Tito 1:5 - Nuevo Testamento Uwotjüja

⁵ Creta kkä'ko i̧sä̧sa̧nä̧ chu̧ju̧ni̧'i̧nü̧mä̧, adikuokü kka̧kui̧pi̧nü̧ kuadita pä'ü ja̧'wa̧ta̧nü̧ weinü̧'a̧kuä̧ ütawiyä pünä̧ Igresia-ttü tturuwotürü ku̧ju̧nä̧'cha̧ pä'ü chu̧ju̧ni̧'i̧nä̧ku̧jä̧.

TÄ̧DO Ä̧CUÄ̧ I̧HUȨNȨ

⁵ Ttö huedipinäcujä Creta kä'co i̧sä̧sa̧nä̧, juhua'a yabonö cu̧huo̧juȩta̧ pä'ö. Ttö huedinäcujä ancianos huotörö cu̧ju̧na̧ pä'ö, koro ötahuiyänä koro ötahuiyänä'inä.

Tito 1:5 ပူးပေါင်းရင်းမြစ်များ

Hechos 11:30

Ja̧'wa̧nü̧ pärätä ppä'ädümä̧, Bernawé'i̧nä̧, Sauro'i̧nä̧ ȩpü̧ iyinätü̧ Jerusarȩ́ igresia-ttü a̧ci̧a̧nu̧ wotü ttu̧mü̧nä̧.

Hechos 14:23

Ja̧'wa̧ta̧nü̧ igresia jü̧'a̧kuä̧ A̧ci̧a̧nu̧tu̧-tü̧rü̧ kku̧nä̧'chi̧nä̧tü̧; ttu̧kuȩ a̧do̧chü̧ Dio-rü ukuoku, Ttu̧ru̧wa̧ ttesetäkuru iyü ukuokuinä̧tü̧.

Hechos 2:11

judío kkara'attü ichinä̧tü̧'i̧nä̧ ja̧'wa̧ta̧nü̧ Creta-ra̧'a̧ttü̧, Arabia-ra̧'a̧ttü̧ ichäkuäwotü'i̧nä̧ ti̧wȩnȩnä̧ ttukuokua'a ä̧ju̧kuä̧tü̧jä̧, ¡Dio üadiwämä̧!

Hechos 27:12

Ja̧'wa̧ta̧nü̧, juȩnȩ ttawaränä̧, a̧'ȩ 'kuättopü juiyünä̧ suroji̧yä̧u̧, o'katoi'ünä̧ amükuädinä̧tü̧, juorü rä'opächü tti̧'cha̧ pä'ü Fenice ütawiyä ttawaränä̧ 'kuättopäkua'anü̧, a̧'ȩmä̧. Fenice-mä̧ juȩnȩtä̧ Creta kkä'ko i̧sä̧sa̧nä̧ kki̧'i̧na̧'a̧, juorütä kkä̧wa̧ räopa'aku'i̧nä̧, ma̧ä̧cha̧'a̧ku̧'i̧nä̧ rättopa pä'ü adiwomȩ ja̧'a̧ttü̧.

Hechos 27:13

Kkä̧rü̧'koppamä̧ kkä̧wa̧ ü'oweja'a̧ku̧nä̧ttü̧ a̧'u̧ku̧nä̧tä̧ kkä̧rü̧'ko̧wi̧yä̧u̧, woi'ka u̧ru̧wa̧mä̧ ti̧'cha̧ pä'ü adiwa'akü̧ pä'ü amükuädinä̧tü̧. Ja̧'wa̧nü̧ pä'ü tta̧mü̧kuäda'attü̧ Creta jäyänä̧ 'chi̧nä̧tü̧jä̧.

Hechos 27:21

Täkü, tu̧kuȩ rekuó mo̧ro̧ tukuoka'a jä̧ja̧'a̧, Pauru-mä̧ o'katoi'ünä̧ ttü̧'kä̧tȩ jo̧mȩttü̧ ä̧rä̧mi̧'ü̧ pä'inü̧: —Chawaruwä, ttü pädü esetü, Creta-ttü rätopü juiyäjittümä̧, pa̧'a̧nü̧ usurä ȩmä̧u̧ kkä̧nü̧mä̧, järe'i̧nä̧ to'e'ächokotü pa̧ja̧tü̧jä̧.

