Tito 3:14 - Nuevo Testamento Uwotjüja

¹⁴ Ja̧'wa̧ta̧nü̧ ujututtümä̧ adiu jȩä̧kuä̧wä̧'i̧nä̧ tawaruwä rekuä rü̧jä̧u̧ru̧ ppädäkuäwä'i̧nä̧ ttu̧wo̧jui̧'ü̧'a̧nü̧ ja̧'a̧, ja̧'wa̧nü̧tä̧ ttü̧jü̧nä̧mä̧ ppädäkuäwä isotü ttäkuotü.

TÄ̧DO Ä̧CUÄ̧ I̧HUȨNȨ

¹⁴ Ujutu tahuaruhuä tö̧jä̧hua̧tö̧rö̧ huo̧juȩti̧ recuä rö̧jä̧u̧ru̧ iyö ppättäda pä'ö. Ja̧'hua̧nö̧ jȩpö̧ kä̧nö̧, adiu ttö̧ja̧cuä̧cuo̧tö̧.

Tito 3:14 ပူးပေါင်းရင်းမြစ်များ

San Mateo 21:19

Ja̧'wa̧nü̧ ja̧'a̧, higuera dau mä̧nä̧ jäyä kki̧yä̧ku̧, tü'künä̧nü̧ 'chä̧wi̧'ü̧ toomȩnä̧ ojiyätä po̧kui̧pi̧nü̧. Ja̧'wa̧nü̧ po̧kui̧pü̧ higuera dauru pä'inü̧: —¡Yoriso u̧wä̧ju̧mä̧ wȩjo̧koi jä̧kuäijä̧! Päomȩnä̧, yotäku higuera daumä̧ joi'ina̧'a̧.

San Mateo 7:19

O'kajuiyünä̧ dauwiyä u̧wä̧ju̧ adiwäjuei wȩjo̧kü̧ oimä̧, kku̧'u̧ iku okuränä̧ kkuwü ikuäwä ja̧'a̧.

San Juan 15:16

Ukutumä̧ ttürümä̧ pojopü ȩmo̧ko̧tü̧ pinä̧tü̧jä̧, ttütätä ji̧na̧'a̧ ukuturu pojopü ȩmi̧nü̧mä̧ ja̧'wa̧nü̧ jȩpü̧ wedinä̧u̧jä̧ u̧wä̧ju̧ rü̧ȩnä̧ ȩpü̧ kuiyätukua pä'ü, jua̧u̧ u̧wä̧ju̧ toe'ächoka'a kka̧ pä'ü. Ja̧'wa̧nü̧ ja̧'a̧, o'kajuiyünä̧ ttü chi̧mi̧nä̧ Chä'orü jäkuepätukumä̧, iyäkua'anü̧.

San Juan 15:8

Pi̧yȩnä̧ i̧jȩkuä̧cha̧'a̧, Chä'o ukuo jäwämä̧: u̧wä̧ju̧ rü̧ȩnä̧ kku̧nä̧rü̧ kkä̧nü̧, ttü cho'ka'anä̧ kuichätukuomȩnä̧.

Hechos 18:3

Ja̧'wa̧nü̧ ja̧'a̧ juätü jü̧ta̧'a̧nü̧, isotü tti̧jȩti̧yu̧ttü̧ odewiyä o̧ta̧ aditü ja̧'a̧, juätütäku kki̧'i̧nü̧ yo̧mȩtȩnä̧ adita pä'ü.

Hechos 20:35

O'kajuiyünä̧tä̧ chu̧wo̧juȩtä̧'i̧jä̧ujä̧, rekuä rü̧jä̧u̧ru̧ ppätäda pä'ümä̧, tadita pä'ü rekuä rü̧ja̧'a̧ pä'ü. Tu̧ru̧wa̧ Jesú pa̧'a̧nü̧ päinü̧ amükuädü: iyäwänä̧mä̧, Ȩmä̧wä̧ttü̧'i̧nä̧ abonä̧nü̧ eseäkuäwä kka̧'a̧ pä'ü.

Romanos 12:13

Crito-rü esetätümä̧ rekuä rü̧jo̧mȩnä̧ ppä'ädäkuäu tätukui; do'ächü ttichomȩnä̧, kuojusodenä̧ ttä'a pä'ü we'ätukui.

Romanos 15:28

Ja̧'wa̧nü̧ ja̧'a̧ttü̧, jua̧u̧ pärätä ttü̧ka̧ka̧tä̧ji̧ iyipü'ka̧tä̧, Epaña-ra̧'a̧mä̧ chi̧'chä̧kua̧sä̧, jua'a chi̧'cho̧mȩttü̧ ukuturu dodächa pä'ümä̧.

