Tito 1:10 - Nuevo Testamento Uwotjüja

¹⁰ Isopäi'ünä̧ rekuätü kka̧kuä̧tü̧ ukuotü jui'ü mikuäwokütä ukuokuätü ja̧'wa̧ta̧nü̧ isopäi'ünä̧ 'kua̧rü̧nä̧ jȩpä̧tü̧, juätümä̧ ji̧nä̧somä̧ circuncisión jȩpä̧tü̧ttü̧ ichätü ja̧'a̧.

TÄ̧DO Ä̧CUÄ̧ I̧HUȨNȨ

¹⁰ Iso päi'önä recuätö jarode'ätömä ka̧cuä̧tö̧. Judíos ttö̧ja̧ ttö̧'quȩtȩnä̧'i̧nä̧ recuätö ja̧'hua̧nö̧ jȩpä̧tö̧ ka̧cuä̧tö̧. Jahuätömä amönä huȩnȩ ucuocu yapareu ji'ähuätö ttö̧ja̧rö̧.

Tito 1:10 ပူးပေါင်းရင်းမြစ်များ

San Mateo 23:14

[¡Isottü̧ ukutu fariseo-we! weäwä wȩnȩ wo̧juȩkuä̧ isotü kuätukua'anä̧, rȩkua̧mü̧rü̧ usurä ttȩmä̧u̧nä̧ jȩpä̧tü̧jä̧; Dio-rümä̧ rekuo kukuokuätukua'anä̧, ä'koyättütä jȩpä̧tü̧jä̧; Ja̧'wa̧nü̧ jȩ'kuä̧tu̧kuo̧mȩnä̧, rü̧ȩnä̧ tä̧bo̧kuä̧kuo̧tü̧jä̧.]

Hechos 11:2

Ja̧'wa̧nü̧ jä̧ja̧'a̧ Peduru Jerusarȩ́-ra̧'a̧ i̧'chi̧'o̧mȩnä̧, Circuncisión jäwä esetü ukuotätümä̧, rü̧ȩnä̧ pä'ü,

Hechos 15:1

Ja̧'wa̧nü̧ ja̧'a̧ Judea rȩjȩttü̧ Antioquía ütawiyära̧'a̧ 'chä̧jä̧tü̧mä̧, Jesucrito-rü esetäjätürü wo̧juȩti̧nä̧tü̧: Moisé weinüta'anü̧ circuncisión jȩ'kuä̧kuä̧wä̧tu̧ku̧ juiyüttümä̧, surojüttümä̧ kki̧'o̧ko̧tü̧jä̧ pä'ü.

Hechos 15:24

Ujutu pottümä̧ ä̧ju̧kuä̧jä̧tü̧jä̧, ujutumä̧ wetoka'anä̧ pottütä 'chä̧jä̧'kotü ukuturu, kua̧'kua̧ tta̧kuȩkuä̧tu̧ku̧nä̧, circuncisión'i̧nä̧, weäwä wȩnȩ'i̧nä̧ jȩ'kuä̧tu̧kua̧ pä'ü wȩttä̧u̧do pätta'a.

Hechos 20:29

Ja̧'wa̧nü̧ ja̧'a̧ttü̧ wo̧jua̧sä̧, ttü cho'komȩ päi'omȩnä̧, ku̧'kä̧tȩtu̧ku̧nä̧ dodettäkuotü Rowo isotü pä̧i̧kuä̧tü̧ igresia ttü̧ja̧rü̧ be'epäjipü ttikua pä'ü.

Gálatas 2:4

Jua'akumä̧, yä̧wȩi̧nä̧ tü̧'kä̧tȩnä̧ to̧ttä̧ri̧nä̧u̧jä̧ Crito-rü esetätüjä̧ pä'ätümä̧, Crito ujuturu rä'epü ikuinü̧nä̧ tü̧ja̧ku̧ttü̧ rä'epü iku, pä'äjita'anü̧ weäwä wȩnȩku̧ esclavo pättünä̧ tü̧ja̧ku̧nä̧ jȩtta̧ pä'ümä̧.