Hechos 27:7

Rekuo mo̧ro̧ a̧'kuo̧pa̧ja̧'a̧ 'chä̧jä̧'kotü, usurä ȩmä̧u̧nu̧ 'chä̧wi̧'i̧nä̧tü̧jä̧ Cnido ütawiyä pä̧tȩkuä̧nü̧ jo̧mȩ. Ja̧'wa̧nü̧ ja̧'a̧nä̧, ji̧nä̧ kkä̧rü̧'ko̧wä̧u̧ Creta kkä'ko i̧sä̧sa̧ aboja̧'a̧ku̧nä̧ wi̧sä̧ti̧'ü̧ 'kuä'o'inä̧tü̧jä̧, Salmona kkä'ko i̧sä̧sa̧ pä̧tȩkuä̧nü̧ jo̧mȩnä̧.

1 Corintios 11:34

Ja̧'wa̧ta̧nü̧ yotukunä̧ ttukua ppä̧i̧rü̧jü̧ttü̧mä̧, kuojusodetukuttü kuätukui, kuä̧tȩkuä̧tu̧ku̧ jäwä ku̧ka̧ka̧kuä̧tu̧ku̧ juiya pä'ümä̧. Kkoromä̧ topü chichomȩnä̧tä̧, adiwomȩnä̧ jȩpü̧ chu̧ju̧nä̧kua̧sä̧.

1 Corintios 14:40

Ja̧'wa̧nü̧ ja̧'a̧nä̧, o'kajuiyünä̧ jȩ'kuä̧tu̧ku̧mä̧ adiwomȩnä̧, ukuotü jȩpä̧tu̧kui̧.

1 Corintios 4:17

Ja̧'wa̧nü̧ ja̧'a̧ttü̧ Timoteo-rü wedinä̧u̧jä̧, Chu̧ru̧wa̧nä̧ chi̧tti̧ ukuotä'ijü rȩni̧'a̧rü̧. Jua̧u̧tä̧ jiäwäkuä̧u̧jä̧ Crito-nä̧ jȩpü̧ chü̧jä̧'i̧jü̧ wȩnȩmä̧, kkoromȩ pünä̧, kkoro igresia pünä̧ chu̧wo̧juȩtä̧'i̧jü'a̧kuä̧.

Colosenses 2:5

Isopäi'ünä̧ ukututäku wäjuönä̧mä̧ chü̧jo̧ka̧'a̧nä̧, cha̧'kua̧rü̧ i̧sa̧nä̧tä̧ kkü̧sä̧ ukutukumä̧, ja̧'wa̧nü̧ ja̧'a̧ttü̧ eseusä adiu kuaditätukua'a'i̧nä̧ ja̧'wa̧ta̧nü̧ Crito-rü yaboku kua̧'kua̧ ku̧wȩnä̧rä̧tu̧kua̧'a̧'i̧nä̧ topü.

1 Timoteo 1:3

Macedonia rȩjȩra̧'a̧ 'chä̧nü̧ kkä̧nü̧ jidäwinü̧ta'anü̧, ukumä̧ Éfeso ütawiyänä̧tä̧ kkä̧wi̧, yapare wȩnȩ ttü̧wo̧juȩta̧'a̧ku̧,

2 Timoteo 2:2

Ttü̧ja̧ rekuätürü chu̧wo̧juȩta̧'a̧mä̧ ä̧ju̧kuä̧'i̧jü̧jä̧. Jitämä̧ ja̧u̧ kuä̧jukuäijü̧tä̧ tta̧'kua̧ wȩnä̧rä̧tü̧rü̧ ja̧'wa̧ta̧nü̧ kkorotürü ttüwo̧juȩta̧'a̧nü̧ wotürü wo̧juȩti̧.

Tito 1:12

Jitütä i̧sa̧ Greta kkä'ko i̧sä̧sa̧ttü̧ profeta pättäkumä̧ awaruwärü päinü̧: «Creta kkä'ko i̧sä̧sa̧ ttü̧ja̧mä̧ 'kuäopünä̧tä̧ yaparewätü, de'a isotü ttü̧ja̧kuȩi̧na̧'a̧nü̧ ttaditoka'anä̧ kuä̧nü̧tä̧ kka̧kuä̧tü̧ ja̧'wa̧ta̧nü̧ ütäwätü.»