Santiago 1:3 - Nuevo Testamento Uwotjüja

³ Ja̧'wa̧ta̧nü̧ täkü wo̧juä̧tü̧jä̧ kua̧'kua̧ ku̧wȩnä̧rä̧tu̧ku̧nä̧ pi̧jä̧ jäwä kka̧kuä̧mȩ'ü̧ toomȩnä̧mä̧ usurä ȩmä̧u̧ ttujuruku tta̧mi̧ 'kiächi'äkuäwä pä'ümä̧.

TÄ̧DO Ä̧CUÄ̧ I̧HUȨNȨ

³ Ucutu huo̧juä̧tö̧jä̧, surojö 'cuäopomenä adiu cuesetätucuomenä, cuami 'qui'ächi'ö cu̧ja̧cuä̧cuo̧tö̧jä̧.

Santiago 1:3 ပူးပေါင်းရင်းမြစ်များ

San Lucas 21:19

Isopäi'ünä̧ rüjí mo̧ro̧bü päi'ünä̧, 'kȩkui̧pä̧chä̧tu̧kuo̧ka̧'a̧ jü̧ttü̧mä̧, surojüttü ku̧ji̧pä̧kuo̧tü̧jä̧.

Romanos 15:4

Isopäi'ünä̧ mo̧ täbokü tti̧wȩyu̧ti̧nü̧mä̧, ujutu tu̧wo̧jui̧pa̧ pä'ü wȩyu̧ti̧nä̧tü̧, ta̧mi̧'ki'ächi'ü; wȩyu̧kuä̧ wȩnȩ ppäda'aku tta̧wä̧rä̧kuä̧wä̧ tu̧ju̧nä̧ra̧ pä'ü.

Romanos 2:7

Tturuwo, wa'ü ikuäwokü, ukuo jäwä Dio iyatü pä'ü tta̧'ä̧rü̧nü̧ adiwä juei jȩpü̧ kki̧nä̧tü̧rü̧mä̧, Dio-mä̧ kkä̧kuä̧wä̧ i̧yä̧kuä̧u̧.

Romanos 8:25

Ja̧'wa̧nü̧ ja̧'a̧nä̧, ji̧nä̧ totokü tta̧tä̧ro̧mȩnä̧mä̧, tta̧mi̧'ki'ächi'ü tta̧'a̧rä̧tü̧jä̧.

Romanos 8:28

Ja̧'wa̧ta̧nü̧ wo̧juä̧tü̧jä̧, Dio-rü repe'ü esewätürümä̧ o'kajuiyünä̧tä̧ adiu ppä̧dä̧u̧ pä'ü, churutä pä̧wä̧rü̧jo̧mȩnä̧ woinä̧u̧ru̧mä̧.

2 Corintios 4:17

Isopäi'ünä̧ pi̧yȩ pi̧jä̧nä̧ttü̧ jurunä̧tä̧ usurä tȩmä̧u̧mä̧, jua̧u̧ttü̧tä̧ Dio-mä̧ i̧yä̧kuä̧u̧jä̧ beipokü adiwä jueimä̧;

Colosenses 1:11

Ja̧'wa̧nü̧ jo̧mȩnä̧, Chutä adiwä juei ujurunä̧tä̧ kujuruwätukuäkuotüjä̧, surojü 'kuäopomȩnä̧ ma̧kuä̧chä̧tu̧ku̧ juiya pä'ümä̧.

2 Tesalonicenses 1:4

Ja̧'wa̧nü̧ ja̧'a̧ttü̧ ukutu kutü'kütukumä̧ Dio-rü esetinä̧tü̧rü̧mä̧ eseunu̧ ji'äwätüjä̧ kua̧mi̧ 'ki'ächi'ü kua̧'kua̧ wȩnä̧rü̧ ku̧ja̧kuä̧tu̧ku̧ wȩnȩtä̧ i̧jȩpä̧tü̧jä̧ kua̧mi̧ 'ki'ächi'ü kua̧'kua̧ wȩnä̧rü̧ ku̧ja̧kuä̧tu̧ku̧tä̧ suronä̧ jȩtta̧ pä'ü tta̧mü̧kuäda'anä̧'i̧nä̧, usurä kuȩmä̧wä̧tu̧kua̧'a̧nä̧'i̧nä̧.