Gálatas 3:1

¡Isoo, Galacia ttü̧ja̧, Kuamükuädü jui'ätüjä̧ttü̧! ¿Dí ji̧nä̧ttü̧ ukuturu märipänä̧ surojuo'epinü̧mä̧ jueü wȩnȩ kukuotätuku juiya pä'ümä̧? Ttütä wäjuönä̧ jidäwinä̧u̧jä̧ Jesucrito ü̧jo̧kä̧nü̧ daunä̧ kkä̧nü̧ 'korujuoächinü̧ wȩnȩmä̧.

Efesios 4:14

Ja̧'wa̧nü̧ jo̧mȩnä̧mä̧ ppo̧'ä̧tü̧ tta̧mi̧ 'kuä'ätü jä̧'i̧nü̧'a̧nü̧, kkoro ttu̧wo̧juȩtü̧ jü̧'a̧kuä̧mä̧ kue'ächü kko̧ko̧tü̧ täkuotüjä̧. Pi̧jä̧ ttü̧ja̧ tta̧mü̧kuäda'aku ma̧ttä̧chü̧nä̧ jȩpä̧'chä̧tü̧ku̧mä̧.

1 Timoteo 1:4

täbokü wȩnȩ, tä̧do̧tü̧ mi̧nä̧ ttü̧ja̧kui̧nü̧ wȩnȩ'i̧nä̧, yotukunä̧ yapare wȩnȩ ttu̧wo̧juȩtü̧ juiyünä̧ jikuäwäkua'anü̧. Ja̧u̧mä̧ pä'ä'chäkuäu kkä̧kuä̧wä̧ra̧'a̧tä̧ oipü, ja̧'wa̧ta̧nü̧ Dio amükuädinü̧nä̧, tta̧'kua̧ wȩnä̧rü̧ kkä̧kuä̧wä̧ ttu̧wo̧jui̧pa̧ pä'ümä̧ ppädokü.

1 Timoteo 1:6

Yotukunä̧mä̧ pi̧yȩ wȩnȩttü̧ 'kȩ'i̧pä̧chü̧, mikuäwokünä̧tä̧ pä'ä'chäkuäu to'e'ächinä̧tü̧.

1 Timoteo 1:9

Weäwä wȩnȩmä̧ ji̧yȩtȩ'i̧nä̧ adiu jȩpä̧tü̧rü̧mä̧ iyäwoka'a pä'ü ttamükuäda pä'ü ja̧'a̧. Ja̧'wa̧nü̧ ja̧ju̧ jueimä̧ pä̧i̧kuä̧tu̧rü̧tä̧, ukuotokotürütä, suropätürütä ja̧'wa̧ta̧nü̧ surojü jȩpä̧tü̧rü̧tä̧, Dio-rü'i̧nä̧, ttesetü'i̧nä̧ ukuotokotürütä, ttä'orü ja̧ pä'ü'i̧nä̧, tta̧ju̧ru̧ ja̧ pä'ü'i̧nä̧ kuä'ü ikuätürütä, ttü̧ja̧rü̧ kuäwä isotürümä̧ o'katoi'ünä̧rü̧tä̧ iyäwä ja̧'a̧.

2 Timoteo 3:13

Ja̧'wa̧nü̧ ja̧'a̧nä̧ suronä̧ jȩpä̧tü̧mä̧ ja̧'wa̧ta̧nü̧ yaparewätümä̧ yabokutä surojuottächäkuotü, ja̧'wa̧ta̧nü̧ yotüterü yaparewätürümä̧ kkorotü ttüyaparewäkuotü.

2 Timoteo 4:4

Ttü̧ja̧mä̧ isopäi'ünä̧ wȩnȩmä̧ ä̧ju̧kuo̧ko̧tü̧ ttäkuotü, ttä̧ju̧kua̧jueimä̧ o'kajuiyünä̧ täbokü wȩnȩtä̧ adiu ttu̧'ȩpä̧rü̧nü̧ ttä̧ju̧kuä̧kuo̧tü̧.

