Tito 1:9 - Nuevo Testamento Uwotjüja

⁹ Isopäi'ünä̧ wȩnȩ ukuru u̧wo̧juȩti̧nü̧'a̧kuä̧ kkä̧wi̧, kkorotürü'i̧nä̧ ja̧u̧ adiwäjuei wȩnȩnä̧ ttesewächi'äkua'anü̧ ja̧'wa̧ta̧nü̧ to'ija̧'a̧ku̧ ukuokuätürü'i̧nä̧ ttesetipünä̧ ji'äwi.

TÄ̧DO Ä̧CUÄ̧ I̧HUȨNȨ

⁹ Churutä Dios i̧huȩnȩ, ttu̧huo̧juȩti̧nö̧ huȩnȩ, adiu esetö ö̧jä̧cua̧'a̧nö̧. Ja̧'hua̧ta̧nö̧ ja̧u̧ huȩnȩ huo̧juȩtö̧ korotörö. Ja̧'hua̧ta̧nö̧ suronä ucuocuätörö, ja̧u̧ huȩnȩ ucuocu jiähuäcua'a̧nö̧.

Tito 1:9 ပူးပေါင်းရင်းမြစ်များ

Hechos 18:28

Aporo-mä̧ o'katoi'ünä̧ ttä'ka jo̧mȩttü̧ judío Jesucrito-rü esetokotürü ji'äwinü̧, Wȩyu̧kuä̧ Wȩnȩ päü'a̧kuä̧, Jesú-mä̧ Crito ja̧'a̧ pä'ü jiäwinä̧u̧.

1 Corintios 14:24

ja̧'wa̧nü̧ ja̧'a̧nä̧, o'katoi'ünä̧ Dio i̧mi̧nä̧ jittäwa'a, Dio-rü esetokü, jȩru̧pa̧ do'ächi'ü ä̧ju̧ku̧ttü̧mä̧ chutätä u̧wo̧juä̧kua̧, ji̧yȩja̧mä̧ isopäi'ünä̧ ja̧'a̧.

1 Tesalonicenses 5:21

Kka̧kuä̧mü̧ topü adiwä jueitä jȩpä̧tu̧kui̧.

2 Tesalonicenses 2:15

Ja̧'wa̧nü̧ ja̧'a̧ttü̧, chi̧jä̧wa̧tü̧, yabokutä Dio-rü kua̧'kua̧ wȩnä̧rü̧ tätukui ja̧'wa̧ta̧nü̧ ku̧ni̧chi'ätukuä ukuturutä tu̧wo̧juȩti̧nü̧mä̧ ja̧'wa̧ta̧nü̧ wȩyu̧kuojänä̧ wȩyu̧tu̧ wetinümä̧.

1 Timoteo 1:10

Ja̧'wa̧ta̧nü̧ irekua wokojuku kkirekuo woküku jȩpä̧'chä̧tü̧rü̧'i̧nä̧, u̧mä̧tü̧ ttawaruwä u̧mä̧tu̧ku̧ jȩpä̧'chä̧tü̧rü̧'i̧nä̧, ttü̧ja̧rü̧ nä̧u̧kuä̧rä̧tü̧rü̧'i̧nä̧, yaparewätürü'i̧nä̧, ja̧'wa̧ta̧nü̧ kkorojueinä̧ i̧mi̧nä̧ wȩnȩtü̧ ttesetünä̧ jȩpä̧'chä̧tü̧rü̧'i̧nä̧ ja̧'wa̧ta̧nü̧ adiwäjuei wȩnȩ ttu̧wo̧juȩtü̧ to'ija̧'a̧ku̧ wo̧juȩtä̧tü̧rü̧'i̧nä̧.

1 Timoteo 1:15

Pi̧yȩmä̧ isopäi'ünä̧tä̧ ja̧'a̧ttü̧ o'katoi'ünä̧tä̧ kuesetätukua'anü̧ ja̧'a̧: Jesucrito-mä̧ pi̧jä̧ra̧'a̧ ichinü̧ suronä̧ jȩpä̧tü̧rü̧ ttü̧ji̧pü̧nä̧ ppä'ädü, juätüttü ya̧tȩ ä̧kuo̧mȩnä̧ suronä̧ jȩpi̧nü̧mä̧, ttü ja̧'a̧.

1 Timoteo 1:19

Yotukunä̧mä̧ tta̧mü̧kuädü pä̧wä̧rü̧ja̧'a̧ku̧ jȩpü̧ tta̧'kua̧ wȩnä̧rä̧kuä̧wä̧mä̧ to'e'ächinä̧tü̧.

1 Timoteo 4:9

Pi̧yȩmä̧ isopäi'ünä̧ wȩnȩ. O'katoi'ünä̧ ttesetü'a̧nü̧ ja̧'a̧.

1 Timoteo 6:3

Tu̧ru̧wa̧ Jesucrito u̧wo̧juȩti̧nü̧'a̧kuä̧ ja̧'wa̧ta̧nü̧ isopäi'ünä̧ tesetü ttu̧wo̧juȩti̧nü̧'a̧kuä̧ ya̧tȩ kkoromȩnä̧ u̧wo̧juȩtu̧ttü̧mä̧,

2 Timoteo 1:13

Pi̧yȩ wȩnȩ ttü chu̧wo̧juȩto̧mȩnä̧ ttüttü ku̧wo̧jui̧'i̧nü̧'a̧kuä̧ täi, ja̧'wa̧ta̧nü̧ Jesucrito ppädinü̧ tta̧'kua̧ wȩnä̧rä̧kuä̧wä̧nä̧'i̧nä̧, eseäkuäwänä̧'i̧nä̧ kkä̧wi̧.