2 Tesalonicenses 3:5

Tu̧ru̧wa̧tä̧ ppä̧dä̧kuä̧u̧jä̧ Dio eseuta'anü̧ kuesewätukunä̧ usurä kuȩmä̧wä̧tu̧kuo̧mȩnä̧ Crito ujuru ku̧ju̧nä̧rä̧kuo̧tü̧jä̧.

Hebreos 10:36

Isopäi'ünä̧ rekuo ja̧'a̧nä̧ kua̧mi̧ 'ki'ächi'ü tta̧'a̧rä̧tu̧kui̧, Dio-rü pä̧wä̧rü̧jü̧ jȩpü̧ kä'ädi'ü'kotü, iya päinü̧ kuȩmä̧tu̧kuä̧kua̧'a̧nü̧.

Hebreos 12:1

Ja̧'wa̧nü̧ ji̧nü̧ta'anü̧, ujutu'i̧nä̧, tta̧'kua̧ wȩnä̧ri̧nä̧tü̧rü̧ rekuätürü tippeyänä tu̧ju̧nä̧ra̧'a̧ttü̧, o'kajuiyünä̧ tto̧ȩpä̧rü̧mä̧, suronä̧ jȩä̧kuä̧wä̧'i̧nä̧ kä'ädi'ü, joäkuäwämä̧, tujuruku ta̧mi̧ 'ki'ächi'ü jotätukua.

Hebreos 6:12

Kutäwächätukuamä pä'okotüjä̧, pärokuänä̧ jitü Dio-rü tta̧'kua̧ wȩnä̧rä̧tü̧ tti̧'chü̧'a̧nü̧, ku̧jä̧tu̧kua̧ pä'ätüjä̧ ja̧'wa̧nü̧ jȩpü̧ ku̧jä̧tu̧ku̧ttü̧mä̧ kuȩmä̧tu̧kuao̧tü̧jä̧ Dio iya päinü̧mä̧.

1 Pedro 1:7

Isopäi'ünä̧ kua̧'kua̧ ku̧wȩnä̧rä̧tu̧ku̧mä̧ oro jä̧'i̧nü̧'a̧nü̧ jü̧: üadiwämä̧ ukuränä̧ kka̧kuä̧mü̧ tottü jä̧'i̧nü̧'a̧nü̧ ja̧'a̧. Tta̧'kua̧ wȩnä̧rü̧ tta̧mi̧ 'kittächi'ümä̧ oro toe'ächüttü'i̧nä̧ u̧wä̧mȩnä̧nü̧ mikuäu ja̧'a̧. Ja̧'wa̧nü̧ ja̧'a̧ttü̧ Jesucrito i̧jȩkuä̧cho̧mȩnä̧mä̧ Dio-rü kua̧'kua̧ ku̧wȩnä̧rä̧tu̧ku̧mä̧ adiutä ttukuokuäkuotü, isopäi'ünä̧ tta̧'kua̧ wȩnä̧rä̧kuä̧wä̧ kka̧kuä̧mü̧ toäkuäwänä̧ 'kuäopümä̧, ttesewa pä'ü jü̧ ja̧'a̧.

2 Pedro 1:6

Ja̧'wa̧ta̧nü̧ wo̧jui̧'ä̧kuä̧wä̧tä̧, tta̧mü̧nä̧ weäkuäwoküra̧'a̧, ja̧'wa̧ta̧nü̧ tta̧mü̧nä̧ weäkuäwokümä̧ tta̧mi̧ 'kiächi'äkuäwära̧'a̧; tta̧mi̧'kiächi'äkuäwätä, rȩrü̧jü̧ toäkuäwära̧'a̧;