Tito 1:6

Igresia-rü juȩ'ȩpä̧rü̧mä̧ ya̧tȩ yoriso suronä̧ jȩpä̧'i̧jü̧ pä'äwokü ja̧'a̧, irekuarü'i̧nä̧ yajuterütä kkü̧rü̧, ja̧'wa̧ta̧nü̧ i̧tti̧mü̧mä̧ Jesucrito-rü esetü ukuotü ttü̧ja̧kua̧ pä'ü wa̧ ja̧'a̧.

Santiago 1:26

Ya̧tȩ Dio-rü esetüsä päa'anä̧ i̧nȩ jiyüdäkuäwä jȩru̧pa̧mä̧, chutä a̧mü̧nä̧tä̧ yapareäkuäu, ja̧'wa̧nü̧ jo̧mȩnä̧ Dio-rü esetüsä päümä̧ yoriso mikuäwoka'a.

1 Juan 2:18

Chi̧tti̧mü̧ wotü täkü rüjí mo̧ro̧ ja̧'a̧. Ukutumä̧ ä̧ju̧kui̧nä̧tü̧jä̧, Crito-rü to'ija̧'a̧ku̧ wa̧mä̧ täkü i̧chä̧kua̧, pätta'a; ja̧'wa̧nü̧ ja̧'a̧ttü̧ täkü rekuätü, Crito-rü to'ija̧'a̧ku̧ ukuokuätü rä'ätü; ja̧'wa̧nü̧ jo̧mȩttü̧ täkü rüjí mo̧ro̧ ja̧'a̧ pä'ü wo̧juä̧tü̧jä̧.

1 Juan 2:4

Ttümä̧, «Jua̧u̧ru̧ wo̧jua̧sä̧» pä'anä̧, weinü̧ ukuotokomȩnä̧mä̧, ja̧'wa̧nü̧ pä'ümä̧ ya̧pa̧rȩwa̧, jueü wȩnȩmä̧ kko̧ka̧'a̧ jua̧u̧nä̧mä̧.

1 Juan 4:1

Chawaruwä chi̧jä̧wa̧tü̧, Dio iyinä̧ku̧ Epíritu-ru kku̧nä̧rä̧tü̧jä̧ pä'ätürümä̧ o'katoi'ünä̧rü̧mä̧, kuesetätukuä, kka̧kuä̧mü̧ topätukui, isopäi'ünä̧ Dio iyinä̧ku̧ Epíritu-ru ttu̧ju̧nä̧ra̧ja̧ pä'ü. Isopäi'ünä̧ pi̧jä̧nä̧, rekuätü Dio i̧wȩnȩ ji'äwätü profetas 'kua̧rü̧nä̧ rä'ekuätü.

Apocalipsis 2:14

Ja̧'wa̧nü̧ ja̧'a̧nä̧, ji̧yȩtȩ kkorojuei a̧'u̧ku̧nä̧ jȩpü̧jä̧, ttü chüjü'kokü jäwä: Balac jȩpü̧ ü̧ji̧nü̧ jȩpä̧tü̧rü̧ kku̧nä̧rü̧jä̧, jua̧u̧mä̧ wo̧juȩti̧nü̧ Barac-rümä̧, Irae ttü̧ja̧rü̧ ma̧ttä̧chü̧nä̧ jȩa̧ pä'ü. Ja̧'wa̧nü̧ jȩpü̧mä̧ ttü̧ä̧nä̧wo̧tü̧ tti̧mi̧nä̧ ukuoku jȩä̧kuä̧wä̧ ttukunä̧'i̧nä̧, nä̧tü̧ku̧ jȩttä̧'chä̧kuä̧u̧nä̧'i̧nä̧ we'inü̧.

Apocalipsis 2:6

Ja̧'wa̧nü̧ ja̧'a̧nä̧ pi̧yȩ kkü̧nä̧rü̧jä̧, nicoraíta wotü jȩttü̧, ukumä̧ kkü'koküjä̧, ttü chüjü'küjuiyüta'anü̧.