä̧.

Santiago 4:11

Chawaruwä chü̧jä̧wa̧tü̧ kkorotünü̧rü̧mä̧, suronä̧mä̧ kukuokuätukuä. Ya̧tȩ a̧wa̧ru̧wa̧ ü̧jä̧wa̧rü̧ suronä̧ ukuokumä̧ ja̧'wa̧nü̧ jü̧juiyüttü'i̧nä̧ suronä̧ jȩpü̧ pä'ümä̧ weäwä wȩnȩ'i̧nä̧ surojü pä'ü ukuokuokü. Ja̧'wa̧nü̧ ja̧'a̧nä̧ weäwä wȩnȩ surojü pä'ümä̧ ttukuotajueimä̧ Juez pättäku jä̧'i̧nü̧'a̧nü̧tä̧ jȩpä̧kuä̧u̧jä̧.

1 Pedro 2:1

Ja̧'wa̧nü̧ ja̧'a̧nä̧, surojümä̧ o'kajuiyünä̧tä̧ ya'okuätukui, yaparetäkuäwä'i̧nä̧, ä'kayättütä jȩä̧'chä̧kuä̧wä̧'i̧nä̧, kkü'käwokü'i̧nä̧ ja̧'wa̧ta̧nü̧ o'kajuiyünä̧ suräjuei wȩnȩ'i̧nä̧.

1 Pedro 3:10

Isopäi'ünä̧: A̧'kua̧rü̧ repe'äkuäumä̧ ja̧'wa̧ta̧nü̧ mo̧ro̧ eseu ü̧ja̧ pä'ümä̧, Surojümä̧ kukuokuoka'a tta̧'a̧rä̧kuä̧wi̧, Ja̧'wa̧ta̧nü̧ yapare wȩnȩ'i̧nä̧ kukuokuä;

1 Pedro 3:8

Rüjinä̧mä̧, o'katoi'ünä̧tä̧ eseäkuäwänä̧ kka̧kuä̧tu̧kui̧, ji̧nä̧ ji̧yȩtȩnä̧tä̧ amükuädü, ja̧'wa̧ta̧nü̧ tti̧jä̧wa̧tü̧ 'kua̧rü̧nä̧ repe'äkuäunü̧. Adiwä isotü jü̧nä̧tä̧, ukuo tekuäwätukuoka'atä.

1 Pedro 4:4

Jitämä̧, suronä̧ jȩpü̧ ttü̧jü̧ jȩ'kuä̧tu̧kuo̧ko̧mȩmä̧ ukutumä̧ suronä̧ ttu̧kuo̧kuä̧u̧jä̧.

2 Pedro 2:10

Tu̧ru̧wa̧mä̧ ro̧ȩpä̧kua̧ ji̧nä̧somä̧ surojünä̧ kkü'kekunä̧ 'chä̧tü̧rü̧, ja̧'wa̧ta̧nü̧ ukuo kkü'kokotürü. Tta̧mi̧ po'ekuätürü'i̧nä̧, tukuo te'äkuäwätürü'i̧nä̧, ja̧'wa̧ta̧nü̧ ukuo ruwotürü suronä̧ pätta'anä̧ ye'ekuokorü'i̧nä̧;

Judas 1:10

Ja̧'wa̧nü̧ ja̧'a̧nä̧, juätü ttü̧ja̧mä̧ ttieruwü'i̧nä̧ ja̧'a̧tä̧ suronä̧ ukuokuätü; ja̧'a̧tä̧ de'a isotü 'kua̧rü̧nä̧, wo̧juö̧mä̧ ttu̧wo̧jua̧'a̧nä̧, wo̧juo̧ko̧tü̧, tta̧mü̧nä̧ ttä̧tȩkuä̧tä̧ suronä̧ jȩpä̧kuä̧wä̧tü̧.

Judas 1:8

Juätürü ji̧nü̧ta'anü̧, 'kuäopäkua'a pitü ttü̧ja̧ suronä̧ jȩpä̧tü̧rü̧mä̧. Ja̧'wa̧nü̧ ja̧'a̧tä̧ amükuädü jittäwa'attü ttidepä surojuo'ekuätü, Dio ukuo'i̧nä̧ ya'oku kkä̧nü̧, á̧gȩrȩ-rü'i̧nä̧ suronä̧ wopätü.