Efesios 4:28

Nä̧u̧kuä̧rü̧ kki̧'ȩnü̧mä̧, yabonü̧mä̧ ku̧nä̧u̧kuä̧rä̧, aditütä kkä̧wi̧; ku̧mü̧nä̧ adiwä juei jȩpü̧ ku̧ju̧ttü̧mä̧, rekuä rü̧jä̧u̧ru̧ ppäkuädäkua̧jä̧.

Filipenses 1:11

Isopäi'ünä̧ Jesucrito ppäda'anä̧tä̧, adiwäjueimä̧ jȩ'kuä̧kuo̧tü̧jä̧ ttü̧ja̧ Dio-rü ukuotü tteseäkuäwarü pä'ümä̧.

Filipenses 4:16

Suro, juȩnȩbütämä̧kü̧ ji̧na̧'a̧, Tesalónica ütawiyära̧'a̧ chü̧ja̧'a̧'i̧nä̧, todärenä̧ jo̧mȩnä̧ wekuinä̧tu̧kuä̧ku̧sä̧, ttürü rekuä rü̧ja̧'a̧ ppä'ädümä̧.

Filipenses 4:17

Pi̧yȩ pädümä̧, pä'äjita'anü̧ kuiyätukuattü pä'ü jä'epümä̧ pädokü, ji̧nä̧somä̧ Dio yabonü̧ ppädätukuaku pä'ü pädü.

Colosenses 1:10

Ja̧'wa̧nü̧ jo̧mȩnä̧, Tu̧ru̧wa̧rü̧ pä̧wä̧rü̧jo̧mȩnä̧ ku̧ja̧kuä̧kuo̧tü̧jä̧, adiwäjuei o'kajuiyünä̧ jȩ'kuä̧tu̧ku̧mä̧ u̧wä̧ju̧ kkü̧nä̧'i̧nä̧, Dio ütü'kü'i̧nä̧ yaboku ku̧wo̧jui̧'ä̧kuo̧tü̧jä̧.

1 Tesalonicenses 2:9

Chawaruwä chi̧jä̧wa̧tü̧ ukutu kuamükuädätukuttümä̧ wo̧juä̧tü̧jä̧, ujutu taditinü̧'i̧nä̧, usurä tȩmä̧wi̧nü̧'i̧nä̧, jü̧nä̧. Mo̧ro̧'i̧nä̧, yodo'i̧nä̧, aditinä̧tü̧jä̧ ukuturu jä̧'ȩpä̧rü̧ jui'ümä̧, Dio i̧wȩnȩ, jareü wȩnȩ jitäwa'a rekuä rü̧jä̧u̧mä̧.

2 Tesalonicenses 3:8

mipponä̧mä̧ kkorotü ttu̧kuȩttü̧mä̧ kuokotü pinä̧tü̧jä̧. Ja̧'wa̧nü̧ jȩtta̧jue'imä̧ mo̧ro̧'i̧nä̧, yodo'i̧nä̧ 'kuäo'ünä̧ aditü usurä ȩmä̧u̧ borepäkuäwinä̧tü̧jä̧ ukututtü ya̧tȩrü̧ pä'ü'i̧nä̧ a̧mä̧kü̧ juiya pä'ümä̧.

Tito 2:8

Adiwomȩnä̧ kukuokuomȩnä̧, ya̧tȩ'i̧nä̧ to'ija̧'a̧ku̧mä̧ päokä̧kua̧. Ja̧'wa̧nü̧ kukuokuomȩnä̧ to'i ja̧'a̧ku̧ pä'ä'chäjimä̧ dä'ä ttu̧ä̧kua̧, ja̧'wa̧nü̧ jo̧mȩnä̧tä̧ ujuturumä̧ yoriso suronämä̧ pä'okü jä̧kua̧.

Tito 3:8

Pi̧yȩmä̧ isopäi'ünä̧tä̧ ja̧'a̧, juätürümä̧ ppa̧'a̧dä̧rü̧ ku̧wo̧juȩta̧ pä̧wä̧rü̧jä̧ku̧sä̧, Dio-rü esetätümä̧ adiwäjueitä jȩttä̧kua̧'a̧nü̧. Pi̧yȩmä̧ ttü̧ja̧ o'katoi'ünä̧rü̧ ppädü adiwäjuei ja̧'a̧.

2 Pedro 1:8

Isopäi'ünä̧ pi̧yȩ ukutunä̧ kko̧mȩnä̧mä̧ büó juo'ätüjä̧, kua̧'kua̧ru̧tu̧ku̧nä̧'i̧nä̧ mikuäwokü jü̧nä̧mä̧ jo̧ka̧'a̧ jä̧kua̧'a̧, tu̧ru̧wa̧ Jesucrito-rü'i̧nä̧ tteruwäku jü̧nä̧mä̧ jo̧kü̧ jä̧kua̧.