San Mateo 7:13 - Nuevo Testamento Uwotjüja

¹³ Äpate 'ko̧a̧tenä̧ dodepätukui. Isopäi'ünä̧ äpate käweate'i̧nä̧, mä̧nä̧ kä̧wȩä̧mä̧'i̧nä̧ toe'ächäkuäwa'atä ȩpa̧'a̧ ja̧'wa̧ta̧nü̧ jua̧u̧nä̧ dodepätümä̧ rekuätü ja̧'a̧.

TÄ̧DO Ä̧CUÄ̧ I̧HUȨNȨ

¹³ Juhua'a yabonö huo̧juȩti̧nö̧do Jesús: —Äpate ji̧'qui̧cha̧jatenä do'ächätucui. Suronä jȩpä̧tö̧ totte'äcuämä mä̧nä̧'i̧nä̧, äpate'inä cähuea'ado. Ju̧huä̧mä̧nä̧ recuätö 'chä̧tö̧.

San Mateo 7:13 ပူးပေါင်းရင်းမြစ်များ

San Mateo 23:13

¡Isottü̧ ukutuwe! weäwä wȩnȩ wo̧juȩtä̧tü̧mä̧ ja̧'wa̧ta̧nü̧ fariseo wotümä̧ ä'koyättütä esetätüjä̧, ukutumä̧ mo̧ro̧jä̧ ru̧wa̧ weünä̧ dodettü juiyünä̧ tto̧'ȩpä̧rä̧tü̧jä̧. Ukututä'i̧nä̧ dode'kuätukuoka'anä̧, kkorotürü'i̧nä̧ dottächa pä'ätürü dodettü juiyünä̧ jȩpä̧tü̧jä̧.

San Mateo 25:41

Jua̧u̧nü̧ o'ka'a Ru̧wa̧ Rey-mä̧ ü'owekunä̧ kka̧kuä̧tü̧rü̧ pä̧kua̧: Suropätümä̧, ttüttümä̧ 'kȩ'i̧pä̧chä̧tu̧kui̧; okurä na̧wi̧pokorära̧'a̧, äwettä umüwäyotü á̧gȩrȩ-ku̧ ttä̧tȩkuarä päi'ünä̧ jȩpü̧ kku̧nä̧warära̧'a̧tä̧ tätukui.

San Mateo 25:46

Ja̧'wa̧nü̧ ja̧'a̧ttü̧, pa̧'a̧nü̧ suronä̧ jȩpi̧nä̧tü̧mä̧ ro̧ȩkuä̧ beipokomȩtä̧ tti̧'cha̧'a̧nä̧, adiu jȩpi̧nä̧tü̧mä̧ kkä̧kuä̧wä̧ i'ko kka̧'a̧tä̧ tti̧'chä̧kuo̧tü̧.

San Mateo 3:2

Jua̧u̧mä̧ ji̧ä̧wi̧nä̧u̧: «¡Suronä̧ jȩ'kuä̧'i̧jä̧tu̧ku̧ kä'ädi'ätukui, mo̧ro̧jä̧ra̧'a̧ttü̧ ruwo weäwämä̧ tü'küwächa'a!»

San Mateo 3:8

Isopäi'ünä̧, surojü käkuädi'ätukuttümä̧, tottünä̧ jȩpü̧ kka̧kuä̧tu̧kui̧,

San Mateo 7:14

Ja̧'wa̧nü̧ ja̧'a̧nä̧ äpate 'ko̧a̧temä̧ ja̧'wa̧ta̧nü̧ mä̧nä̧ a̧'u̧kuä̧mä̧mä̧ a̧'kua̧rä̧kuä̧wä̧ra̧'a̧tä̧ ȩpa̧'a̧; jua̧u̧ po̧kui̧pä̧tü̧mä̧ a̧'u̧ku̧nä̧tä̧ wotü ja̧'a̧.

San Lucas 14:33

Ja̧'wa̧nü̧ ja̧'a̧ttü̧, ukututtü ya̧tȩ, u̧ju̧nä̧rü̧ o'kajuiyünä̧ kädi'ü juiyüttümä̧, Ttü chu̧mü̧wä̧ya̧ ja̧ pä'ümä̧ weyekua'a.

San Lucas 9:33

Ja̧'wa̧nü̧ ja̧'a̧ juätü u̧mä̧tü̧ Jesú-ttü 'kȩtti̧pä̧cha̧'a̧nä̧, Peduru-mä̧ Jesú-ru pä'inü̧: —Chu̧ru̧wa̧, ¡Pȩnȩ́ tü̧ja̧ pä'ü, juiyo adiwomȩ jä̧ttü̧! odewiyä ppo̧ü̧, wäbodekuä aditätüjä̧: Yodetemä̧ uku ku̧jä̧kuode, kkorodemä̧ Moisé ü̧jä̧kuode, kkorodetä Elía ü̧jä̧kuode, jü̧nä̧. Ja̧'wa̧nü̧ ja̧'a̧nä̧, Peduru ukuokumä̧, u̧wo̧jui̧po̧ka̧'a̧nä̧tä̧ ukuokuinü̧.

San Juan 10:9

Ttütä ja̧'a̧, Dio weü äpatemä̧; Ttünä̧ do'ächümä̧ surojüttü ü̧ji̧pä̧kua̧. Doächomȩnä̧'i̧nä̧, räopomȩnä̧'i̧nä̧, u̧kuȩmä̧ ü̧'o̧kui̧'ä̧kua̧.

