Santiago 4:3 - Nuevo Testamento Uwotjüja

³ Ja̧'wa̧ta̧nü̧ jäkuepätukumä̧ ȩmo̧ko̧tü̧jä̧, jua'amä̧ ukuturutä pä̧wä̧rü̧jo̧mȩnä̧tä̧ be'epäjipü kuikuätukua pä'ütä amükuädü jäkuepätukua'attü̧.

TÄ̧DO Ä̧CUÄ̧ I̧HUȨNȨ

³ Ja̧'hua̧ta̧nö̧ jäcuhue'ätucumä ȩmo̧co̧tö̧jä̧, suronä amöcuädö jäcuhue'ätucua'attö, suronä jȩä̧cuä̧huä̧nä̧ be'epäjipö cuicuätucu'a̧nö̧ ji̧yä̧cu̧.

Santiago 4:3 ပူးပေါင်းရင်းမြစ်များ

San Mateo 20:22

Päjäku, Jesú-mä̧ ädätinä̧kua̧: —Jäkuepätukua'anä̧, jerupätüjä̧. ¿Ttü usurä chȩmä̧wä̧kua̧'a̧ jü̧ta̧'a̧nü̧, usurä kuȩmä̧wä̧tu̧kua̧ pä'ätüjä̧? Päomȩnä̧, ttädätinä̧ku̧: —A̧, usurä tȩmä̧wa̧ pä'ätüjä̧,

San Marcos 10:38

Jättepomȩnä̧ Jesú-mä̧ ädätinä̧u̧: —Jäkuepätukumä̧, yoriso jerupätüjä̧ ¿iso̧'ta̧ttü̧, reoya chauta'anü̧ kuawätuku'anü̧ ja̧'a̧ tä̧jí̧ ja̧'wa̧ta̧nü̧ bautizo jȩchä̧kuä̧u̧ta̧'a̧nü̧ jȩ'kuä̧kuä̧wä̧kuo̧tü̧jä̧ tä̧jí̧?

San Lucas 11:10

Isopäi'ünä̧ jä'epümä̧, ȩmü̧; ja̧'wa̧ta̧nü̧ usumä̧, po̧kui̧pü̧; ja̧'wa̧ta̧nü̧ äpatenä̧ wopümä̧, ba̧'ȩkua̧.

San Lucas 15:13

Iyäja'attümä̧, a̧'u̧kua̧'a̧tä̧ mo̧ro̧ o'ka'a, o'kajuiyünä̧ ka̧ka̧ti̧'i̧pü̧, i̧tti̧ rüjí ru̧wa̧ päjimä̧, kkoro rȩjȩra̧'a̧ i̧wi̧'i̧nü̧; jua'attümä̧ o'kajuiyünä̧tä̧ be'eku ikuinü̧, pä̧wä̧rü̧ja̧'a̧ku̧tä̧ jȩpü̧ kkä̧nü̧.

San Lucas 15:30

Ja̧'wa̧nü̧ ja̧'a̧nä̧, pide kui̧tti̧, pärätä nä̧tü̧ u̧mi̧ttü̧ja̧ku̧ be'eku ikuinü̧rü̧mä̧, päkäyä rü̧ȩnä̧ bä̧rȩpa̧ttü̧ kuä'äji̧jä̧.

Santiago 4:1

¿Tottü icha'ajä̧ttü̧ kurämä̧ ja̧'wa̧ta̧nü̧ rowäwäkuäwämä̧ ukututtümä̧kü̧? Ja̧'wa̧ta̧nü̧ surojü kkü'kekumä̧ jakuänä̧ 'kuäopünä̧ rowäu kka̧ku̧ ja̧'a̧.

1 Juan 3:22

Ja̧'wa̧nü̧ jo̧mȩnä̧, o'kajuiyünä̧ jätepümä̧ Dio-mä̧ i̧yä̧kuä̧u̧jä̧. Chutä i̧wȩnȩ weütä ukuotü ja̧'wa̧ta̧nü̧ üjü'kütä jȩpü̧ tü̧ja̧kua̧'a̧ttü̧.

1 Juan 5:14

Pa̧'a̧nü̧ jo̧mȩttü̧ Dio-rümä̧ ta̧'kua̧ wȩnä̧rä̧tü̧jä̧, Churutä pä̧wä̧rü̧jo̧mȩnä̧ jätepomenä̧mä̧, Jua̧u̧mä̧ ä̧ju̧kuä̧tü̧jä̧ pä'ü tu̧wo̧jua̧'a̧ttü̧.