2 Timoteo 2:2

Ttü̧ja̧ rekuätürü chu̧wo̧juȩta̧'a̧mä̧ ä̧ju̧kuä̧'i̧jü̧jä̧. Jitämä̧ ja̧u̧ kuä̧jukuäijü̧tä̧ tta̧'kua̧ wȩnä̧rä̧tü̧rü̧ ja̧'wa̧ta̧nü̧ kkorotürü ttüwo̧juȩta̧'a̧nü̧ wotürü wo̧juȩti̧.

2 Timoteo 2:25

to'ija̧'a̧ku̧ pä'ätürümä̧ tta̧mi̧so'kinä̧ ukuo tettäwoka'a jua'a yabonü̧ jȩttü̧ juiya pä'ü jittäwa'anü̧ ja̧'a̧, chutä Dio-ku ppa̧ttä̧cho̧mȩnä̧, isopäi'ünä̧ wȩnȩ ttu̧wo̧juä̧chi̧'ü̧nä̧ jȩa̧'a̧nä̧ tta̧'a̧rü̧ kkä̧nü̧.

2 Timoteo 3:14

Ukumä̧ ku̧wo̧jui̧'i̧nü̧nä̧tä̧ esetü yaboku kui̧'chü̧'a̧nü̧ ja̧'a̧, ja̧'wa̧ta̧nü̧ isopäi'ünä̧ wȩnȩ pä'ümä̧ wo̧jua̧jä̧. Juȩnȩ o'komȩnä̧mä̧ ukuru wo̧juȩti̧nä̧tü̧rü̧mä̧ täkü wo̧jua̧jä̧.

2 Timoteo 4:3

Ja̧'wa̧ta̧nü̧ adiwäjuei wȩnȩ ttä̧ju̧kuo̧mȩnä̧ ttü̧ja̧ tta̧mi̧ 'kittächi'okü mo̧ro̧'i̧nä̧ rȩbȩwä̧kua̧'a̧; tta̧mi̧'kittächi'ajueimä̧ jitürütä pä̧wä̧rü̧ja̧'a̧ku̧, wo̧juȩkuä̧ isotü rekuätürü ttusäkuotü jitütä ttä̧ju̧kua̧ pättütä ttu̧wo̧juȩta̧tü̧ pä'ü.

Tito 1:11

Juätürümä̧ ttu̧wo̧juȩta̧'a̧nä̧ ja̧'a̧tä̧mä̧ to'kuätukuä; juätümä̧ ttü̧ja̧rü̧mä̧ o'katoi'ünä̧rü̧ jerutu ikutä, ja̧'wa̧ta̧nü̧ pärätä ttȩma̧ pä'ütä jȩpä̧tü̧.

Tito 2:1

Ja̧'wa̧nü̧ ja̧'a̧nä̧ Tito ukumä̧, isopäi'ünä̧ wȩnȩ päü'a̧kuä̧tä̧ ku̧wo̧juȩtü̧'a̧nü̧ ja̧'a̧;

Judas 1:3

Chawaruwä chü̧jä̧wa̧tü̧, mo̧tä̧ päi'ünä̧ wȩyu̧tu̧ weda pä'inü̧sä̧ Dio ukuturu iyinü̧ tü'kümä̧; ja̧'wa̧nü̧ ja̧'a̧ttü̧ jitämä̧ jädepä̧u̧jä̧ Dio wo̧juȩtü̧ iyinü̧mä̧ ä'kuoyäkuäunu̧ suropätüttü tta̧kuä̧rä̧tu̧kua̧ pä'ü.

Apocalipsis 2:25

Tesetinü̧nä̧mä̧ yabonü̧tä̧, 'kiyünä̧ 'chu̧'ä̧rä̧kuä̧u̧ tti̧'cha̧ pä'ü, ttü chichomebü päi'ünä̧.

Apocalipsis 3:11

Jitätä ja̧'a̧ku̧ chi̧chä̧kua̧sä̧; ku̧ju̧nä̧rü̧mä̧ tta̧'ä̧rä̧kuä̧u̧ kku̧nä̧ri̧, ya̧tȩ'i̧nä̧ kuiäre premio pättü 'chottipü juiyäkua'anü̧.

Apocalipsis 3:3

Ja̧'wa̧nü̧ ja̧'a̧ttü̧ amükuädi, ä̧ju̧ku̧ ku̧wo̧jui̧'i̧nü̧mä̧; amükuädü kku̧nu̧, surojü kä'ädi'i. Ja̧'wa̧nü̧ ja̧'a̧nä̧ to̧'kuä̧rä̧kuä̧u̧ juiyüttümä̧, ya̧tȩ nä̧u̧kuä̧rä̧kuä̧wä̧ i̧sa̧ jä̧'i̧nü̧'a̧nü̧, ukuru topü chichäkua̧sä̧ kuieruwäkuäwa'anä̧.