San Juan 14:6

Päku, Jesú-mä̧ ädätinä̧ku̧: —Ttütäsä mä̧nä̧mä̧, ttütäsä isopäi'ünä̧mä̧ ja̧'wa̧ta̧nü̧ ttütäsä tta̧'kua̧rü̧mä̧. Chä'o ü̧ja̧'a̧mä̧, yoriso ya̧tȩ'i̧nä̧ ttü toünä̧mä̧ rȩbȩä̧kuä̧wo̧ka̧'a̧, ttünä̧tä̧tä̧ rȩbȩä̧kuä̧wa̧'a̧.

Hechos 3:19

Ja̧'wa̧nü̧ ja̧'a̧ttü̧, suronä̧ jȩ'kuä̧'i̧jä̧tu̧ku̧ kä'ädi'ü, Dio-ku ppa̧'ä̧chä̧tu̧kui̧, suronä̧ jȩ'kuä̧'i̧jä̧tu̧ku̧ jȩpü̧ ikuätukuaku pä'ümä̧; Dio-ttü unichä̧rü̧ eseu kkä̧kuä̧wä̧ ichäkua'anü̧.

Romanos 9:22

Ja̧'wa̧nü̧ jü̧ta̧'a̧nü̧ jȩpi̧nü̧ Dio-mä̧. Ro̧ȩkuä̧ tü'kü u̧wo̧juȩta̧ pä'inü̧, Chutä ujuru o'katoi'ünä̧ ttu̧wo̧jui̧pi̧ya̧rü̧ pä'ü. Ja̧'wa̧nü̧ ja̧'a̧ttü̧ rü̧ȩnä̧tä̧ a̧mi̧'ki'ächi'inü̧, jitü ro̧'ȩpü̧ si'epü ttiku'anü̧ wotürü'i̧nä̧.

2 Corintios 4:4

Ja̧'wa̧nü̧ ja̧'a̧ttü̧, esetokotürümä̧, pi̧jä̧nä̧ttü̧ ttü̧ä̧nä̧wa̧mä̧ ttu̧wo̧juö̧ juiyünä̧ ä̧to̧dü̧ ikuinä̧u̧, jareü wȩnȩ i̧tȩya̧u̧ Crito üadiwä kkä̧dȩpü̧ juiyatü pä'ü, jua̧u̧mä̧ Dio a̧'kua̧juä̧ ja̧'a̧ttü̧.

2 Corintios 6:17

Ja̧'wa̧nü̧ ja̧'a̧ttü̧, Tu̧ru̧wa̧mä̧ pä'ü: «Juätüttümä̧ rä'opächü, 'kȩ'i̧pä̧chä̧tu̧kui̧, Surojümä̧ mȩkuä̧tu̧kuä̧, ja̧'wa̧nü̧ jȩ'kuä̧tu̧kuo̧mȩnä̧, Ttümä̧ chȩmä̧kuä̧u̧jä̧,»

Gálatas 5:24

Isopäi'ünä̧ Jesucrito-ku juo'ächinä̧tü̧mä̧, täkü ü̧jo̧kä̧ jäinä̧ kuä'ü ikuinä̧tü̧ ttidepä kkü'kekumä̧.

Filipenses 3:19

Juätümä̧ totte'ächäkuotü, ttü'käbiyutä ttü̧ä̧nä̧wa̧ jü̧nä̧ kka̧kuä̧tü̧, dä'ä rü̧jü̧ jäwätä ukuo te'äkuäwätü. Suro, pi̧jä̧ jäwätä amükuädü jȩpä̧tü̧.

1 Juan 5:19

Ujutumä̧ Dio-ku ji̧nä̧ ji̧yȩtȩ wotüjä̧ ja̧'wa̧ta̧nü̧ pi̧jä̧ ttü̧ja̧mä̧ o'katoi'ünä̧ äwettä weünä̧tä̧ kka̧kuä̧tü̧.

Apocalipsis 12:9

Ja̧'wa̧nü̧ ja̧'a̧ttü̧, jua̧u̧ dragó̧ pä'ü mi̧kua̧, mo̧ täbokü ä̧ka̧ pinü̧, äwettä, satanás, pättäku pi̧jä̧ o'kajuiyünä̧ yapareumä̧, umüwäyotü á̧gȩrȩ-ku̧ pi̧jä̧ rȩjȩra̧'a̧ kki'opü ikuinä̧u̧.

Apocalipsis 13:8

Ja̧'wa̧nü̧ ja̧'a̧ttü̧, pi̧jä̧ ä̧kuo̧mȩnä̧ adikui'ino̧mȩttü̧ päi'ünä̧, usurä ȩmä̧u̧ to'e'ächinü̧, oweja mü̧ä̧ya̧ wa̧ üäre kuyäru'tä kkä̧kuä̧wä̧ kkä'tänä̧ tti̧mi̧ jui'ätümä̧, jua̧u̧ru̧ ttiwe'kiyunä̧ pȩjä̧mü̧ eseäkuäwinä̧tü̧.

Apocalipsis 20:15

Jua'atä do'opü ikuinä̧u̧, kkä̧kuä̧wä̧ kuyäru'tänä̧ tti̧mi̧ jui'ätürümä̧.

Apocalipsis 20:3

Jua̧u̧ru̧ dȩa̧'a̧ku̧ 'kuȩya̧ppa̧nü̧ ja̧'a̧ku̧ do'opü ikuinä̧ku̧, äpate 'kiyünä̧ ppe'tädü kku̧nu̧, yabonü̧ ttü̧ja̧rü̧ üyapareu juiya pä'ü, mil años jo̧mȩnä̧. Jua̧u̧ 'kuäo'ü o'ka'a, pä'äjita'anü̧ ejädü i̧kuä̧kua̧, suro, a̧'u̧kua̧'a̧tä̧.